Mod Apatou (15 dekabr 1997, Los-Anceles, Kaliforniya) — ABŞ aktrisası. O, "HBO" kanalının "Eyforiya" serialında Leksi Hovard obrazı ilə tamaşaçıların rəğbətini qazanib.
| Mod Apatou | |
|---|---|
| ing. Maude Apatow | |
_(cropped)_(cropped2).jpg) | |
| Doğum tarixi | 15 dekabr 1997 (27 yaş) |
| Doğum yeri | |
| Atası | Cadd Apatou[d] |
| Anası | Lesli Mann[d] |
| Fəaliyyəti | aktrisa, kino aktrisası, kinorejissor |
| Fəaliyyət illəri | 2005-ci ildən |
| Təhsili |
|
| IMDb | ID2654829 |
 Vikianbarda əlaqəli mediafayllar | |
Kinorejissor Cadd Apatou ilə aktrisa Lesli Mannın böyük qızı olan Mod, sənət dünyasına erkən yaşlarından qədəm qoyub. Atası tərəfindən çəkilən "Knocked Up", "Gülməli adamlar" və "This Is 40" filmlərində anasının canlandırdığı personajların övladı rolunda çəkilib. Aktrisanın yaradıcılıq yolunda "Assassination Nation", "Steyten-Aylendin kralı" filmləri və "Netflix" platformasının "Hollywood" mini-serialı xüsusi yer tutur.
Aktrisanın anası kino ulduzu Lesli Mann, atası isə rejissor, prodüser və ssenarist Cadd Apatoudur. Ata tərəfdən yəhudi əsilli nəslə mənsub olan aktrisa, ana tərəfdən fin mənşəli nənəyə bağlanır.[1] Bacısı Ayris Apatou da onu kimi aktrisalıq sənətinə yiyələnib. Kaliforniyanın Santa-Monika şəhərində yerləşən özəl təhsil ocağı "Crossroads" məktəbində oxuyub.[2] Təhsil illərində Miçiqan ştatının İnterloxen şəhərində yerləşən İncəsənət düşərgəsində iştirak edib. Orta məktəb zamanı "Cabaret" və "Into the Woods" kimi musiqi tamaşalarında rol alıb. İllinoys ştatının Evanston şəhərində yerləşən Şimal-Qərb Universitetində teatr ixtisası üzrə təhsil alsa da, ikinci kursdan sonra təhsilini yarımçıq qoyub.[3][4]
Mod Apatou hazırda Nyu-Yorkun Vest-Villic məhəlləsində yaşayır.
Ötən il 2024-cü ildə irlandiyalı aktyor Patrik Gibsonla münasibətə başlayıb.[5]
- ↑ "Cameron Diazin tähdittämässä komediassa aitoa suomalaista sisua – videohaastattelu". Yle Uutiset (fin). April 25, 2014. May 2, 2014 tarixində arxivləşdirilib. İstifadə tarixi: September 4, 2019.
- ↑ "Music is Medicine". The Argonaut. Los Angeles County. June 24, 2020 tarixində orijinalından arxivləşdirilib. İstifadə tarixi: June 22, 2020.
- ↑ Hennemuth, Britt; Kim, Sebastian. "Maude Apatow Caught the Acting Bug From Musicals". Vanity Fair. June 28, 2019. July 23, 2019 tarixində arxivləşdirilib. İstifadə tarixi: August 7, 2019.
- ↑ Swartz, Tracy. "Actress Leslie Mann says daughter dropped out of Northwestern because 'it was really hard being in the cold'". Chicago Tribune. December 12, 2019. August 8, 2019 tarixində arxivləşdirilib. İstifadə tarixi: August 7, 2019.
- ↑ Moore, Julia. "Dexter: Original Sin Star Patrick Gibson Celebrates Girlfriend Maude Apatow's 27th Birthday: 'Love You More Every Day'". People Magazine. December 16, 2024. İstifadə tarixi: December 16, 2024.