Nədim Vasif Otyam (türk. Nedim Vasıf Otyam; 1919[1], Ankara, Ankara vilayəti – 6 mart 2008 və ya 7 mart 2008[1]) — Türkiyə bəstəkarı, musiqiçidi, film rejissoru, prodüseri, orkestr dirijoru və pedaqoqu.
| Nədim Otyam | |
|---|---|
| Ümumi məlumatlar | |
| Doğum tarixi | 1919[1] |
| Doğum yeri | |
| Vəfat tarixi | 6 mart 2008 (88–89 yaşında) və ya 7 mart 2008[1] (88–89 yaşında) |
| Musiqiçi məlumatları | |
| Fəaliyyəti | kinorejissor, bəstəkar |
O, Türkiyədə orijinal film musiqisi yaradan ilk sənətkarlardan biri kimi tanınmışdır. Film rejissoru kimi də fəaliyyət göstərən Otyam 1952-ci ildə Türkiyə kinosunda torpaq ağalığı mövzusunu işləyən ilk film hesab olunan Toprak filminin rejissoru və prodüseri olmuşdur. 1974–1984-cü illərdə İstanbul Bələdiyyə Konservatoriyasının müdiri vəzifəsində çalışmışdır. Rəssam Fikrət Otyamın qardaşı, musiqiçi Əli Otyamın atasıdır.
Nədim Vasif Otyam 1919-cu ildə Ankarada əczaçı bir atanın oğlu olaraq anadan olmuşdur. Yeni yaradılmış Ankara Dövlət Konservatoriyasının nəfəsli çalğı alətləri bölməsinin ilk məzunları arasında olmuşdur. Təhsilini 1942-ci ildə başa vurduqdan sonra Riyasəti-Cümhur Filarmoniya Orkestrinə təyin edilmişdir. Bununla yanaşı, xor dirijoru kimi fəaliyyət göstərmiş, Ankara Radiosu Uşaq Xoruna, həmçinin Ankara Xalq Evindəki orkestr və xora rəhbərlik etmişdir. Ernst Pretorius, Georq Markovits və Karl Anton Ebert ilə birlikdə çalışmışdır.[2][3]
Otyam 1950-ci ildə İstanbulda "Atlas Film" şirkətində fəaliyyətə başlamışdır. 1952-ci ildə "Barbaros Film" şirkətini qurmuş və Türkiyədə ilk dəfə olaraq orijinal film musiqisi bəstələyərək böyük orkestr ilə musiqini səsyazmasına alan ilk bəstəkar olmuşdur.[2]
Aralarında "Karanlıkta Uyananlar", "İsyancılar", "Seyyit Han" və "Kaçıklık Diploması" filmlərinin də olduğu 100-dən artıq filmin musiqisini bəstələmişdir. 1952-ci ildə Türkiyə kinosunda torpaq ağalığı mövzusunu işləyən ilk film olan "Toprak" filminin rejissoru və prodüseri kimi çıxış etmişdir.[3]
1972-ci ildə İstanbul Bələdiyyəsi Şəhər Teatrlarının musiqi direktoru, 1974-cü ildə isə İstanbul Bələdiyyəsi Konservatoriyasının müdiri təyin edilmişdir. Bu dövrdə konservatoriyanın Sultanəhməddən Kadıköydə yerləşən Hal Binasına köçürülməsini və həmin məkanın musiqi məktəbi kimi uyğunlaşdırılmasını təmin etmişdir. 1984-cü ildə müdir vəzifəsindən ayrılmış, 1987-ci ilədək pedaqoji fəaliyyətini davam etdirmişdir.[3]
1976-cı ildə İstanbul Dövlət Gözəl Sənətlər Akademiyasının Kino-Televiziya İnstitutunda "Film musiqisi" fənnini tədris etməyə başlamışdır. Sonradan Mimar Sinan Universitetinin Kino-Televiziya Bölməsi adını alan bu təhsil müəssisəsində vəfatına qədər dərs demişdir.[2]
- 1965-ci il – 2-ci Altın Portakal Film Festivalı, Ən Yaxşı Musiqi Mükafatı (Karanlıkta Uyananlar)[4]
- 1966-cı il – 3-cü Altın Portakal Film Festivalı, Ən Yaxşı Musiqi Mükafatı (İsyancılar)[4]
- 1969-cu il – 1-ci Altın Koza Film Festivalı, Ən Yaxşı Musiqi Mükafatı (Seyyit Han)[5]
- 1979-cu il – Mədəniyyət Nazirliyi, 25-ci İl Sənət Şərəf Mükafatı[6]
- 1981-ci il – 18-ci Altın Portakal Film Festivalı, Ən Yaxşı Musiqi Mükafatı (Derya Gülü)[4]
- 1998-ci il – 10-cu Ankara Beynəlxalq Film Festivalı, Ən Yaxşı Musiqi Mükafatı (Çökertme)[7]
- 1998-ci il – 11-ci Ankara Beynəlxalq Film Festivalı, Ən Yaxşı Musiqi Mükafatı (Kaçıklık Diploması)[8]
- 1999-cu il – 36-cı Altın Portakal Film Festivalı, Ömür Boyu Şərəf Mükafatı[4]
- 2000-ci il – Mimar Sinan Universiteti, Əmək Xüsusi Mükafatı[6]
- 2005-ci il – 24-cü Beynəlxalq İstanbul Film Festivalı, Şərəf Mükafatı[6]
- 1952: Toprak
- 1952: Yurda Dönüş
- 1954: Bar Kızı
- 1956: Gecekondu Yosması
- 1961: İnleyen Dağlar
- 1964: Kan ve Gurur
- 1951: Barbaros Hayrettin Paşa
- 1951: Dudaktan Kalbe
- 1951: Lale Devri
- 1951: Vatan İçin
- 1951: İstanbul Çiçekleri
- 1951: İstanbul'un Fethi
- 1952: Toprak
- 1952: Yurda Dönüş
- 1952: İki Süngü Arasında
- 1954: Kaçak
- 1954: Ölüm Saati
- 1956: Gizli El
- 1956: Tuzak Oteli
- 1958: Dokuz Dağın Efesi: Çakıcı Geliyor
- 1958: Hayat Cehennemi
- 1959: Ben Kahpe Değilim
- 1959: Kanlı Değirmen
- 1960: Yak Bir Sigara
- 1962: Gurbet Yolcuları
- 1964: Duvarların Ötesi
- 1964: Karanlıkta Uyananlar
- 1965: Çanakkale Arslanları
- 1966: Karaoğlan-Camokanın İntikamı
- 1966: İsyancılar
- 1968: Camokanın Dönüşü
- 1968: Seyyit Han: Toprağın Gelini
- 1968: Şeytan Kafesi
- 1973: Hazreti Bilal-i Habesi
- 1979: Derya Gülü
- 1985: Alkol
- 1985: Bugünün Saraylısı (TV dizisi)
- 1986: Duvardaki Kan (TV dizisi)
- 1988: Çil Horoz
- 1997: Çökertme
- 1998: Kaçıklık Diploması
- 2001: Acı Gönül
- “Köyüm, Seni Unutmadım” (Solocular, koro ve orkestra için)
- “Maral” (Bale suiti)
- “Fatih Destanı” (Büyük orkestra için senfonik suit)
- “O’nun İçin” (Atatürk'e adanmıştır)
- “27 Mayıs Senfonisi” 1960
Otyam uşaq xorları üçün əsərlər, qarışıq xorlar üçün təxminən 50 marş və 100-dən çox xalq mahnısı və melodiyası aranjimanı bəstələmişdir.
- ↑ 1 2 3 4 IMDb (ing.). 1990.
- ↑ 1 2 3 "Nedim Otyam kimdir? haberi". Arkeolojik Haber. 12 mart 2021.
- ↑ 1 2 3 "Nedim Otyam | tiyatrolar.com.tr". tiyatrolar.com.tr.
- ↑ 1 2 3 4 "Geçmiş Ödüller" (türk). Antalya Altın Portakal Film Festivali. 25 avqust 2019 tarixində arxivləşdirilib.
- ↑ "1969 Arşivi" (türk). Adana Altın Koza Film Festivali. 1969. 22 avqust 2020 tarixində arxivləşdirilib.
- ↑ 1 2 3 "Onur Ödülleri / Nedim Otyam" (türk). İKSV İstanbul Film Festivali. 2005. 5 iyul 2020 tarixində arxivləşdirilib.
- ↑ "1998 Ödüller" (türk). Ankara Film Festivali. 1998. 25 mart 2020 tarixində arxivləşdirilib.
- ↑ "1999 Ödüller" (türk). Ankara Film Festivali. 1999. 25 mart 2020 tarixində arxivləşdirilib.