Marqaret Elizabet Lindemann (21 iyul 1998, Dallas) — ABŞ müğənni-bəstəkarı. "Pretty Girl" mahnısı ilə musiqi aləmində tanınmağa başlayıb. Bu mahnı İsveç, İrlandiya, Britaniya və Hollandiyada xüsusi populyarlıq qazanıb. Sonradan yaradıcılığında dəyişiklik edərək alternativ musiqiyə üstünlük verib. 2021-ci ildə "Paranoia" adlı minialbom buraxıb. Növbəti il isə "Suckerpunch" adlı ilk studiya albomunu yayımlayıb.
| Meggi Lindemann | |
|---|---|
| ing. Maggie Lindemann | |
 M. Lindemann 2022-ci ildə | |
| Ümumi məlumatlar | |
| Doğum adı | Margaret Elizabeth Lindemann |
| Doğum tarixi | 21 iyul 1998 (27 yaş) |
| Doğum yeri | |
| Musiqiçi məlumatları | |
| Fəaliyyəti | müğənni-bəstəkar, müğənni |
| Fəaliyyət illəri | 2015-ci ildən |
| Janrlar | pop musiqisi, indi-pop, pop-rok, rok, alternativ rok, pop-pank[d], emo, alternativ metal |
| Albom şirkətləri | Atlantic Records, Virgin Records |
| maggielindemann.com | |
 Vikianbarda əlaqəli mediafayllar | |
Texasın Dallas şəhərində alman və şotland əsilli ailədə böyüyən Marqaret Lindemann erkən yaşlarından musiqiyə həvəs göstərib. 1998-ci il təvəllüdlü[1] gənc ifaçı sosial şəbəkələrdə öz səsini sınayıb. "Tumblr" və "Keek"də paylaşdığı mahnılar ona uğur gətirib. İnstaqramda yerləşdirdiyi ifalardan biri musiqi meneceri Cerald Tennisonun marağına səbəb olub.[2] Bundan sonra professional musiqi karyerasını qurmaq məqsədilə Los-Ancelesə köçüb.[3]
M. Lindemann 2016-cı ildə şəxsi həyatı ilə bağlı açıqlama verərək biseksual olduğunu bildirib.[4] 2019-cu ildən etibarən "PrettyMuch" musiqi qrupunun üzvü Brendon Arreaqa ilə sevgili olub.[5] Bu münasibət 2022-ci ilin mayına qədər davam edib və ifaçı ayrılıq xəbərini İnstaqram hesabından paylaşıb.[6] Bir neçə ay sonra, sentyabrda "People" jurnalına verdiyi müsahibədə NBA liqasında çıxış edən "Yuta Caz" basketbolçusu Cordan Klarksonla münasibətdə olduğunu açıqlayıb.[7]
M. Lindemann 2019-cu ildə Malayziyada verdiyi konsert zamanı ciddi problemlə üzləşib. Xarici vətəndaşların bu ölkədə çıxış etməsi üçün xüsusi icazə sənədi tələb olunurmuş. Bu sənəd olmadığı üçün ifaçı səhnədən düşürülüb və həbs edilib. Ertəsi gün zaminlə azadlığa buraxılsa da, bu beş günlük həbs təcrübəsi onda ağır təəssürat yaradıb. Konsert təşkilatçıları səhvlərini boynuna alıblar.[8] 2022-ci ildə isə müğənni plastik əməliyyat keçirdiyini, döşlərini böyütdürdüyünü açıqlayıb.[9]
Studiya albomları
- Suckerpunch (2022)
- I Feel Everything (2025)
- ↑ "Maggie Lindemann". iTunes. İstifadə tarixi: 3 noyabr 2017.
- ↑ "Meet Maggie Lindemann, the Gen Z Pop Star Who's Not Afraid to Call Out The Haters". PHOENIX Magazine (ingilis). 1 sentyabr 2017. İstifadə tarixi: 3 dekabr 2017.
- ↑ Ceron, Ella. "Maggie Lindemann on #KnockingOnYourHeart And Meeting Instagram Followers IRL". Teen Vogue. 4 sentyabr 2015. İstifadə tarixi: 22 sentyabr 2016.
- ↑ Lyell, Carrie. "Maggie Lindemann: "A lot of people have a hard time believing I'm bisexual"". Diva. 22 iyun 2018. 22 iyun 2018 tarixində arxivləşdirilib.
- ↑ Dolan, Chelsea. "BRB, I'm Melting at These Pics of Brandon Arreaga and Maggie Lindemann". POPSUGAR Celebrity UK (ingilis). 26 noyabr 2019. İstifadə tarixi: 18 mart 2020.
- ↑ Irvin, Jack. "Maggie Lindemann Says Women in Pop Are Equally Talented As Male Artists If Not Better". People.com. 16 sentyabr 2022. İstifadə tarixi: 25 oktyabr 2025.
- ↑ Irvin, Jack. "Maggie Lindemann Laid on a Real Bed of Nails for Her New Album Cover — and Yes, It Hurt: 'I Was Super Bruised'". People.com. 21 oktyabr 2025. İstifadə tarixi: 25 oktyabr 2025.
- ↑ Abdul Hadi, Eddino. "Singer Maggie Lindemann arrested in Malaysia days before she was due to play in Singapore". The Straits Times. 5 iyul 2019. İstifadə tarixi: 6 iyul 2019.
- ↑ "Maggie Lindemann on Her New Boobs: Best Purchase Ever". YouTube. 12 avqust 2022.
- maggielindemann.com — rəsmi saytı