MediEvil

Oyun müxtəlif səviyyələrdə baş verir və çoxu irəliləyiş üçün müəyyən məqsədlərin yerinə yetirilməsi tələb olunur. Oyunun baş Qəhrəmanı Ser Daniel Fortesque qılınc və Əmud kimi yaxın məsafəli silahlardan istifadə etmə imkanına malikdir. Heç bir əşyaya sahib olmadıqda, Daniel qolunu qoparıb onu həm döyüş, həm də uzaq məsafəli hücumlar üçün istifadə edə bilir. Daniel müdafiə üçün silahlarla yanaşı qalxanda istifadə edə bilər, lakin hər bir qalxan növü məhdud gücə malikdir və tez sıradan çıxa bilir. Oyun boyunca Daniel iki növ qarqoyl başlarına baş çəkə bilər: yaşıl olanlar Daniel haqqında məlumat verir, mavi olanlar isə Danielə tapdığı xəzinələrdən istifadə edərək sursat almağa imkan verir.

Danielin sağlamlığı göstərici çubuğu ilə müəyyən edilir, Daniel vurulduqda göstərici azalır. Daniel boğularsa və ya böyük hündürlükdən yıxılarsa, o, tamamilə tükənir. Danielin sağlamlığı tükəndiyi halda oyun bitir. Sağlamlıq barını yüksəltmək üçün oyunda müxtəlif hissələrdə gizlədilmiş sağlamlıq şüşəsini toplamaq gərəklidir. Oyunçu oyunda bütün badələri toplamalıdır. Oyun bütün badələr toplanılmış şəkildə başa çatarsa, oyunun sonunda hekayə formatında süjet göstərilir.^[2]

1286-cı ildə Zarok adlı pis sehrbaz, ölməmiş ordusu ilə Gallovmer krallığını ələ keçirmək üçün plan qurur. Əfsanədə deyilir ki, Daniel Fortesk Qallovmer ordusunun köməkliyi ilə qələbə qazandı və Zaroku ölümcül yaralayaraq yerə yıxıb qılıncı ilə onu iki yerə bölmüşdür. Əslində isə, Daniel döyüşdə atılan ilk oxla vuruldu, padşah bunu ört-basdır edərək, Danıieli “Gallovmere Qəhrəmanı” elan edir. 100 il sonra Zarok yenidən peyda olur və Qallovmeri əbədi gecəyə qərq etmək, ölməmiş ordusunu oyatmaq və dirilərin ruhlarını oğurlamaq üçün onun üzərində sehr edir. Lakin bu sehr düzgün işləmir. Danieli sol gözündən məhrum olmuş formada yenidən canlandırır. Daniel uzun bir yol gedərək Zarokun qalasına çatır. Zarokun mühafizəsini yararaq qalaya daxil olur və Zaroku taxtında öldürür. Zarok öldukdən sonra sehr yoxa çıxır və Daniel gücdən düşərək uzun yuxuya gedir.