Namiq Rəsul oğlu Zeynalov (XX əsr, Azərbaycan) — Azərbaycan dövlət xadimi, 2018–2020-ci illərdə Cəlilabad Rayonu İcra Hakimiyyətinin başçısı.[1] O, vəzifədən azad edildikdən sonra korrupsiya ittihamları ilə həbs olunmuşdur.[2][3]
| Namiq Zeynalov | |
|---|---|
Cəlilabad Rayon İcra Hakimiyyətinin başçısı | |
| 6 fevral 2018 – 8 dekabr 2020 | |
| Əvvəlki | Adil Məmmədov |
| Sonrakı | Rafiq Cəlilov |
| Şəxsi məlumatlar | |
| Doğum tarixi | XX əsr |
| Doğum yeri | |
| Fəaliyyəti | siyasətçi |
Namiq Zeynalov Cəlilabad Rayon İcra Hakimiyyətinin başçısı təyin olunmazdan əvvəl Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin rəis müavini vəzifəsində çalışmışdır.[1] Azərbaycan Respublikası Prezidenti İlham Əliyevin 6 fevral 2018-ci il tarixli sərəncamı ilə Cəlilabad Rayon İcra Hakimiyyətinin başçısı təyin edilmişdir.[4][5] 8 dekabr 2020-ci ildə Azərbaycan Prezidenti İlham Əliyevin sərəncamı ilə vəzifəsindən azad edilmişdir.[2][6] O, Əziz Əzizovu əvəz etmişdir.[7]
7 dekabr 2020-ci ildə Dövlət Təhlükəsizliyi Xidməti tərəfindən Cəlilabad Rayon İcra Hakimiyyətində əməliyyat keçirilmiş, Namiq Zeynalov saxlanılmışdır.[3][8] 9 dekabrda Səbail Rayon Məhkəməsinin qərarı ilə barəsində 4 aylıq həbs qətimkan tədbiri seçilmişdir.[8] Ona qarşı Azərbaycan Respublikası Cinayət Məcəlləsinin 179.2.2 (təkrar mənimsəmə), 179.2.3 (vəzifə mövqeyindən istifadə etməklə mənimsəmə), 179.2.4 (külli miqdarda ziyan vurmaqla mənimsəmə), 308.2 (vəzifə səlahiyyətlərindən sui-istifadə), 311.3.2 (təkrar rüşvət alma), 311.3.3 (külli miqdarda rüşvət alma) və 313-cü (vəzifə saxtakarlığı) maddələri ilə ittiham irəli sürülmüşdür.[3][9] Namiq Zeynalov 2 milyon manatı mənimsəmədə ittiham olunmuşdur.[10]
14 sentyabr 2021-ci il tarixli Azərbaycan Respublikası Prezidentinin Sərəncamı ilə Rafiq Cəlilov Cəlilabad Rayon İcra Hakimiyyətinin başçısı vəzifəsinə təyin edilmişdir.[11][12]
Lənkəran Ağır Cinayətlər Məhkəməsinin hökmü ilə 12 il müddətinə azadlıqdan məhrum edilmişdir. 2023-cü ildə Şirvan Apellyasiya Məhkəməsi tərəfindən cəzası 11 il 9 aya endirilmişdir.[13] Hökmə əsasən, onun əmlakları (fərdi yaşayış evləri, avtomobil və torpaq sahələri) dövlət nəfinə müsadirə edilmişdir.[14]
2024-cü ildə övladları tərəfindən müsadirə edilmiş əmlakların geri qaytarılması üçün Ali Məhkəməyə verilən kassasiya şikayəti təmin edilməmişdir.[14]
- 1 2 "Saxlanılan icra başçısı Namiq Zeynalov kimdir? - DOSYE". Reportyor.az. İstifadə tarixi: 22 dekabr 2025.
- 1 2 "Cəlilabad Rayon İcra Hakimiyyətinin başçısı Namiq Zeynalov vəzifəsindən azad edildi". BBC News Azərbaycanca. 8 dekabr 2020. İstifadə tarixi: 22 dekabr 2025.
- 1 2 3 "Namiq Zeynalov həbs edildi — Yenilənib". Qafqazinfo.az. İstifadə tarixi: 22 dekabr 2025.
- ↑ "Cəlilabad rayonuna yeni icra başçısı təyin edilib". Cəlilabad Rayon İcra Hakimiyyəti. İstifadə tarixi: 22 dekabr 2025.
- ↑ "Namiq Zeynalov Cəlilabad İcra Hakimiyyətinin başçısı vəzifəsindən azad edildi". Report.az. İstifadə tarixi: 22 dekabr 2025.
- ↑ "Namiq Zeynalov vəzifəsindən qovuldu". Ovqat.com. İstifadə tarixi: 22 dekabr 2025.
- ↑ "Prezident Əziz Əzizova yeni vəzifə verdi -". Axar.Az. 2 fevral 2018.
- 1 2 "Sabiq icra başçısı Namiq Zeynalov barəsində 4 aylıq həbs qətimkan tədbiri seçilib - YENİLƏNİB". APA.az. İstifadə tarixi: 22 dekabr 2025.
- ↑ "Namiq Zeynalov həbs edilib: Ona irəli sürülən ittihamlar məlum olub - Yenilənib". Marja.az. İstifadə tarixi: 22 dekabr 2025.
- ↑ "Cəlilabadın keçmiş icra başçısının məhkəməsi başlayıb". Report.az.
- ↑ "İcra Hakimiyyətindən Rafiq Cəlilovla". modern.az.
- ↑ https://www.aztv.az/az/news/14897/celilabada-yeni-icra-hakimiyyeti-bashchisi-teyin-edilib#:~:text=Rafiq%20%C6%8Fsg%C9%99r%20o%C4%9Flu%20C%C9%99lilov%20Az%C9%99rbaycan%20Respublikas%C4%B1n%C4%B1n%20%C4%B0qtisadiyyat,C%C9%99lilabad%20Rayon%20%C4%B0cra%20Hakimiyy%C9%99tinin%20ba%C5%9F%C3%A7%C4%B1s%C4%B1%20t%C9%99yin%20edilib.
- ↑ "Cəlilabadın sabiq icra başçısının cəzası azaldılıb". Fed.az. İstifadə tarixi: 22 dekabr 2025.
- 1 2 "Namiq Zeynalovun övladlarının şikayəti ilə bağlı qərar verildi". Pravda.az. İstifadə tarixi: 22 dekabr 2025.