Melissa Varqas və ya Melissa Vargas (tam adı: isp. Melissa Teresa Vargas Abreu, 16 oktyabr 1999, Senfueqos[d], Kuba) — Kuba əsilli Türkiyə voleybolçusu, "Fənərbaxça" qadın voleybol klubunun və Türkiyə qadın milli voleybol komandasının diaqonal hücumçusu. 2023-cü il Avropa çempionu və 2023-cü il Millətlər Liqasının qalibi, hər iki turnirin ən dəyərli oyunçusu (MVP) seçilmişdir. Qadınlar arasında voleybolda dünya servis sürəti rekordunun (112 km/saat) sahibidir.
| Melissa Varqas | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Melissa Varqas 2025-ci ildə | |||||||||||||||||||||||||||||||
| Şəxsi məlumatlar | |||||||||||||||||||||||||||||||
| Ləqəbi | Varqas Hava yolları | ||||||||||||||||||||||||||||||
| Doğum tarixi | |||||||||||||||||||||||||||||||
| Doğum yeri | Sienfueqos, Kuba | ||||||||||||||||||||||||||||||
| Vətəndaşlığı | |||||||||||||||||||||||||||||||
| Voleybolçu məlumatları | |||||||||||||||||||||||||||||||
| Boyu | 194 sm | ||||||||||||||||||||||||||||||
| Çəkisi | 78 kq | ||||||||||||||||||||||||||||||
| Zərbəsi | 3 metr 26 santimetr | ||||||||||||||||||||||||||||||
| Bloku | 3 metr 15 santimetr | ||||||||||||||||||||||||||||||
| Əsas əl | sağ | ||||||||||||||||||||||||||||||
| Mövqeyi | hücumçu | ||||||||||||||||||||||||||||||
| Karyerası | |||||||||||||||||||||||||||||||
| Komandası |
 Fənərbaxça QVK |
||||||||||||||||||||||||||||||
| Nömrəsi | 4 (milli komanda), 44 (klub) | ||||||||||||||||||||||||||||||
| Klub karyerası | |||||||||||||||||||||||||||||||
| 2012—2015 2015—2016 2017—2018 2018—h.h. 2021—2022 2022—2023 2023—2024 |
 Sienfueqos AGEL Prosteyov Volero Zürich Fənərbaxça QVK→  Tyantszin Bohay Benk→ Tyantszin Bohay Benk→ Tyantszin Bohay Benk |
||||||||||||||||||||||||||||||
| Milli komanda karyerası | |||||||||||||||||||||||||||||||
| 2012—2014 2013—2014 2013—2017 2023—h.h. |
Kuba qadın milli voleybol komandası (20 yaşlılar) Kuba qadın milli voleybol komandası (23 yaşlılar) Kuba qadın milli voleybol komandası Türkiyə qadın milli voleybol komandası |
||||||||||||||||||||||||||||||
| Beynəlxalq medallar | |||||||||||||||||||||||||||||||
|
|||||||||||||||||||||||||||||||
| melissa-vargas.com | |||||||||||||||||||||||||||||||
Melissa Varqas 16 oktyabr 1999-cu ildə Kubanın Sienfueqos şəhərində anadan olub. Atasının həndbolçu olması onun idmana uşaq vaxtından maraq göstərib. Voleybola 6 yaşında başlayıb, 8 yaşında isə məktəb komandasında qoşulub. Mətkəb komandasında eldə etdiyi nailiyyətlərə görə ona "Kubanın gələcəyi" deyirdilər. Varqasın istedadı çox erkən fərq edilib: o, artıq 13 yaşında Kuba qadın milli voleybol komandasında debüt edib. Bu da onu belə beynəlxalq səviyyəli yarışlar tarixində ən gənc voleybolçulardan birinə çevirib.[2]
2016-cı ildə Çexiyanın "Agel" (Prosteyov) klubunda çıxış edərkən Varqas ciddi çiyin zədəsi aldı. O, müalicə üçün Kubaya qayıtdı, lakin Havanadakı tibbi xidmətin keyfiyyəti ailəsinin narazılığına səbəb oldu. Valideynləri xaricdə müalicə olunmasını istədilər, bu isə Kuba Voleybol Federasiyası ilə münaqişəyə gətirib çıxardı. Nəticədə, 2017-ci ildə Federasiya "ölkəyə qarşı təhqiramiz və intizamsız münasibətə görə" əsaslandırması ilə idmançını 4 il müddətinə diskvalifikasiya etdi və ona həm milli komandada, həm də xarici klublarda çıxış etməyi qadağan etdi.[3]
Karyerasını davam etdirmək ümidi ilə Varqas Kubanı tərk etdi. Sonradan o, Serbiya vətəndaşlığını qəbul etdi, lakin idman vətəndaşlığını dəyişdirmədi.[4] 2018-ci ildə "Fənərbaxça" qadın voleybol klubuna qoşuldu, Türkiyədə bir neçə il çıxış etdikdən sonra 2021-ci ildə, Türkiyə Prezidenti Rəcəb Tayyib Ərdoğanın fərmanı ilə Türkiyə vətəndaşlığını aldı və Türkiyə qadın milli voleybol komandasında çıxış etməyə başladı. Şəxsiyyət vəsiqəsinin təqdimetmə mərasimi İstanbulda yerləşən Vahidəddin köşkündə keçirildi.[5]
Varqasın karyerasında ilk peşəkar xarici klubu, 2015/16 mövsümündə qoşulduğu Çexiyanın "Agel" (Prosteyov) komandası oldu. 16 yaşında Çexiya çempionatında hər oyunda orta hesabla 30-dan çox xal toplayaraq komandanın əsas oyunçusuna çevrildi.
Kuba voleybol federasiyası ilə yaşanan münaqişədən sonra, 2017-ci ildə İsveçrənin "Volero" (Sürix) klubu ilə bir neçə illik müqavilə imzaladı.[6] Lakin çox keçmədən klub fəaliyyət istiqamətini dəyişdi və əsas aktivlərini Fransaya ("Volero Le-Kanne") köçürdü.[7]
2018-ci ildə Melissa Türkiyənin "Fənərbaxça" klubuna keçdi. Bununla da onun voleybol elitasındakı karyerası başladı. İstanbul klubunun heyətində o, tez bir zamanda hücum liderinə çevrildi və Türkiyə liqasının ən yaxşı bombardirləri siyahısına müntəzəm olaraq düşürdü.
2021-ci ildən etibarən karyerasını iki ölkə arasında bölüşdürərək maraqlı bir qrafiklə çıxış etməyə başladı. Mövsümün ilk yarısını Çinin "Tianjin Bohai Bank" klubunda keçirib orada çempionluq qazanır, ikinci yarısında isə İstanbula qayıdaraq "Fənərbaxça"ya həm yerli liqanın pley-off mərhələsində, həm də Çempionlar Liqasında kömək edirdi.[8]
Üç mövsüm (2021–2023) davam edən bu gediş-gəlişin zirvəsi 2022/23 mövsümü oldu. Məhz Varqasın həlledici performansı sayəsində "Fənərbaxça" "Vakıfbank"ın uzunillik hegemonluğuna son qoyaraq Türkiyə çempionluğunu qazandı.
Kuba (2013–2016) Varqas milli yığmada debüt edəndə cəmi 13 yaşında idi. O, gənc yaşına baxmayaraq, İtaliyada keçirilən 2014-cü il Dünya Çempionatı, Dünya Kuboku və Panamerika Oyunları kimi mötəbər turnirlərdə iştirak etmişdi. Diskvalifikasiyaya qədər Kuba voleybolunun əsas ümidi və gələcəyi sayılırdı.
Türkiyə (2023-cü ildən) 2021-ci ilin aprelində Türkiyə pasportu alsa da, idman vətəndaşlığının dəyişdirilməsi ilə bağlı qaydalara görə iki illik məcburi "karantin" dövrünü gözləməli oldu. Onun Türkiyə millisindəki rəsmi debütü 2023-cü ildə Millətlər Liqasında gerçəkləşdi. Onun komandaya qoşulması dərhal möhtəşəm nəticələr verdi, 2023-cü il Millətlər Liqasında Türkiyə tarixinin ilk qızıl medalını qazandırdı. Final mərhələsinin ən məhsuldar oyunçusu oldu və turnirin ən dəyərli oyunçusu (MVP) seçildi, 2023-cü il Avropa Çempionatı vaxtı Serbiya ilə gərgin keçən final oynunda 41 xal toplayaraq Türkiyəyə Avropa çempionluğunu gətirdi. Bu turnirin yekununda da o, yenidən ən dəyərli oyunçu adına layiq görüldü.[9]
- 2015/16 Çexiya Kuboku - Çempionluq
- 2015/16 Çexiya Liqası - Çempionluq
- 2017/18 İsveçrə Super Kuboku - Çempionluq
- 2017/18 İsveçrə Kuboku - Çempionluq
- 2017/18 İsveçrə Liqası - Çempionluq
- 2018/19 Kupa Voley - İkincilik
- 2020/21 Sultanlar Liqası - İkincilik
- 2021/22 Kupa Voley - İkincilik
- 2021/22 Sultanlar Liqası - İkincilik
- 2022/23 Kupa Voley - İkincilik
- 2022/23 Sultanlar Liqası - Çempionluq
- 2023/24 Kupa Voley - Çempionluq
- 2023/24 Sultanlar Liqası - Çempionluq
- 2024 Qadınlar Voleybol Çempionlar Kuboku - Çempionluq
- 2024/25 Kupa Voley - Çempionluq
- 2024/25 Sultanlar Liqası - İkincilik
- 2025 Qadınlar Voleybol Çempionlar Kuboku - Çempionluq
- 2021/22 Çin Liqası - Çempionluq
- 2022/23 Çin Milli Kuboku - Çempionluq
- 2022/23 Çin Liqası - Çempionluq
- 2023/24 Çin Milli Kuboku - Çempionluq
- 2023/24 Çin Liqası - Çempionluq
- 2023 FIVB Qadınlar Voleybol Millətlər Liqası Çempionluq[10][11]
- 2023 Avropa Qadınlar Voleybol Çempionatı Çempionluq[12][13]
- 2023 Voleybol Dünya Kuboku - Çempionluq[14]
- 2025 Qadınlar Voleybol üzrə Dünya Çempionatı - İkincilik [15][16]
- 2020/21 Sultanlar Liqası - Ən yaxşı diaqonal oyunçu
- 2022/23 Sultanlar Liqası - Ən yaxşı diaqonal oyunçu
- 2022/23 Sultanlar Liqası - Ən dəyərli oyunçu (MVP)
- 2023 FIVB Qadınlar Voleybol Millətlər Liqası - Ən yaxşı diaqonal oyunçu[17]
- 2023 FIVB Qadınlar Voleybol Millətlər Liqası - Ən dəyərli oyunçu (MVP)
- 2023 Avropa Qadınlar Voleybol Çempionatı - Ən yaxşı diaqonal oyunçu
- 2023 Avropa Qadınlar Voleybol Çempionatı - Ən dəyərli oyunçu (MVP)[18]
- 2023/24 Kupa Voley - Ən dəyərli oyunçu (MVP)
- 2023/24 Sultanlar Liqası - Ən dəyərli oyunçu (MVP)
- 2025 Qadınlar Voleybol üzrə Dünya Çempionatı - Ən yaxşı diaqonal oyunçu - Ən məhsuldar oyunçu [19]
Melissa Varqas parlaq imici, tez-tez dəyişdiyi saç düzümü və saç rəngi ilə tanınır. O, dəb və musiqi ilə yaxından maraqlanır. İdmançının bədənində çoxsaylı döymələr vardır ki, bunlar öz dediyinə görə, həyatının mühüm anlarını əks etdirir.[20]
Hücum zamanı nümayiş etdirdiyi inanılmaz sıçrayış hündürlüyünə görə Türkiyədə ona "Vargas Havayolları" (azərb. Varqas Hava Yolları) ləqəbi verilmişdir.
- ↑ 1 2 https://www.fenerbahce.org/haberler/voleybol-kadin/2021/4/voleybolcumuz-melissa-vargas-turk-vatandasi-oldu.
- ↑ "Küba'dan Türkiye'ye uzanan film gibi bir hayat: Melissa Vargas". TRT Haber. 4 sentyabr 2023. İstifadə tarixi: 2 yanvar 2026.
- ↑ "Cuba Bans Melissa Vargas For Four Years Over Injury Dispute". Volley Mob. 16 yanvar 2018. 19 yanvar 2025 tarixində arxivləşdirilib. İstifadə tarixi: 2 yanvar 2026.
- ↑ "Vargas exclusively for WoV: "I have no desire to change my federation of origin"". WorldOfVolley. 19 noyabr 2020. İstifadə tarixi: 2 yanvar 2025.
- ↑ "Voleybolcumuz Melissa Vargas Türk vatandaşı oldu". Fenerbahçe SK. 10 aprel 2021. 19 fevral 2025 tarixində arxivləşdirilib. İstifadə tarixi: 2 yanvar 2026.
- ↑ "In Spite of 4-Year Cuban Ban, Melissa Vargas Signs With Volero Zurich". Volley Mob. 30 yanvar 2018. İstifadə tarixi: 4 yanvar 2026.
- ↑ "Volero spielt ab nächster Saison in Frankreich". SRF Schweizer Radio und Fernsehen (alman). 2 mart 2018. İstifadə tarixi: 4 yanvar 2026.
- ↑ "TUR W: Melisa Vargas Bids Farewell to Tianjin". WorldOfVolley. İstifadə tarixi: 4 yanvar 2026.
- ↑ "Stars of EuroVolleyW: Melissa Vargas". CEV EuroVolley (ingilis). 12 avqust 2023. İstifadə tarixi: 4 yanvar 2026.
- ↑ "FIVB Volleyball Nations League – Women-Final 1-2 (Places 1 and 2)". 17 iyul 2023 tarixində arxivləşdirilib. İstifadə tarixi: 4 yanvar 2026.
- ↑ "Filenin Sultanları Destan Yazdı: Milletler Ligi'nde Şampiyonuz". 9 oktyabr 2023 tarixində arxivləşdirilib. İstifadə tarixi: 4 yanvar 2026.
- ↑ "CEV EuroVolley 2023 Women Gold Medal Match in BEL (WFF-02)". 24 sentyabr 2023 tarixində arxivləşdirilib. İstifadə tarixi: 4 yanvar 2026.
- ↑ "Filenin Sultanları Cumhuriyetin 100. Yılında Avrupa Şampiyonu" (türk). 2 dekabr 2023 tarixində arxivləşdirilib. İstifadə tarixi: 4 yanvar 2026.
- ↑ "Teams head to Japan to compete for a ticket to Paris and to contest the country's 'World Cup' in 2023". 21 oktyabr 2022 tarixində arxivləşdirilib. İstifadə tarixi: 4 yanvar 2026.
- ↑ "Final Sıralaması". Volleyball World. 8 sentyabr 2025 tarixində arxivləşdirilib. İstifadə tarixi: 4 yanvar 2026.
- ↑ "Türkiye Komandasının Tərkibi". Volleyball World. 9 sentyabr 2025 tarixində arxivləşdirilib. İstifadə tarixi: 4 yanvar 2026.
- ↑ "Vargas takes the VNL by storm with MVP award". volleyballworld.com. 20 iyul 2023 tarixində arxivləşdirilib. İstifadə tarixi: 4 yanvar 2026.
- ↑ "Avrupa Şampiyonası'nın en değerli oyuncusu: Melissa Vargas". www.gazeteduvar.com.tr. İstifadə tarixi: 4 yanvar 2026.
- ↑ "Ən məhsuldar oyunçu". 8 sentyabr 2025 tarixində arxivləşdirilib. İstifadə tarixi: 4 yanvar 2026.
- ↑ "Fun Facts - Melissa Vargas". Official Website of Melissa Vargas. 4 yanvar 2026 tarixində arxivləşdirilib. İstifadə tarixi: 4 yanvar 2026.