Noa Patrik Dillon (2 avqust 1994, Duranqo[d], Kolorado) — ABŞ musiqiçisi; fotoqraf və rejissor.[1] Özünün yaratdığı "The Hellp" qrupunda çalışır.[2] Bir müddət model Luka Sabbatla "Hot Mess" adlı yaradıcılıq birliyi qurub işlədib, amma sonradan bu layihə bağlanıb.[3][4]
| Noa Dillon | |
|---|---|
 N. Dillon 2021-ci ildə Nyu-Yorkda "The Hellp" qrupunun konsertində çıxış edərkən | |
| Ümumi məlumatlar | |
| Doğum tarixi | 2 avqust 1994 (31 yaş) |
| Doğum yeri | |
| Musiqiçi məlumatları | |
| Fəaliyyəti | fotoqraf |
Noa Dillon Koloradonun Duranqo şəhərində böyüyüb.[5] Ali təhsilini Fort Luis Kollecində alıb. Əsas ixtisası fiziologiya olub, pedaqogika fənlərini də əlavə seçib.[6] "Hot Mess" layihəsini qurduğu dövrdə doğma şəhərindəki məktəblərdən birində müəllimləri əvəz edirmiş.[6]
2020-ci ildə Yel Universitetində sənətdə səmimiyyət mövzusunda məruzə edib. 2021-ci ildə "The Marías" qrupunun albom üzlüyünü hazırlayıb.[7] 2022-ci ildə Los-Anceles küçə dəbini əks etdirən "Blust" adlı fotoalbomunu buraxıb.[8] Tanınmış aktyor Nikolas Keyc və xanımı Riko Şibatanın "Flaunt" jurnalı üçün fotolarını çəkib.[9] 2023-cü ildə isə musiqiçi İv Tümorün "Alternative Press" jurnalının payız sayının üz qabığı üçün fotosessiyasını həyata keçirib.[10]
Həmin dövrdə ispan sənətçisi Rozaliyanın "Lux" adlı albomunun bədii tərtibatını öz üzərinə götürüb. Albomun vinil buraxılışı üçün bütün foto-materialları da o hazırlayıb.
2016-cı ildə "YouTube"da "Chemical Sunday" filmini təqdim edib - Nyu-Meksikoda yaşayan navaxo tayfasından olan dörd nəfərin həyat hekayəsini ekranlaşdırıb. Bu işlə bağlı "Dazed" jurnalında yazısı da çıxıb.[11] 2019-cu ildə də musiqiçi Rayan Bitti üçün videoklip çəkib.[12] 2022-ci də isə "Le Père" geyim markasının yaz mövsümü üçün reklam filmi hazırlayıb.[13] 2024-cü ildə Ian və Chief Keef-in "Sh*t Sad" mahnısına klip rejissoru olub.[14]
2023-cü ildə Los-Ancelesdə Pio Piko Qalereyası N. Dillonun əsərlərindən ibarət "Yeni işlər" (orij. "New Works") sərgisini təşkil edib.[15]
2016-cı ildə "Off-White" brendinin sahibi Vircil Ablo onlara "WOMAN" kitabını hazırlamağı həvalə edib.[16] 2017-ci ildə Milk Qalereyası N. Dillon və Sabbatdan Nyu-York Moda Həftəsi üçün 250 multimedia işi istəyib. Bu işlər "Hot Mess"dən olan şair Körtis Eqqlstonun şeirləri ilə bir yerdə nümayiş olunub.[17] Sonradan "SSENSE" markası ilə birlikdə geyim xətti çıxarıblar.[18] 2021-ci idə Los-Ancelesın Terminal 27 qalereyasında ikisinin "Səthlər" (orij. "Surfaces") adlı birgə sərgisi açılıb.[19]
2015-ci ildə də Duranqoda Eddi Liabo və Devin Finukeynlə "The Hellp" qrupunu qurub. 2016-cı ildə ilk albomları "Twin Sinner"i yayımlayıblar.[2] 2021-ci ildə "Terrible Records" şirkətinə keçib və "Enemy" minialbomunu buraxıblar. 2023-cü ildə "Atlantic Records"un alt şirkəti olan "Anemoia" ilə anlaşıblar. 2024-cü ilin oktyabrında ikinci albomları "LL"i çıxarıblar.[20]
- ↑ "Noah Dillon". noahpdillon.com. İstifadə tarixi: 20 may 2025.
- ↑ 1 2 Lafontant, Olivier. "Twin Sinners: The Hellp". No Bells (ingilis). 22 dekabr 2023. İstifadə tarixi: 20 may 2025.
- ↑ Cox, Ollie. "Hot Mess Was Fashion's Hottest Art Collective". Culted (ingilis). 17 iyul 2024. İstifadə tarixi: 21 may 2025.
- ↑ "Hot Mess". Office Magazine (ingilis). 26 noyabr 2018. İstifadə tarixi: 20 may 2025.
- ↑ "ALLGORITHIM | Artists, Art for Sale, and Contact Info | Artsy". www.artsy.net (ingilis). İstifadə tarixi: 20 may 2025.
- ↑ 1 2 "Noah Dillon | Road Rage". www.flaunt.com. İstifadə tarixi: 21 may 2025.
- ↑ Pappis, Konstantinos. "The 50 Best Album Covers of 2021". Our Culture (ingilis). 3 dekabr 2021. İstifadə tarixi: 21 may 2025.
- ↑ "Noah Dillon | BLUST Vol. 1 (Signed) (2022) | Available for Sale | Artsy". www.artsy.net (ingilis). İstifadə tarixi: 20 may 2025.
- ↑ "Nicolas Cage & Riko Shibata | The Yolk of Imagination". www.flaunt.com. İstifadə tarixi: 20 may 2025.
- ↑ Hyland, Samuel. "If Yves Tumor is anything, it's everything". Alternative Press Magazine (ingilis). İstifadə tarixi: 20 may 2025.
- ↑ Dazed. "How the US government are abandoning Native Americans". Dazed (ingilis). 4 noyabr 2016. İstifadə tarixi: 20 may 2025.
- ↑ Corner, Lewis. "Watch Ryan Beatty's music video for his new song Dark Circles". GAY TIMES (ingilis). 19 sentyabr 2019. İstifadə tarixi: 20 may 2025.
- ↑ "Noah Dillon X le PÈRE Show Another Version of Themselves". Office Magazine (ingilis). 12 aprel 2022. İstifadə tarixi: 20 may 2025.
- ↑ ian. ian - Sh*t Sad (Feat. Chief Keef) [Official Video]. 18 oktyabr 2024. İstifadə tarixi: 21 may 2025 – YouTube vasitəsilə.
- ↑ "Noah Dillon New Works Is A Beautiful REM-State Dream Autre Magazine". Autre Magazine (ingilis). 21 avqust 2023. İstifadə tarixi: 21 may 2025.
- ↑ designed, Mies van der Rohe on a campus he had. ""WOMAN" Book c/o Hot Mess LLC". canary---yellow.com (ingilis). İstifadə tarixi: 20 may 2025.
- ↑ Cox, Ollie. "Hot Mess Was Fashion's Hottest Art Collective". Culted (ingilis). 17 iyul 2024. İstifadə tarixi: 20 may 2025.
- ↑ Cox, Ollie. "Hot Mess Was Fashion's Hottest Art Collective". Culted (ingilis). 17 iyul 2024. İstifadə tarixi: 20 may 2025.
- ↑ "Luka Sabbat and Noah Dillon of Hot Mess Launch "Surfaces" Exhibition". Hypebeast. 3 mart 2021. İstifadə tarixi: 20 may 2025.
- ↑ Press-Reynolds, Kieran. "The Hellp: LL". Pitchfork (ingilis). İstifadə tarixi: 20 may 2025.
noahpdillon.com — rəsmi saytı