Narteks — erkən xristian və Bizans bazilikalarında və kilsələrində müntəzəm olaraq rast gəlinən, adətən binanın qərbində yerləşən giriş hissəsi kimi təsvir edilə bilər. Narteks, ümumiyyətlə, mərkəzi hissədən divarlar və ya sütunlarla ayrılır. Erkən xristian kilsələrində portik formasında, Bizansda isə əsasən kilsənin qərb hissəsində əsas oxa perpendikulyar formada yerləşdirilmiş və qapılarla xaricə açılan qapalı məkan formasında olmuşdur.
Bəzi kilsələrdə ardıcıl olaraq iki narteks ola bilər. Bu halda birinciyə xarici narteks, oradan qapıdan daxil olunan ikincisinə isə daxili narteks deyilir. Ayasofya (İstanbul) iki narteksli bazilika nümunəsidir.[1]
- Krautheimer, Richard. Architettura paleocristiana e bizantina (italyan). Turin: Einaudi. 1986. ISBN 88-06-59261-0.
Vikianbarda Narteks ilə əlaqəli mediafayllar var.
- ↑ "Kilisenin Bölümleri | Terminoloji". Okur Yazarım (türk). 23 aprel 2020. 28 noyabr 2020 tarixində arxivləşdirilib. İstifadə tarixi: 4 avqust 2023.