Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinNamihey Odayra (小平浪平, Odayra Namihey?, 15 yanvar 1874[1], İenaka[d], Toçiqi prefekturası – 5 oktyabr 1951[1], Tokio) – Yaponiya biznesmeni. 1910-cu ildə "Hitachi" şirkətini təsis etmişdir.
| Namihey Odayra | |
|---|---|
| yap. 小平 浪平 | |
 | |
| Doğum tarixi | 15 yanvar 1874[1] |
| Doğum yeri |
|
| Vəfat tarixi | 5 oktyabr 1951[1] (77 yaşında) |
| Vəfat yeri | |
| Təhsili |
|
| Fəaliyyəti | sahibkar, ixtiraçı |
 Vikianbarda əlaqəli mediafayllar | |
1874-cü ildə Yaponiyanın Toçiqi prefekturasında yerləşən İenaka kəndində doğulmuşdur. Elektrik mühəndisi olmağa qərar vermiş və Tokio Universitetindən məzun olmuşdur.[2] "Tokyo Dento" şirkətində işlədikdən sonra 1906-cı ildə "Kuhara Koqyoşo" şirkətinin Hitaçi mədənində yerləşən təmir dükkanında işləməyə başlamış,[3] beş at gücünə malik induksiya motoru hazırlamışdır. Bu, yapon bir şəxs tərəfindən dizayn edilmiş və hazırlanmış ilk belə motordur. Motor 2023-cü ildə əhəmiyyətli mədəni mülk statusu almışdır.[2]
Odayra mədənçilik əməliyyatlarının səmərəliliyini artırmaq məqsədilə elektrik avadanlıqlarının istehsalına başlamışdır.[3] 1910-cu ildə "ali, orijinal texnologiyalar və məhsullarla cəmiyyətə töhfələr vermək" üçün mədənin təmir bölməsi əsasında "Hitachi" şirkətini təsis etmişdir.[4] 1929–1947-ci illərdə şirkətin prezidenti olmuş, şirkəti Yaponiyanın aparıcı elektrik avadanlıqları şirkətlərindən birinə çevirmişdir.[3]
Qolf, rəssamlıq, keramika sənəti məşğul olduğu əsas hobbilər olmuşdur.[2]
2021-ci ilin noyabrında "Hitachi" şirkəti tərəfindən Odayra Memorial Muzeyi açılmışdır. 8 may 2024-cü ildə muzey 50.000-ci ziyarətçisini qəbul etmişdir.[5]
- ↑ 1 2 3 4 Namihei Odaira // Find a Grave (ing.). 1996.
- ↑ 1 2 3 "The founder of Hitachi Namihei Odaira 150th Anniversary Exhibition". Hitachi şirkətinin rəsmi saytı (ingiliscə). 28 mart 2024. İstifadə tarixi: 25 iyun 2024.
- ↑ 1 2 3 Kodansha Encyclopedia of Japan. səh. 61
- ↑ "Hitachi Founder Namihei Odaira 150th Anniversary Project Begins". Hitachi şirkətinin rəsmi saytı (ingiliscə). 20 dekabr 2023. 25 may 2024 tarixində arxivləşdirilib. İstifadə tarixi: 25 iyun 2024.
- ↑ "[Announcement] Odaira Memorial Museum Welcomes 50,000th Visitor!" (PDF). Hitachi şirkətinin rəsmi saytı (ingiliscə). 8 may 2024. 25 iyun 2024 tarixində arxivləşdirilib (PDF). İstifadə tarixi: 25 iyun 2024.
- Kodansha Encyclopedia of Japan (ingiliscə). VI cild (Niju–Saka). Tokio: Kodansha. 1983. səh. 61. ISBN 0-87011-626-6. İstifadə tarixi: 25 iyun 2024.