Mustafa Qafalı (1 yanvar 1934, Konya – 28 avqust 2019, Ankara) — türk tarixçi alim, professor və türk millətçiliyinin tanınmış şəxslərindən biri.[1][2]
| Musafa Qafalı | |
|---|---|
| türk. Mustafa Kafalı | |
 | |
| Doğum tarixi | |
| Doğum yeri | |
| Vəfat tarixi | |
| Vəfat yeri | |
| Dəfn yeri |
|
| Vətəndaşlığı |
 Türkiyə |
| Milliyyəti | Türk |
| Elmi dərəcəsi | Tarix elmləri doktoru |
| İş yerləri |
İstanbul Universiteti Bağdad Universiteti (1975-1977) |
| Təhsili | Ankara Universiteti |
| Tanınır |
Tarix Ədəbiyyat |
Mustafa Qafalı 1934-cü ildə Konyada anadan olmuşdur. Hüseyn Nihal Atsızın tələbələrindən olan Mustafa Qafalı Türkiyədə türk millətçiliyinin tanınmış simalarından olmuşdur. Həmçinin, Türkiyə tarixşünaslığının Orta Asiya və türk-monqol tarixi üzrə ən məşhur tarixçilərindən olmuşdur.[3]
2019-cu ilin avqust ayının 29-da vəfat etmiş, 30 avqustda isə Ankarada dəfn edilmişdir. Ölümündən sonra Maral Akşənər, Ümid Özdağ, Mansur Yavaş və s. kimi tanınmış millətçi siyasi xadimlər tərəfindən başsağlığı verilmişdir.[4]
Ali təhsilini Ankara Universitetinin Dil və Tarix-Coğrafiya fakültəsinin Tarix bölümündə bitirmişdir. 1965-ci ildə doktorantura təhsilini tamamlamışdır.
1960-cı ildə İstanbul Universiteti Ədəbiyyat fakültəsinin Ümumi Türk Tarixi bölməsində asistant olaraq çalışmağa başlamışdır. "Ötəmiş Hacıya görə Cuci ulusunun tarixi" adlı doktorluq mövzusunu 1965-ci ildə müdafiə etmişdir. 1971-1972-ci illərdə universitet tərəfindən elmi araşdırmalar üçün Londona gönədərilmişdir. Türkiyəyə döndükdən sonra isə "Qızıl Orda xanlığında Sayın xan sülaləsinin dövrü (1227-1360)" adlı tezisi ilə 1973-cü ildə dosent olmuşdur. 1974-cü ildən etibarən isə Türk Tarixi bölməsində III-VI semestr tələbələrinə Qızıl Orda və Çağatay xanlıqları ilə, Elxanilər dövləti, VII-VIII semestr tələbələrinə isə Teymur və Teymurilər tarixi və Tarix metodu dərslərini vermişdir. "Mənbələr" və Osmanlıca mətnlər" mövzusunda seminarlar vermişdir.[5]
1975-1977-ci illər aralığında Bağdad Universitetinin Ədəbiyyat fakültəsində dəvətli müəllim kimi dərs demişdir. Professorluq təqdimat tezisi olaraq hazırladığı "Çağatay xanlığı (1227-1345)" adlı əsəri ilə 24 may 1982-ci ildə bu vəzifəyə yüksəlmişdir.
Türk Tarix Qurumunun üzvü olmuşdur.
- ↑ "Mustafa Kafalı hocayı kaybettik". www.yenicaggazetesi.com.tr. 2019-12-04 tarixində arxivləşdirilib.
- ↑ "Prof. Dr. Mustafa Kafalı vefat etti". www.hurriyet.com.tr. 2020-10-09 tarixində arxivləşdirilib.
- ↑ "Prof.Dr. Mustafa KAFALI". www.genelturktarihi.net. 2021-09-18 tarixində arxivləşdirilib.
- ↑ "Tarihçi Mustafa Kafalı hayatını kaybetti". www.cnnturk.com. 2020-10-31 tarixində arxivləşdirilib.
- ↑ "Mustafa Kafalı'dan acı haber! Mustafa Kafalı kimdir, kaç yaşında, neden öldü?". www.milliyet.com.tr. 2020-01-29 tarixində arxivləşdirilib.