Miroslav Taliyan (serb. Мирослав Талијан; 10 avqust 1970) — Serbiya hərbi xadimi, Serbiya Silahlı Qüvvələrinin briqada generalı, 2018-ci ildən Belqrad şəhərində yerləşən Müdafiə Universitetinin Hərbi Akademiyasının rəisi, hazırda 72-ci Xüsusi Əməliyyatlar Briqadasının komandiri. O, keçmişdə "Sokolovi" antiterror batalyonunun və Serbiya Silahlı Qüvvələrinin Xüsusi Briqadasının komandiri olmuşdur.
| Miroslav Taliyan | |
|---|---|
 | |
| Şəxsi məlumatlar | |
| Doğum tarixi | 10 avqust 1970 (54 yaş) |
| Hərbi fəaliyyəti | |
| Rütbəsi | briqada generalı, podpolkovnik[d], mayor, kapitan, poruçik, podporuçik |
| Döyüşlər | |
Miroslav Taliyan 10 avqust 1970-ci ildə Smederevska-Palankada anadan olmuşdur. O, 1989-cu ildə Belqrad hərbi gimnaziyasını, 1993-cü ildə isə Yuqoslaviya Silahlı Qüvvələrinin Hərbi Akademiyasının piyada fakültəsini bitirmişdir. Taliyan 2003-cü ildə Yuqoslaviya Silahlı Qüvvələrinin komanda-qərargah kadrlarının ixtisasartırma kurslarını, həmçinin Belqrad şəhərində təhlükəsizlik fakültəsində magistraturanı tamamlamışdır. O, 2004-cü ildə Belqrad Politologiya Fakültəsində ixtisas proqramını bitirmiş, 2008-ci ildə Hərbi Akademiyada doktorluq dissertasiyasını müdafiə etmiş, 2016-cı ildə isə yüksəksəviyyəli təhlükəsizlik və müdafiə kurslarını başa vurmuşdur.[1] Taliyan 1998–1999-cu illərdə Kosovoda döyüş əməliyyatlarında iştirak etmişdir.[2] Polkovnik rütbəsində Taliyan xüsusi təyinatlı birləşmələrdən Hərbi Akademiyada doktorluq dərəcəsi alan ilk hərbçi olmuşdur.[3] O, doktorluq işini şəxsi döyüş təcrübəsinə əsaslanaraq yazmışdır.[2]
Taliyan 1993-cü ildən Yuqoslaviya Silahlı Qüvvələrində, Serbiya və Monteneqro Silahlı Qüvvələri sıralarında və nəhayət, Serbiya Silahlı Qüvvələrində xidmət edir. Yuqoslaviya Federativ Respublikası Silahlı Qüvvələri, Serbiya və Monteneqro Silahlı Qüvvələri və Serbiya Silahlı Qüvvələrində 125-ci motoatıcı briqadanın hərbi polis bölüyündə taqım komandiri, 72-ci xüsusi briqadanın paraşüt-kəşfiyyat bölüyündə taqım komandiri, Yuqoslaviya Silahlı Qüvvələrinin Xüsusi Birləşmələr Korpusunun 25-ci hərbi polis batalyonu bölüyündə taqım komandiri, 72-ci xüsusi briqadanın "Sokolovi" antiterror batalyonunun hərbi polis bölüyündə bölmə komandiri, 72-ci xüsusi briqadanın "Sokolovi" antiterror batalyonunun paraşüt bölüyünün komandiri, 72-ci xüsusi briqadanın "Sokolovi" antiterror batalyonunun komandiri, "Kobri" antiterror dəstəsinin komandanlığında əməliyyat-təlim işləri və hazırlıq şöbəsində komandir müavini, "Kobri" antiterror dəstəsinin komandir müavini, Serbiya Silahlı Qüvvələrinin Baş Qərargahının Hazırlıq İdarəsinin (J-7) müstəqil məsləhətçisi, Belqradda Müdafiə Universitetinin Hərbi Akademiyasında əməliyyat fəaliyyətləri kafedrasında müəllim, Belqradda Müdafiə Universitetinin Hərbi Akademiyasında Milli Müdafiə Məktəbinin əməliyyat fəaliyyətləri kafedrasında taktiki səviyyə əməliyyatlar qrupunun rəhbəri, Milli Müdafiə Məktəbində aspirantura və ixtisasartırma kurslarının rəhbəri, Milli Müdafiə Məktəbinin strategiya kafedrasının rəhbəri, Belqradda Müdafiə Universitetinin Hərbi Akademiyasında Milli Müdafiə Məktəbinin rəhbəri vəzifələrini tutmuşdur.[1][2][3]
Taliyan 23 aprel 2018-ci ildə Belqradda Müdafiə Universitetinin Hərbi Akademiyasının rəhbəri təyin edilmişdir.[3] O, 2018-ci ilin sentyabrından Xüsusi Briqadanın komandiri olmuş,[1] hazırda isə 2019-cu ilin sonunda bərpa edilmiş Serbiya Silahlı Qüvvələrinin 72-ci Xüsusi Əməliyyatlar Briqadasının komandiridir.[2][4]
Taliyan Serbiya Hərbi Akademiyasının dəstəyi ilə dərc edilmiş bir sıra elmi nəşrlərin müəllifidir.[5] O, beş uşaq atasıdır.[2]
Miroslav Taliyan aşağıdakı orden və medallarla təltif edilmişdir:[1]
- III dərəcəli "Müdafiə və təhlükəsizlik sahəsində xidmətlərə görə" ordeni (2001)
- "YSFR ərazisində döyüş əməliyyatları iştirakçısı" medalı (2015)
- "YSR ərazisində döyüş əməliyyatları iştirakçısı" medalı (2015)
- "Serbiya Silahlı Qüvvələrinin yubiley" medalı (2015)
- "Serbiya Respublikası ərazisində döyüş əməliyyatları iştirakçısı" medalı (2016)
- "Hərbi xidmətdə görkəmli nailiyyətlərə görə zabit" medalı (2017)
- "Səylə xidmətə görə" gümüş medalı (2022)
| Podporuçik | Leytenant | Kapitan | Baş kapitan | Mayor | Polkovnik-leytenant | Polkovnik | Briqada generalı |
|---|---|---|---|---|---|---|---|
.svg){kind=small}
|
.svg){kind=small}
|
.svg){kind=small}
|
.svg){kind=small}
|
.svg){kind=small}
|
|
|
|
| 1993 | 1996 | 1998 | 1999 | 2003 | 2007 | 2011 | 2018 |
- Rade Slavković, Miroslav Talijan, Mile Jelić. Relationship between theory and doctrine of operational art (PDF) // Security and Defence Quarterly (ingilis). № 1 (1). 2013. 54—75. doi:10.35467/sdq/103164.
- Miroslav M. Talijan, Vlada M. Mitić, Zeng Šuai. Suprostavljanje Kine terorizmu na moru (PDF) // Vojno delo (serb). № 3. 2016. 59—74. doi:10.5937/vojdelo1603059t. 2018-05-11 tarixində arxivləşdirilib (PDF).
- ↑ 1 2 3 4 5 Војска Србије
- ↑ 1 2 3 4 5 Aleksandar Radić. "Ko su mladi generali Vojske Srbije" (serb). balkansec.net. 2019-05-18. 2024-03-25 tarixində arxivləşdirilib. İstifadə tarixi: 2024-03-25.
- ↑ 1 2 3 Đ. Barović. "Srpskog oficira ceni ceo svet" (serb). vesti-online.com. 2018-04-11. 2024-03-25 tarixində arxivləşdirilib. İstifadə tarixi: 2024-03-25.
- ↑ "Поново постоје 63. падобранска и 72. специјална бригада" (serb). Политика. 2019-12-21 tarixində arxivləşdirilib. İstifadə tarixi: 2019-12-22.
- ↑ "Miroslav Talijan's research while affiliated with Vojna akademija Beograd and other places" (ingilis). ResearchGate. İstifadə tarixi: 2024-03-25.[ölü keçid]
- "Мирослав Талијан" (serb). Вооружённые силы Сербии. İstifadə tarixi: 2024-03-24.