Meri Ostin Holli

Meri Felps Ostin 30 oktyabr 1784-cü ildə Konnektikut ştatının Nyu Haven şəhərində Elayca Ostin (1751–1794) və Ester Felps Ostinin ailəsində anadan olmuşdur.^[3] O, üç böyük qardaşı, üç kiçik qardaşı və bir kiçik bacısı olan böyük bir ailədə böyümüşdür. Onun böyük qardaşlarından biri Texasda məskunlaşmış Henri Ostin idi.^[4]

Elayca Ostin Amerika İnqilabının veteranı olub və Amerika müstəmləkəçiləri adından Qubernatorun Piyada Qvardiyası bölüyünə qoşulmuşdu. O, tacir və gəmi sahibi idi. Onun ən azı bir gəmisi Nyu Haven limanındakı dükanına Çin çini qabları, ipək, ədviyyatlar və çay daşıyırdı.^[5] Elayca 1794-cü ildə, Merinin onuncu ad günündən əvvəl sarı qızdırmadan vəfat etdi. Bundan əlavə, Elaycaın gəmilərindən biri qəzaya uğramış və bu, onun varidatını iflasa sürükləyəcək qədər böyük bir itkiyə səbəb olmuşdu.^[6]

Elaycanın ölümündən qısa müddət sonra Meri, Timoti və Cennet Felps tərəfindən övladlığa götürüldü. Timoti Merinin ana tərəfdən dayısı idi və uğurlu bir iş adamı kimi bank və sığorta şirkətində direktor vəzifəsində çalışırdı. Cennet isə Meri onların yanına köçəndə cəmi 21 yaşında idi. Merinin anası iki ildən sonra yenidən evlənsə də, o, dayısı və xalası ilə yaşamağa davam etməyi seçdi. O, yerli məktəblərdə təhsil aldı və ən çox ədəbiyyat, yazı və musiqiyə maraq göstərirdi.^[7]

1804-cü ildə Stefen F. Ostin Missuri ərazisindən Felps ailəsinin yanına köçdü. On bir yaşlı Ostin sərhəd bölgəsində böyümüşdü və atası onu təhsil alması üçün Nyu Havenə göndərmişdi. Həmin il Meri seminariya tələbəsi və gələcək keşiş Horas Holli ilə nişanlandı və onlar 1 yanvar 1805-ci ildə evləndilər.^[8]

Ostin, əri Transilvaniya Universitetinin prezidenti vəzifəsində çalışdığı müddətdə onun yanına Kentukki ştatının Leksinqton şəhərinə köçdü. O, bölgədəki "ədəbi baxımdan kasıb mühitdən" narahat idi və universitetin inkişafı üçün işləməyə başladı.^[9] Əri vəzifəsindən istefa verdikdən sonra, o, Texas haqqında ingilis dilində nəşr olunmuş ilk kitabı yazdı. Daha sonra Texasın ABŞ-a birləşdirilməsi, Meksika-Amerika münasibətləri və incəsənətin inkişafı üçün təbliğat aparmağa davam etdi.^[9]

Evliliklərinin ilk bir neçə ayını Holli ailəsi, Horas Hollinin atasının evi olan Konnektikut ştatının Solsberi şəhərində keçirdi. Bu müddət ərzində Horas araşdırmalar aparır, yazır və yerli kilsədə qonaq keşiş kimi vəzlər verirdi.^[10] Yay aylarında Hollilər Nyu Havenə qayıtdılar və Horasın hansı icmaya təyin ediləcəyi ilə bağlı xəbəri gözlədilər. O, Yel Seminariyasının prezidentinin təklifini qəbul edərək, Konnektikut ştatının Feyrfild dairəsində yerləşən Qrinfild hill kilsəsində keşiş vəzifəsini icra etməyə başladı.^[11] Horas keşişlik fəaliyyətindən əlavə müəllimlik də edirdi. Daha sonra o, Yeni İngiltərə boyunca vəz etmək üçün Feyrfeld dairəsini tərk etdi, Meri isə Nyu Havenə qayıtdı. Səfəri zamanı Horas, Boston şəhərində Hollis küçəsində yerləşən Souz End Kilsəsində keşiş vəzifəsini qəbul etdi. Həmin dövrdə Meri hamilə idi və onların ilk övladı, Harriett Villiman Holli dünyaya gəldi.^[12]

1. ↑ ^{1 2} Swartz A. Mary Austin Holley // Open Library (ing.). 2007.
2. ↑ ^{1 2} Mary Austin Holley // Faceted Application of Subject Terminology.
3. ↑ Dall, Curtis B. "Holley, Mary Austin". Handbook of Texas Online. 15 June 2010. 4 August 2019 tarixində arxivləşdirilib. İstifadə tarixi: 4 December 2017.
4. ↑ Lee, Rebecca Smith. Mary Austin Holley: a biography. Elma Dill Russell Spencer Foundation Series (Reprint (1987)). Austin, TX: University of Texas Press. 1962. 12–13. ISBN 0-292-75098-6.
5. ↑ Lee (1962), pp. 4–7.
6. ↑ Lee (1962), pp. 10, 17.
7. ↑ Lee (1962), pp. 21–25.
8. ↑ Lee (1962), pp. 38–40.
9. ↑ ^{1 2} Thornton, Kitty. Women in Fayette County History. Lexington: University of Kentucky. 1974.
10. ↑ Lee (1962), pp. 40–43.
11. ↑ Lee (1962), pp. 48–49.
12. ↑ Lee (1962), pp. 59–66.