Mayk Flanaqan (ivr. מייק פלנגן; 15 may 1929 və ya 15 may 1926, Foksford[d] – 31 yanvar 2014, İsrail) — İsrail silahlı qüvvələrinin formalaşmasına kömək edən Britaniya Ordusunun irlandiya əsilli əsgəri. O, Fələstindəki İngilis Ordusunun ən məşhur fərarilərindən biri hesab olunur.[1]
| Mayk Flanaqan | |
|---|---|
| ing. Mike Flanagan | |
| Şəxsi məlumatlar | |
| Doğum tarixi | 15 may 1929 və ya 15 may 1926 |
| Doğum yeri | |
| Vəfat tarixi | 31 yanvar 2014 |
| Vəfat yeri | |
| Vətəndaşlığı | |
| Hərbi fəaliyyəti | |
| Qoşun növü | Britaniya Ordusu, İsrail Silahlı Qüvvələri |
| Döyüşlər |
|
İrlandiyanın Mayo qraflığının Foxford şəhərində anadan olub.[2] 16 yaşında Britaniya Ordusuna qoşuldu və İkinci Dünya müharibəsində iştirak edib. 1948-ci ildə Britaniya ordusu tərkibində Fələstində üç il xidmət edib. 1948-ci ildə Britaniya mandatının sonlarına doğru o Haqana agenti ilə əlaqəyə keçdi. Bundan sonra Britaniya ordusunun evakusiyua olunan tanklarını oğurlamaq üçün bir missiyada iştirak etməyə razı oldu. Mayka və yoldaşlarına pul veriləcəyi və İsraildə yeni həyata başlamağa icazə veriləcəyi vəd edilmişdi. 29 iyun 1948-ci ildə Flanaqan və MakDonald iki İngilis Kromvell tankını oğurlayaraq Tel-Əvivdəki İsrail qüvvələrinə çatdırdılar. Həmin tanklar hal-hazırda Latrundakı muzeydə nümayiş olunur.[3]
Flanaqan daha sonra İsraildə məskunlaşdı, yəhudiliyi qəbul etdi, ibranicə Maykl Peleq adını aldı və həqiqi xidmətdə tanış olduğu əsgər yoldaşı Rut Levi ilə evləndi.
Flanaqan 1956-cı il Sinay müharibəsində, 1967-ci il Altı Günlük Müharibədə və 1973-cü ildə Yom Kippur müharibəsində ehtiyatda olan əsgər kimi xidmət etmişdir.[4]
İsrail Müdafiə Qüvvələrindən təqaüdə çıxdıqdan və həyat yoldaşının ölümündən sonra o, İrlandiya və Kanadaya səfər edib. Torontoda olarkən o, 1948-ci ildə İsrail ordusunda xidmət etdiyi kanadalı könüllünün dul arvadı Şirli Svartsla tanış oldu. Daha sonra onunla evləndi və həyatının qalan hissəsini Kanadada yaşadı.[4]
26 yanvar 2014-cü ildə vəfat edib.
- ↑ "The Irish Rover". 2024-04-09 tarixində arxivləşdirilib. İstifadə tarixi: 2024-11-13.
- ↑ Posted by David Lawlor on May 11, 2018 at 8:30am; Blog, View. "The Irish Rebels Who Fought for Israel". thewildgeese.irish (ingilis). 2023-12-05 tarixində arxivləşdirilib. İstifadə tarixi: 2024-11-13.
- ↑ "British deserter who stole tanks for Haganah dies". 2023-02-08 tarixində arxivləşdirilib. İstifadə tarixi: 2024-11-13.
- ↑ 1 2 elementor. "Mike Flanagan". World Machal (ingilis). 2015-05-09. 2024-11-17 tarixində arxivləşdirilib. İstifadə tarixi: 2024-11-13.