Vilhelmin Teodor Mari Kauer və ya Minna Kauer (ing. Minna Cauer; 1 noyabr 1841[1][2][…] – 3 avqust 1922[1][2], Berlin[3][4]) — alman pedaqoqu, Alman burjua feminist hərəkatı "radikal" qanadının aktivisti, pasifist və jurnalist. O, Anita Auqspurqla yanaşı radikal feminist hərəkatın ən görkəmli siması idi.
| Minna Kauer | |
|---|---|
.jpg) | |
| Doğum tarixi | 1 noyabr 1841[1][2][…] |
| Vəfat tarixi | 3 avqust 1922[1][2] (80 yaşında) |
| Vəfat yeri | |
| Fəaliyyəti | pedaqoq, jurnalist, redaktor[d], qadın hüquqları fəalı[d] |
 Vikianbarda əlaqəli mediafayllar | |
.jpg)
_Wilhelmine_Cauer.jpg)
Lüteran pastorunun qızı Kauer, Brandenburq əyalətinin Freyenşteyn şəhərində böyüyüb. 1862-ci ildə solçu pedaqoq və həkim Avqust Latzel ilə evlənən Minna 1866-cı ildə dul qalmışdır. Daha sonra təhsilini davam etdirib. Bir il Parisdə işləyən Minna məktəb müfəttişi Eduard Kauerlə evlənərək, onunla birlikdə Berlinə köçmüşdür.[5]
1881-ci ildə ikinci dəfə dul qalan Kauer yenidən müəllim kimi işə başladı və qadın tarixini öyrənməyə başladı. O, 1888-ci ildə Berlində qadın hüquqlarının müdafiəsi üçün yaradılmış Frauenwohli (Qadınların Rifahı Assosiasiyası) təsis edərək, 1919-cu ilə qədər ona rəhbərlik etdi.
Helena Lanqe və Franziska Tiburtis ilə birlikdə Berlində 1889-cu ildə qadınları universitet təhsilinə hazırlamaq üçün ilk təhsil müəssisəsi olaraq açılan Realkurse qızlar liseyini yaratmışdır.[6] O, 1889-cu ildə ilk siyasi olmayan qadın həmkarlar ittifaqlarından biri olan Qadın Maaşlı İşçilərin Kommersiya İttifaqını qurdu.[7] 1893-cü ildə Sosial Yardım işi üçün Qızlar və Qadınlar qruplarının (Mädchen- und Frauengruppen für Soziale Hilfsarbeit) həmtəsisçisi olub.[5]
Getdikcə radikal mövqe tutan Kauer 1899-cu ildə Proqressiv Qadın Dərnəkləri İttifaqının yaradılmasına dəstək verdi. 1902-ci ildə Anita Auqspurq, Lida Qustava Heymann və Mari Stritt ilə birgə Kauer həm seçki hüququ səbəbi, həm də dövlət tərəfindən tənzimlənən fahişəliyə qarşı kampaniyalar aparan Qadınların Seçki Hüququ üzrə Alman İttifaqını (Deutscher Verband fur Frauenstimmrecht) qurdular. 1908-ci ildə Azad Fikirli Xalq Partiyasının qadınların seçki hüququna maraq göstərməməsindən məyus olan Kauer daha böyük və mübariz təşkilat - Qadınların Seçki hüququ üçün Prussiya İttifaqını təsis etdi və sol-liberal Demokratik Birliyə qoşuldu. 1912-ci ildə seçki hüququ ittifaqından istefa verdikdən sonra, 1914-cü ildə yeni Alman Qadınların Seçki Hüququ Assosiasiyasına qoşuldu. Kauer Birinci Dünya müharibəsi boyu pasifist olub.[5]
Onun sənədləri Beynəlxalq Sosial Tarix İnstitutunda saxlanılır.[7]
- ↑ 1 2 3 4 Minna Schelle // Geneological database Merkel-Zeller.
- ↑ 1 2 3 4 Minna Cauer // FemBio database (alm.).
- ↑ 1 2 Deutsche Nationalbibliothek Record #118668838 // Ümumi tənzimləmə nəzarəti (GND) (alm.). 2012—2016.
- ↑ 1 2 WeChangEd.
- ↑ 1 2 3 Rappaport, Helen, redaktorMinna Cauer // Encyclopedia of women social reformers, 1, ABC-CLIO, 2001, 144
- ↑ Jean Macksey and Kenneth Macksey, The Book of Women's Achievements, Stein and Day, 1976, p. 72
- ↑ 1 2 >Minna Cauer Papers