Nakaqava Qoroci (中川五郎治?, 1768 – 23 oktyabr 1848) – bir müddət Rusiyada yaşamış və Yaponiyaya çiçək xəstəliyi vaksinasiyasını gətirmiş şəxs.
| Nakaqava Qoroci | |
|---|---|
| yap. 中川五郎治 | |
 | |
| Doğum tarixi | 1768 |
| Vəfat tarixi | 23 oktyabr 1848 |
| Vəfat səbəbi | boğulma |
| Fəaliyyəti | tədqiqatçı-səyyah[d] |
Nakaqava Qoroci 1768-ci ildə Yaponiyada doğulmuşdur.[1] 1807-ci ildə Cənubi Kuril adalarında mühafizəçi və tərcüməçi kimi işləyərkən Rusiya basqınçıları tərəfindən qaçırılmış və Sibirə aparılmışdır.[1] O, növbəti beş ilini Rusiyada keçirmişdir.[1] Bu müddət ərzində İrkutsk şəhərində olmuş, Yaponiya haqqında olan xəritələri və sənədləri gizlicə məhv etmişdir.[1] Yakutskda həkim köməkçisi kimi işləyərkən çiçək xəstəliyi vaksininin effektləri ilə tanış olmuşdur.[1]
1812-ci ildə rus səyyah Vasili Qolovnin ilə birlikdə Yaponiyaya səyahət etmişdir.[1] Qolovnin Kunaşir adasında olanda yaponlar tərəfindən əsir götürülmüş və nəticədə, Nakaqava azadlığına qovuşmuşdur.[1] O, Rusiya haqqında hesabat yazmış və 1824, 1835 və 1842-ci illərdə Yaponiyada baş vermiş çiçək xəstəliyi epidemiyaları zamanı Rusiyada əldə etdiyi tibbi biliklərdən istifadə etmişdir.[2] Daha sonra Matsumae hanı[a] tərəfindən işə götürülmüşdür.[2]
- ↑ Hazırda Hokkaydo prefekturası.
- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 312-313. ISBN 0-87011-625-8. İstifadə tarixi: 8 avqust 2022.