Maykl Con Berriman (4 sentyabr 1948, Los-Anceles, Kaliforniya) — ABŞ xarakter aktyoru.[1]
| Maykl Berriman | |
|---|---|
| ing. Michael Berryman | |
 | |
| Doğum tarixi | 4 sentyabr 1948 (77 yaş) |
| Doğum yeri | |
| Fəaliyyəti | aktyor, televiziya aktyoru, kino aktyoru |
| Fəaliyyət illəri | 1975-ci ildən |
| IMDb | ID0077720 |
 Vikianbarda əlaqəli mediafayllar | |
Bəzi aktyorlar obrazlarını geyim və makiyajla yaradır. M. Berriman isə buna ehtiyac duymayıb. Rejissorlar onu ekranda gördükdə axtardıqları obrazı tapdıqlarını anlayırlar.
Aktyor hipohidrotik ektodermal displaziya adlı xəstəliklə yaşayır. Tibbi cəhətdən desək, bədənində tər vəziləri, saç və dırnaqlar yoxdur.
Tamaşaçılar onu ilk dəfə Miloş Formanın "Ququ quşu yuvasının üzərindən uçarkən" (1975) filmində görür. Ves Kreyvenin "Təpələrin gözləri var" (1977) filmi ilə isə adı dəhşət janrının klassikləri sırasına daxil olur. Bundan sonra ekran macərası davam edir. "Star Trek", "Məxfi materiallar", "Cənnətə gedən yol" bu uzun siyahının bir hissəsidir. Axırıncı qeyd olunan serialda isə ona Şeytanın özünü oynamaq düşür.
Maykl Con Berriman 1948-ci ilin sentyabr ayının 4-də Los-Anceles şəhərində doğulub. Ailədə iki uşaq böyüyüb, Maykl onların kiçiyi idi.[2] Böyük bacısının adı Virciniyadır.[3] Onun damarlarında alman qanı da axır.[4] Alman nəslindən olan böyük babası vaxtilə Vyanada həkimlik edib.[5] Anası tibb bacısı olub, atası isə ABŞ Hərbi Donanmasında neyrocərrah kimi xidmət edib. Atom bombasının Hiroşimaya atılmasından sonra atası da o əraziyə göndərilən hərbi heyətin sıralarında olub.[6]
M. Berrimanın atası radiasiyaya məruz qalıb və bunun nəticəsi isə birbaşa oğluna təsir edir. M. Berriman hipohidrotik ektodermal displaziya adlı nadir genetik xəstəliklə dünyaya gəlib. Xəstəlik tər vəzilərinin, dərinin, saçın və dırnaqlarin inkişafını pozur.[7] Bundan əlavə, onun orqanizmində kraniosinostoz da inkişaf edir və uşaqlıqda kəllə sümüyü üzərində mürəkkəb əməliyyat keçirməli olur.[3]
Roma-Katolik mühitində böyüyüb, Santa-Monikadakı "Saint Monica Preparatory" məktəbinə gedib.[8] Hələ gənc ikən sörfə vurulub. Orta məktəbi qurtarandan sonra San-Luis-Obispodakıdakı Kaliforniya Politexnik Dövlət Universitetinə gedib, orada botanika və zoologiya üzrə oxuyub.[9] Aktyorluğa qədəm basmamışdan öncə isə çiçəkçilik edib.
M. Berriman ətraf mühitin qorunması uğrunda ardıcıl mübarizə aparır və on ilini canavar qoruğunda keçirib.[10]
- ↑ "Michael Berryman". Movies & TV Dept. The New York Times. 2016. 7 mart 2016 tarixində orijinalından arxivləşdirilib.
- ↑ Berryman, Michael 1948– // Encyclopedia.com. 24 aprel 2023 tarixində arxivləşdirilib.
- 1 2 Berryman, 2023. səh. 1–6
- ↑ Hanley, Ken H. "Calgary Horror Con: Michael Berryman". Diabolique Magazine. 24 iyul 2013. 24 aprel 2023 tarixində arxivləşdirilib.
- ↑ Berryman, 2023. səh. 26
- ↑ Berryman, Michael. "Interview with Michael Berryman of Hills Have Eyes & Devil's Rejects at Frightmare in the Falls 2019". YouTube. 12 dekabr 2012 tarixində arxivləşdirilib.
- ↑ "Michael Berryman Biography". Turner Classic Movies. 21 aprel 2021 tarixində orijinalından arxivləşdirilib. İstifadə tarixi: 24 aprel 2023.
- ↑ Berryman, 2023. səh. 13–20, 46
- ↑ Berryman, 2023. səh. 57–58
- ↑ "A Conversation With Michael Berryman". go.Jimmy.go. 8 mart 2012. İstifadə tarixi: 6 sentyabr 2015.
- Maykl Berriman — IMDb səhifəsi