Mixail Sergeyeviç Koxan (ukr. Михайло Сергійович Кохан; 22 yanvar 2001[1], Zaporojya[2]) — ukraynalı yüngül atlet, çəkic atma üzrə mütəxəssis. 2024-cü il Yay Olimpiya Oyunlarının bürünc medal, 2024-cü il Avropa çempionatının bürünc medal mükafatçısı, Buenos-Ayresdə keçirilən Yeniyetmələrin Olimpiya Oyunlarının çempionu, gənclər arasında dünya çempionu, yeniyetmələr və gənclər arasında Avropa çempionu, ölkə çempionatlarının qalibi və mükafatçısı.
| Mixail Koxan | ||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|
| ukr. Михайло Сергійович Кохан | ||||||||||||||||||||
.png) | ||||||||||||||||||||
| Şəxsi məlumatlar | ||||||||||||||||||||
| Vətəndaşlığı |
 Ukrayna |
|||||||||||||||||||
| Milliyəti | ukraynalı | |||||||||||||||||||
| Doğum tarixi | 22 yanvar 2001[1] (24 yaş) | |||||||||||||||||||
| Doğum yeri | ||||||||||||||||||||
| Boyu | 1.84 sm | |||||||||||||||||||
| Çəkisi | 104 kq | |||||||||||||||||||
| İdman növü | yüngül atletika | |||||||||||||||||||
|
Medallar
|
||||||||||||||||||||
 Vikianbarda əlaqəli mediafayllar | ||||||||||||||||||||
Mixail Koxan 22 yanvar 2001-ci ildə anadan olub. O, Dnepropetrovsk vilayətini yarışlarda təmsil edib.
O, ilk dəfə 2017-ci ildə Ukrayna yığmasının tərkibində Nayrobidə keçirilən gənclər arasında Dünya çempionatında çıxış edərək, 82,31 nəticə ilə çəkic atmada bütün rəqiblərini üstələyərək qızıl medal qazanıb. Bu mövsümdə, həmçinin Dyördə keçirilən Avropa Gənclər Yay Olimpiya Festivalının qalibi olub (78,28).
2018-ci ildə 87.82 dünya rekordu ilə Dyördə keçirilən Yeniyetmələr arasında Avropa çempionatının qalibi, Tamperedə keçirilən gənclər arasında Dünya çempionatının gümüş medalçısı (79.68) və Buenos-Ayresdə keçirilən Yeniyetmələrin Yay Olimpiya Oyunlarının (85.97 + 85.14) ən yaxşı atıcısı olub.[3]
2019-cu ildə Şamorində keçirilən Atıcılıq üzrə Avropa Kubokunda gənclər kateqoriyasının qalibi (76,68), Avropa rekortsmeni olub. Həmçinin, Burosda keçirilən gənclər arasında Avropa çempionatında birinci yeri tutmuş (84,73) və ilk dəfə çəkic atma üzrə Böyüklər arasında Ukrayna çempionatının qalibi olub (73,94). O, Dohada keçirilən Dünya çempionatında iştirak edib və burada finalda çəkici 77,39 metrə ataraq beşinci yerin qalibi olmuşdur.
2020-ci ildə Lutskda keçirilən Ukrayna çempionatının (75,39) və Kluj-Napokada keçirilən Balkan çempionatının (75,43) qalibi olub.
2021-ci ildə o, üçüncü dəfə Ukrayna çempionu (78,61), Tallində keçirilən gənclər arasında Avropa çempionatının qalibi oldu (77,88), Sekeşfexervarda keçirilən Macarıstan Qran-prisində 80,78 metrə çəkic atmada seçildi. Olimpiya təsnifat standartını (77,50) yerinə yetirərək, Tokioda keçirilən Yay Olimpiya Oyunlarında ölkəsini təmsil etmək hüququnu qazandı. Çəkic atma finalında o, 80,39 metr nəticə göstərərək yarışın yekun protokolunda dördüncü oldu. 20 yaşında o, bir neçə tarixi rekorda imza atıb; o, Olimpiya Oyunlarının çəkic atma finalının ən gənc iştirakçısı olub, Olimpiya Oyunları tarixində çəkici 80 metrdən uzağa atan ən gənc idmançı ünvanını alıb, Olimpiya Oyunlarında dördüncü yeri tutan ən gənc çəkic atıcısı olub.[4]
2024-cü ilin iyununda Romada keçirilən Avropa çempionatında Mixail 80,18 metr nəticə ilə bürünc medal qazanıb.
4 avqust 2024-cü ildə Parisdə keçirilən Olimpiya Oyunlarının bürünc medal mükafatçısı oldu.
- ↑ 1 2 Mykhaylo Kokhan // World Athletics database.
- ↑ 1 2 Mykhaylo Kokhan.
- ↑ https://www.olympedia.org/athletes/2504178.html
- ↑ Борис Ткачук. "Украинский 20-летний спортсмен обновил сразу три олимпийских рекорда по метанию молота". Hromadske.ua. 2021-08-04. 2021-08-06 tarixində arxivləşdirilib. İstifadə tarixi: 2021-08-06.
- ↑ Указ Президента Украины от 23 августа 2024 года № 516 «О награждении государственными наградами Украины спортсменов — участников летних Олимпийских игр и их тренеров»
- ↑ "Указ Президента України № 565/2023 від 7 вересня 2023 року "Про відзначення державними нагородами України членів національної збірної команди України на ІІІ Європейських іграх"". İstifadə tarixi: 2023-09-07.