Rizvanov Nazim Abbas oğlu (Nazim Rizvan) — şair, ədəbiyyatşünas, yazıçı, tərcüməçi, 1989-cu ildən Azərbaycan Yazıçılar Birliyinin üzvü, filologiya elmləri namizədi.
| Nazim Rizvan | |
|---|---|
| Nazim Abbas oğlu Rizvanov | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vəfat tarixi | |
| Vəfat yeri | Bakı, Azərbaycan |
| Dəfn yeri | Bakı, Maştağa qəsəbəsi |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Elm sahəsi | Filologiya |
| Elmi dərəcəsi | filologiya elmləri namizədi |
| İş yeri | Azərbaycan Milli Elmlər Akademiyası |
| Təhsili | Azərbaycan Dövlət Universitetinin Tarix fakültəsi |
| Elmi rəhbəri | Mirzə İbrahimov |
| Üzvlüyü | Azərbaycan Yazıçılar Birliyi |
Nazim Rizvan 1951-ci il mayın 12-də Bakı şəhərində anadan olmuşdur. 1973-cü ildə Azərbaycan Dövlət Universitetinin Tarix fakültəsini,1981-ci ildə Azərbaycan EA-nın Nizami adına Ədəbiyyat institunun aspiranturasını bitirmiştir.[1]
1981-1987-ci illərdə Azərbaycan EA-nın Nizami Gəncəvi adına Ədəbiyyat İnstitutunun "Cənubi Azərbaycan ədəbiyyatı" şöbəsində kiçik elmi işçi, 1987-2003-cü illərdə isə böyük elmi işçi vəzifələrində çalışmışdır.
1985-ci ildə Azərbaycanda ilk dəfə "Məhəmmədhüseyn Şəhriyar yaradıcılığında vətənpərvərlik" mövzusunda dissertasiya müdafiə edərək filologiya elmləri namizədi, alimlik dərəcəsi almışdır. [2]
1996-2003-cü illərdə Dünya Azərbaycanlılarının Həmrəyliyi Cəmiyyətinin ağsaqallar şurasının sədri olmuşdur.
Nazim Rizvan 4 cildlik "Cənubi Azərbaycan ədəbiyyatı antologiyasi"nda tərtibçi, 2 cildlik "Cənubi Azərbaycan ədəbiyyatı tarixinin oçerkləri" kitabında müəllif, 3 cildlik "Şəhriyar Əsərləri" kitabında tərcüməçi-redaktor, 20 cildlik "Klassik Azərbaycan ədəbiyyatı kitabxanası"nın II cildində tərcüməçi, M.Şəhriyarın "Yalan dünya" və "Seçilmiş əsərləri" kitablarında tərtibçi və tərcüməçi kimi iştirak etmişdir. O, həmçinin, Qətran Təbrizi, Nizami Gəncəvi, Abbasqulu ağa Bakıxanov, Səid Səlmasi, Viktor Hüqo, Mariya Loxvitskaya, A.S. Puşkin, Polejayev, Dobrolyubov və başqalarından şeirlər, A.Konan Doyl, A.P.Çexov, Qulamhüseyn Saedi, L.N.Tolstoydan roman, povest, hekayə və məktublar tərcümə etmişdir.
Bədii yaradıcılığa 1963-cü ildə "Göy-göl" şeiri ilə başlamışdır. [1] İlk mətbu şeiri 1967-ci ildə Azərbaycan Demokrat Firqəsinin orqanı olan "Azərbaycan" qəzetində dərc olunmuşdur. Bundan sonra "Çinar pöhrələri", "Odlu misralar", "Azərbaycan", "Yaşıl budaqlar", "Yeni səslər", "Azərbaycan" poeziya ədəbi almanaxlarında, qəzet və jurnallarda çıxış etmişdir.
"Maştağa məktəbi" (1981), "Tənha" (1983) romanları, "Şöhrət" (1983), "Yanğın" (1991) poemaları, "Yarımçıq vüsal" mənzum romanı və bir çox povest, hekayə və şeirlərin müəllifidir.
Azərbaycan, İran, Türkiyə, Almaniya, həmçinin İsveçin qəzet və jurnallarında şeirləri dərc olunmuşdur. [1]
1992 və 1998-ci illərdə İran İslam Respublikasında keçirilən Beynəlxalq Şəhriyar konqresində, 2001-ci ildə Estoniyada Avropa Azərbaycanlıları konqresində iştirak etmişdir.
Nazim Rizvanın 1997- ci ildə "Xətai", 1999-ci ildə "Əcdaddan doğan ruhla" kitabları çap olunmuşdur. [2]
- Sevgim mənim (şeirlər). Bakı, "Yazıçı", 1989.
- Azərbaycan diasporası tarixindən. Bakı, "Borçalı"HPM, 2002.
- Cənubi Azərbaycan ədəbiyyatının yeni inkişaf mərhələsi (1850-1920). Bakı, "Səda", 2005.
- Yarımçıq vüsal (poemalar). Bakı, "Elm və təhsil", 2017.
- Əbədi çinar (şeirlər və poemalar). Bakı, "Elm və təhsil", 2021.
Nazim Rizvan 2003-cü il oktyabrın 3-də Bakıda vəfat etmişdir.
- 1 2 3 ŞAZ-1.
- 1 2 "Azərbaycan diasporasının tarixindən". http://web2.anl.az:81/. İstifadə tarixi: 14.01.2025.