Rayonun ərazisi 2156 km²-dir. Rayon Krasnodar diyarının şimal-şərq hissəsində yerləşir, Rusiya Federasiyasının qurumları ilə həmsərhəddir: Rostov vilayəti və Stavropol diyarı. Bölgənin Qafqaz, Tixoretski, Pavlovski, Krılovski, Beloqlinski rayonları ilə həmsərhəddir

Rayon 2 iyun 1924-cü ildə Cənub-Şərq vilayətinin Kuban dairəsinin bir hissəsi olaraq qurulur. Buraya Kuban-Qara dəniz vilayətinin ləğv edilmiş Qafqaz bölməsi ərazisinin bir hissəsi daxil idi. Əvvəlcə rayona 9 kənd sovetliyi daxil idi: Atarçikovski, Eremizino-Borisovski, İlyinski, Kalnibolotski, Novoivanovski, Novolokinski, Novopokrovski, Ploski, Uspenski. 16 noyabr 1924-cü ildən rayon Şimali Qafqaz diyarının, 10 yanvar 1934-cü ildən Azov-Qara dəniz diyarının bir hissəsi idi. 31 dekabr 1934-cü ildə bölüşdürmə nəticəsində İlyinski və Kalnibolotski rayonları raypondan ayrılır. 13 sentyabr 1937-ci ildən Novopokrovski rayonu Krasnodar diyarının bir hissəsi olur. 22 avqust 1953-cü ildə ləğv edilmiş Kalnibolotski rayonu ərazisinin bir hissəsi rayonun bir hissəsi olur 1 fevral 1963-cü ildə Novopokrovski kənd rayonu qurulur. 11 fevral 1963-cü ildə ləğv edilmiş Beloqlinski rayonunun ərazisi rayonun bir hissəsi olur. 30 dekabr 1966-cı ildə Beloqlinski rayonu əvvəlki sərhədlərinə bərpa edilir. 1993-cü ildə kənd sovetliklərinin fəaliyyətinə xitam verilir, kənd idarələrinin əraziləri kənd dairələrinə çevrilir. 2005-ci ildə rayonda 14 bələdiyyə qurulur.

1 yanvar 2006-ci il tarixinə rayon əhalisi 46 042 nəfər təşkil etmişdir. Əhalinin hamısı kənd əhalisidir. Bütün əhali arasında kişilər 46,7 %, qadınlar 53,3 % təşkil edir. Ümumi əhalinin 26616 (57,8 %) nəfəri əmək qabiliyyətli insanlar, 24,3 %-i pensiyaçılardır.

Novopokrovski rayonunda 8 kənd inzibati vahidliyinə 32 yaşayış məntəqəsi daxildir.

Bələdiyyənin iqtisadiyyatı kənd təsərrüfatı və emal müəssisələrinə əsaslanır. Kiçik biznes perspektivli şəkildə inkişaf edir. Kiçik müəssisələr rayonun ümumi məhsulunun 45% -ni təşkil edir.

• 2009-02-15 at the Wayback Machine
• Poçt indeksi