Mechatok (24 mart 1998, Münxen) — Almaniyadan olan musiqi prodüseri və dicey. Yaradıcılığında "Drain Gang" musiqi kollektivi ilə sıx əməkdaşlıq edib. 2020-ci ildə bu qrupun üzvü Bladee ilə birlikdə "Good Luck" adlı ortaq albom hazırlayıb. 2025-ci ildə isə "Wide Awake" adlı ilk fərdi studiya albomunu dinləyicilərin ixtiyarına verib.[1]
| Mechatok | |
|---|---|
| Ümumi məlumatlar | |
| Doğum adı | Emir Timur Tokdemir |
| Doğum tarixi | |
| Vətəndaşlığı |
 Almaniya |
| Musiqiçi məlumatları | |
| Fəaliyyəti | musiqi prodüseri, dizayner |
Mechatok (Əmir Timur Tökdəmir) çoxmədəniyyətli bir ailədə böyüyüb. 1998-ci ildə Almaniyanın Münxen şəhərində doğulub. Valideynləri mühacirdir: atası Türkiyədən, anası isə Tunisdən Almaniyaya köçüb. Musiqiyə çox erkən yaşlarından maraq göstərib. Altı yaşından musiqi alətlərində çalmağı öyrənib, xüsusilə gitara və pianoda özünü sınayıb. Yeniyetməlik dövründə müxtəlif musiqi qruplarında iştirak edib, hətta bir ara klassik gitara ifaçısı kimi yarıpeşəkar karyera qurmağı düşünüb.[2] 14 yaşında həyatı tamam başqa istiqamət alıb. Atası evə "GarageBand" proqramı olan kompüter alanda, elektron musiqi yaratmağın ona daha yaxın olduğunu anlayıb. Bu sahədə özünü daha sərbəst və rahat hiss edib.[3] 15 yaşından etibarən yaratdığı musiqi əsərlərini internet üzərindən yayıb. Musiqidə ilk uğurlarını qazanandan sonra daha böyük imkanlar axtararaq Berlinə köçüb.[4]
Studiya albomları
- Good Luck (Bladee ilə) (2020)
- Wide Awake (2025)
- ↑ Darville, Jordan. "Beat Construction: Mechatok". The FADER (ingilis). 8 avqust 2025. İstifadə tarixi: 24 noyabr 2025.
- ↑ Venier, Jennifer. "Mechatok: 'Wide Awake' album review". Dance Wax (ingilis). 8 avqust 2025. İstifadə tarixi: 24 noyabr 2025.
- ↑ Bulut, Selim. "Mechatok on MIDI memories and his melancholic new mix". Dazed (ingilis). 26 yanvar 2017. İstifadə tarixi: 24 noyabr 2025.
- ↑ Mandel, Leah. "Berlin producer Mechatok wants dancing to his music to feel like you're in a movie". Interview Magazine (ingilis). 24 aprel 2018. İstifadə tarixi: 24 noyabr 2025.
- mechatok.com — rəsmi saytı