Nikenike Vurobaravu (3 dekabr 1951[1], Yeni Hebride[d]) — vanuatulu diplomat və siyasətçi, Ficinin ilk keçmiş Ali Komissarı, "Vanuaku Pati" siyasi partiyasının üzvü, Vanuatu Respublikasının 10-cu prezidenti (2022-ci ilin iyulundan).
| Nikenike Vurobaravu | |
|---|---|
| ing. Nikenike Vurobaravu | |
.png) | |
  | |
Vəzifədədir | |
| 23 iyul 2022-ci ildən | |
| Şəxsi məlumatlar | |
| Doğum tarixi | 3 dekabr 1951[1] (73 yaş) |
| Doğum yeri | |
| Təhsili | |
| Fəaliyyəti | diplomat, siyasətçi |
| Elmi fəaliyyəti | |
| Elm sahəsi | siyasətçi |
 Vikianbarda əlaqəli mediafayllar | |
Nikenike Vurobaravu 1977-ci ildə Ficidəki Cənubi Sakit Okean Universitetində (USP) incəsənət üzrə bakalavr dərəcəsi almışdır.[2] O, həmçinin 1993-cü ildə Böyük Britaniyanın Vestminster Universitetində diplomatik tədqiqatlar üzrə magistr dərəcəsi almışdır.[3][4] Vurobaravu, Vestminster Universitetində oxuyarkən inkişaf əməkdaşlığı, xarici siyasətin təhlili və diplomatik missiyaların idarə olunması üzrə ixtisaslaşmışdır.[3]
Vurobaravu Asiya İnkişaf Bankı üçün Vanuatu Kompleks İslahat Proqramının koordinatoru vəzifəsində çalışmışdır. O, həmçinin 2008–2010-cu illərdə Baş nazirin ofisində siyasi məsləhətçi vəzifəsində çalışmışdır. 2014-cü ilin fevral ayında Vurobaravu, Ficidəki Vanuatu Ali komissarı təyin edilmiş və ölkə tarixində Suvada daimi yaşayan ilk Ali komissar olmuşdur. Lakin o, 2015-ci ildə ovaxtkı hökumət tərəfindən Vanuatuya geri çağırıldı. 12 oktyabr 2017-ci ildə Prezident Tallis Obed Musa Vurobaravunu ikinci dəfə Ficiyə Ali komissar təyin etdi. Vurobaravu etimadnaməsini 14 noyabr 2017-ci ildə Fici Prezidenti Jioji Konroteyə təqdim etdi.
2022-ci il Vanuatuada prezident seçkilərində səsvermənin səkkizinci turunda parlament 58 seçici səsindən 47-ni qazanaraq Vurobaravunu ölkənin 12-ci prezidenti seçdi. Əvvəlki yeddi turda heç bir namizəd səs çoxluğunu qazanmamışdı; bununla belə, Vurobaravu keçmiş Baş nazir Karlot Salwai-nin koalisiya partiyasının doqquz üzvü ilə danışıqlar apardı və onlar onu dəstəkləməyə razı oldular və beləliklə Vurobaravunun prezidentliyi qazanmasına imkan verdilər.
18 avqust 2022-ci ildə Vurobaravu, etimadsızlıq səsverməsinin qarşısını almaq üçün ləğv edilməsini tövsiyə edən Baş nazir Bob Lafmanın istəyi ilə səlahiyyət müddətinin ortasında parlamenti buraxdı. Təklif müxalifətin tənqidinə səbəb oldu və müxalifət lideri Ralph Regenvanu müxalifət partiyalarının ləğvetmə ilə bağlı məhkəmədə etiraz edəcəyini açıqladı. Bundan sonra növbədənkənar seçki keçirildi.
- ↑ 1 2 The International Who's Who. 1992.
- ↑ "Alumnus Gives Back to Home Country" (PDF). University of the South Pacific. 10 October 2018. Archived (PDF) from the original on 23 July 2022. Retrieved 23 July 2022.
- ↑ 1 2 "New High Commissioner of Vanuatu presented his credentials to Fiji's President". Vila Times 17 November 2017. Archived from the original on 30 July 2021. Retrieved 23 July 2022.
- ↑ "Fijian President Receives New Diplomatic Envoys". Government of Fiji . 4 March 2014. Archived from the original on 23 July 2022. Retrieved 23 July 2022.