Mixeil Kobaxidze
Mixeil Germanes dze Kobaxidze (gürc. მიხეილ კობახიძე; 5 aprel 1939, Tbilisi, Gürcüstan SSR — 13 oktyabr, 2019) — Gürcüstan kinorejissoru, ssenari müəllifi, aktyor və bəstəkar.
| Mixail Kobaxidze | |
|---|---|
| gürc. მიხეილ კობახიძე | |
 | |
| Doğum adı | Mixeil Kobaxidze |
| Doğum tarixi | |
| Doğum yeri | Tbilisi, Gürcüstan SSR |
| Vəfat tarixi | 13 oktyabr 2019[1] (80 yaşında) |
| Vətəndaşlığı |
 SSRİ →  Gürcüstan |
| Fəaliyyəti |
rejissor ssenarist aktyor bəstəkar |
| Təhsili | |
| İstiqamət | kino |
| IMDb | ID0461960 |
Mixeil Kobaxidze 1939-cu ildə Tbilisidə anadan olmuşdur. 1959-cu ildən ÜDKİ-nin aktyorluq və rejissorluq fakültələrində təhsil almışdır. 1965-ci ildə həmin institutda fəaliyyət göstərən Sergey Gerasimov və Tamara Makarovanın yaradıcılıq emalatxanasını bitirmişdir.
İlk çəkilişinə hələ ÜDKİ-nin ikinci kursunda oxuyarkən başlamışdır. 1961-ci ildən başlayaraq, "Gürcüstanfilm" kinostudiyası ilə əməkdaşlıq etmişdir[2]. Kobaxidze qısametrajlı və animasiya filmləri üzrə ixtisaslaşmışdı[3]. Onun qısametrajlı filmlərindən biri olan "Çətir" Krakov kinofestivalında mükafata layiq görülmüşdü. Ümumi çətinliklərdən Kobaxidze rejissor kimi Gürcüstanda cəmi 5 ağ-qara qısametrajlı film çəkə bildi. Onun yaradıcılıq üslubu formal dəyərləndirildiyinə görə çox nadir hallarda kino çəkə bilirdi[4].
1996-cı ildən Parisdə yaşayır. XXI əsrin əvvəlində fransız qısametrajlı filmlərinin istehsalında iştirak etmişdir. "Yolda" (fr. En chemin) filmində rejissor və ssenari müəllifi kimi, “Qırmızı yanaqlar” (fr. Les joues rouges) filmində isə aktyor kimi işləmişdir. Onun "Sevgi variasiyaları" ssenarisi ssenari müsabiqəsinin birinci pilləsi uğrunda mübarizədə cəmi bir səslə məğlub olmuşdur. Bunun nəticəsində Canal+ və ARTE kanalları onun "Səma kimi" (fr. Comme un nuage) adlı tammetrajlı film layihəsinin həyata keçməsinə mane oldular.
1996-cı ilin Venesiya Kino Festivalında Kobaxidzenin filmlərinin retrospektiv baxışı keçirilmişdir[5].
| İl | Azərbaycanca adı | Orijinal adı | Filmdə iştirakı | Filmin növü |
|---|---|---|---|---|
| 1961 | Gənc sevgi | ახალგაზრდა სიყვარული | rejissor, ssenarist | Qısametrajlı bədii film |
| 1962 | Karusel | კარუსელი | rejissor, ssenarist | Qısametrajlı bədii film |
| 1964 | Toy | ქორწილი | rejissor, ssenarist, bəstəkar | Qısametrajlı bədii film |
| 1967 | Çətir | ქოლგა | rejissor, ssenarist, bəstəkar | Qısametrajlı bədii film |
| 1969 | Musiqiçilər | მუსიკოსები | rejissor, ssenarist, aktyor | Qısametrajlı bədii film |
| 1977 | Fedya | Федя | aktyor | Qısametrajlı bədii film |
| 1978 | Şəxsi suallarla bir neçə müsahibə | Ramodenime interviu pirad sakitkhebze | aktyor | Tammetrajlı bədii film |
| 1987 | Qanazlığı | ანემია | aktyor | İkiseriyalı bədii film |
| 2003 | Yolda | En chemin | rejissor, ssenarist | Qısametrajlı bədii film |
| 2004 | Qırmızı yanaqlar | Les joues rouges | aktyor | Qısametrajlı bədii film |
- Krakov kinofestivalının "Gümüşü əjdaha" və FIPRESCI mükafatları ("Çətir" filminə görə, 1967)
- ↑ Умер грузинский режиссер Михаил Кобахидзе. 2019.
- ↑ "Фестиваль кинофильмов Грузии". 2013-09-19 tarixində arxivləşdirilib. İstifadə tarixi: 2013-12-12.
- ↑ "Кобахидзе Михаил Германович". 2014-09-05 tarixində arxivləşdirilib. İstifadə tarixi: 2013-12-12.
- ↑ "Франсуаз Навай - Михаил Кобахидзе: Человек, которому препятствовали". 2012-06-02 tarixində orijinalından arxivləşdirilib. İstifadə tarixi: 2013-12-12.
- ↑ "Кобахидзе Михаил Германович kino-teatr.ru". 2022-07-18 tarixində arxivləşdirilib. İstifadə tarixi: 2013-12-12.