Metanefros

Metanefros (həmçinin də ikinci dərəcəli böyrək, çanaq böyrəyi adlandırılır; q.yun. metá — hərf. "sonra, arxasında" və q.yun. nephrós — hərf. "böyrək" sözlərinin birləşməsindən əmələ gəlib) — amniyotlara məxsus cüt ifrazat orqanı. Amniotlara sürünənlər, quşlar və məməlilər, o cümlədən insan daxildir.

Embrional inkişaf prosesində metanefros mezonefrosu əvəz edir. Amniotların böyrəkləri digər orqanlardan fərqli olaraq unikal xüsusiyyətə malikdir: embrionun inkişafı zamanı bir-birindən müstəqil şəkildə ardıcıl olaraq üç fərqli tip böyrək formalaşır.^[1]

Metanefrosun sidik kanalcıqları seqmentləşməmiş arxa hissə — nefrostomdan əmələ gəlir. Bu kanalcıqlar Malpigi cisimcikləri ilə başlayır, onların xarici ucları isə Volf kanalının çıxıntısına — sidik axarlarına açılır. Yetkin orqanizmdə metanefros qalıcı böyrək şəklində qalır.