Martin Şlaff (alm. Martin Schlaff; 6 avqust 1953[1], Vyana[1]) — yəhudimənşəli Avstriya biznesmeni, "RHI Magnesita"nın əsas səhmdarı. O, 2023-cü ilə olan məlumata görə, Avstriyanın ən varlı şəxslərindən biri olmuşdur. Şlsffın sərvəti 2,8–3,2 milyard avro arasında qiymətləndirilir.
| Martin Şlaff | |
|---|---|
| alm. Martin Schlaff | |
| Doğum tarixi | 6 avqust 1953[1] (71 yaş) |
| Doğum yeri | |
| Fəaliyyəti | sahibkar, iş adamı, investor, film prodüseri |
| Partiyası | |
Şlaff Vyanada sahibkar ailəsində anadan olmuşdur. Onun ailəsi İkinci Dünya müharibəsindən qalan yəhudi qaçqınları idi. Onun valideynləri köçkünlər üçün düşərgədə yaşayırdılar. O, Vyana İqtisadiyyat və Biznes Universitetində təhsil almış, 1975-ci ildə magistr diplomu əldə etmişdir.[2]
Martin Şlaff 1976-cı ildə həyat yoldaşının köməyi ilə qərargahı Vyanada yerləşən "Robert Placzek" şirkətində pay əldə etmiş və 1987-ci ildə bu şirkət səhmdar cəmiyyətinə çevrildikdə kiçik menecer vəzifəsini tutmuşdur.[3] Şirkət Şərqi Avropa ölkələri, əsasən Şərqi Almaniya, Macarıstan, Çexoslovakiya və Polşa ilə ağac və kağız ticarəti ilə məşğul idi. Martin Şlaff biznesini tədricən genişləndirərək yeni məhsul növləri, o cümlədən tekstil və kompüter texnikası təklif etməyə başlamışdır. Bu zaman o, Qərbin Varşava müqaviləsi ölkələrinə qoyduğu embarqonu dolanma yolları tapırdı.[4]
Dəmir pərdənin süqut etməsindən sonra Martin Şlaff biznesini yeni reallıqlara uyğunlaşdıraraq yenidən qurdu. 1997-ci ildə İerixonda kazino açmışdır və onun gəlirlərinin bir hissəsi Fələstin Muxtariyyəti hakimiyyətinə gedirdi. İsraildə qumarxanaların qadağan olması səbəbindən bu müəssisə İsraildən gələn qonaqlar sayəsində çiçəklənmişdir, lamin 2000-ci ildə İkinci intifada zamanı kazino bağlanmışdır.[5]
2001-ci ildə Martin Şlaff Bolqarıstanın mobil rabitə operatoru "Mobiltel"i Mixail Çernoqdan 800 milyon avroya satın almış və bir neçə il sonra bu şirkəti iki dəfə baha qiymətə satmışdır.[6] Eyni strategiyanı, lakin daha az gəlirlə, Serbiyanın "Mobtel" şirkəti ilə də təkrarlamışdır.[7][8]
2007-ci ildə 30 ildən çox çalışdığı "Robert Placzek Aktiengesellschaft" şirkətindən çıxmışdır. 2010-cu ildə Lixtenşteyndə "Sigma Bank"ı təsis etmişdir.[9][10]
2006-cı ildə Şlaff öz "MS Private Foundation" şirkəti vasitəsilə maqnezitlərin hasilatı və emalı ilə məşğul olan RHI AG ("Radex-Heraklith Industriebeteiligungs AG") şirkətinin təxminən 6%-lik səhmini əldə etmişdir.[11] Növbəti ilin sentyabrına qədər onun səhm paketi 26,47%-ə çatmışdır.[12]
2017-ci ildə RHI AG əsas rəqibi olan Braziliyanın "Magnesita" şirkəti ilə birləşmişdir. Birləşmiş şirkət "RHI Magnesita" adlandırılməşdır. Baş qərargah Vyanada qalmışdır,[13] lakin şirkət Vyana Fond Birjasını tərk edərək London Fond Birjasında qeydiyyatdan keçmiş və FTSE 250 İndeksinə daxil olmuşdu.[14]
Bir çox ölkənin aparıcı siyasətçiləri ilə şəxsi tanışlığı sayəsində o, bir sıra hallarda beynəlxalq münaqişələrin həllində mühüm rol oynamışdır. Yəhudi olmağına baxmayaraq, Yasir Ərəfat və ya Müəmmər Qəddafi kimi ərəb liderləri tərəfindən ona hörmət edilirdi.[15]
2003-cü ildə Ariel Şaron ilə əlaqələri sayəsində Avstriya ilə İsrail arasında münasibətlərin normallaşmasına kömək etmişdir.[16] 2000-ci ildə geri çağırılmış İsrail səfiri Vyanaya qayıtmışdır. 2007-ci ildə onun vasitəçiliyi ilə Liviyada uşaqları qəsdən virusla yoluxdurmaqda günahlandırılan və ölüm cəzasına məhkum edilmiş 5 bolqar tibb bacısı azad edilmişdir.[15] 2010-cu ildə İsrail xeyrinə casusluqda ittiham olunan yəhudi Rafael Haddadı Liviya həbsxanasından azad etdirməyə nail olmuşdur.[17]
Həmçinin, Martin Şlaff xeyriyyəçi və kolleksiyaçı kimi tanınır.[18] O, təxminən 5000 obyekt daxil olan antisemit artefaktlar kolleksiyası toplamış və 1993-cü ildə bu kolleksiyanı Vyana Yəhudi Muzeyinə hədiyyə etmişdir.[19] In return, the City of Vienna awarded him a medal of honour.[20]
Şlaff üç dəfə evlənmişdir.[21] Birinci həyat yoldaşı Syuzi Vizel "Robert Placzek" şirkətinin sahibi Fridrix Vizelin qızı olmuşdur. Bu şirkətdə onun sayəsində Şlaff pay əldə etmişdir, onların üç övladı var. İkinci həyat yoldaşı Andrea ilə iki övladı olmuşdur. Cütlük 2008-ci ildə boşanmış, Şlaff 200 milyon avro məbləğində "təzminat" ödəmişdir.[22] Hazırkı həyat yoldaşı Barbara Keniqdir. Cütlük 2009-cu ildə evlənmiş və onların ümumi bir övladı var.[23]
- ↑ 1 2 3 4 Evidence zájmových osob StB.
- ↑ Jewish History Baden: Martin Schlaff, retrieved 22 November 2023
- ↑ Profil: Porträt: Der lange Weg des Martin Schlaff, 29 January 2005
- ↑ Neumann, Volker. "13/10900" [13/10900] (PDF). Deutscher Bundestag 13. Wahlperiode (German Bundestag 13th electoral term) (bundestag.de) (alman). 28 May 1998. 16 December 2023 tarixində arxivləşdirilib (PDF). İstifadə tarixi: 15 December 2023., pages 221 to 223.
- ↑ Jericho's casino may reopen after 21 years Arxiv surəti 23 aprel 2025 tarixindən Wayback Machine saytında, Al Monitor, 17 March 2022
- ↑ Austrian executive bridges murky East-West gap, The Wall Street Journal, 2 August 2006, here quoted from ChinaDaily
- ↑ "Telenor acquires Mobi 63 in Serbia". Telenor. 31 July 2006.
- ↑ "Telekom Austria kauft weißrussische Velcom komplett". Die Presse. 6 May 2010.
- ↑ "Banklizenz für Martin Schlaff". DerStandard.at. 10 May 2010.
- ↑ Frey, Wolfgang. "Ein österreichischer Milliardär, Kleinkredite für Deutsche und eine neue Bank in Liechtenstein" [An Austrian billionaire, small loans for Germans and a new bank in Liechtenstein]. www.wolfgangfrey.com (alman). 8 May 2010. 16 December 2023 tarixində arxivləşdirilib. İstifadə tarixi: 16 December 2023.
- ↑ ""profil": Erste Bank bestätigt RHI-Deal mit Geschäftsmann Martin Schlaff". Austria Press Agency. 12 November 2006.
- ↑ "Machtdemonstration bei RHI: Martin Schlaff zeigt Muskeln". Die Presse. 6 September 2007.
- ↑ "RHI fusioniert mit Magnesita und verlässt die Wiener Börse - Aktie kracht". Die Presse. 6 October 2016. 2 January 2024 tarixində arxivləşdirilib. İstifadə tarixi: 21 May 2025.
- ↑ "RHI Magnesita notiert demnächst im Londoner FTSE 250". Salzburger Nachrichten. 30 November 2017.
- ↑ 1 2 Der Standard: Geschäftsmann Martin Schlaff Arxiv surəti 22 noyabr 2023 tarixindən Wayback Machine saytında, 8 September 2010
- ↑ "Wie ich in der Öffentlichkeit gesehen werde, ist mir wurscht". Profil. 31 July 2012.
- ↑ The Jerusalem Post: Haddad story highlights efforts to recover Libyan assets Arxiv surəti 18 sentyabr 2024 tarixindən Wayback Machine saytında, 13 August 2010
- ↑ "Martin Schlaff: "Wir bräuchten eine neue Welle der Aufklärung!"". Die Bühne. 8 May 2023. 24 April 2025 tarixində arxivləşdirilib. İstifadə tarixi: 21 May 2025.
- ↑ "The Schlaff Collection". Jewish Museum Vienna. 30 November 2017.
- ↑ "Porträt: Österreichs einziger Oligarch - Ein Grenzgänger zwischen Genialität & Skandal". Profil. 7 July 2007.
- ↑ "Milliardär Schlaff: Sein Sohn ist da". oe24. 21 May 2010. 3 December 2024 tarixində arxivləşdirilib. İstifadə tarixi: 21 May 2025.
- ↑ Der Standard: Martin Schlaff soll "Scheidungsweltmeister" sein, 8 April 2008
- ↑ The Jerusalem Post: Schlaff returns to Israel, 26 June 2015