Nizami Rafiq oğlu Qafarov 1985-ci il , 11 iyun tarixində Bakı şəhərində anadan olub. 2001-ci ildə Bakı şəhərində yerləşən 252 saylı orta məktəbi bitirmişdir.
2005-ci ildə (Azərbaycan Dövlət Neft Akademiyası) Neft-qaz çıxarma sənayesinin menecmenti ixtisasını bitirib.
2019-cu ildə Azərbaycan Memarlıq və İnşaat Universitetinin İnşaat mühəndisi ixtisasını bitirib.
2022-ci ildə Azərbaycan Dövlət İqtisad Universitetinin MBA üzrə magistr pilləsini ingilis bölməsi üzrə fərqlənmə diplomu ilə bitirib.
2005–2006-cı illərdə N saylı hərbi hissənin kəşfiyyat bölüyünün manqa komandiri olaraq hərbi mükəlləfiyyətini yerinə yetirmişdir.

Nizami Rafiq oğlu Qafarovun fəaliyyəti paralel 2 istiqamətdə — idman və korporativ istiqamətlərdə formalaşmışdır.
İdman fəaliyyəti- İdman ilə məşğul olmağa 2001-ci ildə Universitetə daxil olduqdan sonra başlamışdır.Yunan-Roma güləşi üzrə Bakı şəhər birinciliyinin dəfələrlə qalibi və mükafatçısı , Azərbaycan birinciliyinin dəfələrlə mükafatçısı, 2005-ci ildə keçirilən Azərbaycan Silahlı Qüvvələri birinciliyinin qalibi olmuşdur. Sərbəst güləş üzrə böyüklər arasında Bakı şəhər birinciliyinin qalibi və Respublika birinciliyinin bürünc mükafatçısı , Sambo güləşi üzrə böyüklər arasında Respublika birinciliyinin bürünc mükafatçısı olmuşdur.
2007 , 2008 , 2009, 2010-cu illərdə sumo güləşi üzrə Azərbaycan birinciliklərinin 115 kq çəki dərəcəsində qalibi olmuşdur.
2019-cu ildə Grappling güləşi üzrə 100 kq çəki dərəcəsində Azərbaycan birinciliyinin qalibi olmuşdur.
2024-cü ildə Grappling güləşi üzrə 100+ kq çəki dərəcəsində Azərbaycan birinciliyinin qalibi olmuşdur.
2007-ci ildə Ukrayna Respublikasının Kiyev şəhərində keçirilən Avropa oyunlarının (1st European Games of Non-olympic sports 2007) sumo güləşi üzrə 115 kq çəki dərəcəsində qızıl medalını qazanmışdır.
2009-cu ildə Özbəkistan Respublikasının Daşkənd şəhərində keçirilən kəmər güləşi üzrə Dünya birinciliyinin 100 kq çəki dərəcəsində klassik və kuraş növü üzrə 2 ədəd bürünc medalını qazanmışdır.
2024-cü ildə Azərbaycan Respublikasının Bakı şəhərində keçirilən Grappling güləşi üzrə Avropa birinciliyinin 130 kq çəki dərəcəsində bürünc medalını qazanmışdır.
Korporativ idarəetmə fəaliyyəti- 2007-ci ildən əsasən Tikinti sektorunda olan ölkədaxili və beynəlxalq layihələrdə idarəçi olaraq fəaliyyət göstərmişdir. Hal-hazırda -də şirkətin direktoru olaraq fəaliyyət göstərir.