"Martin İden" — Cek London tərəfindən dram janrında yazılmış roman. İlk dəfə 1908 və 1909-cu illərdə The Pacific Monthly jurnalında nəşr edilmiş və 1909-cu ildə Macmillan Company tərəfindən ayrıca kitab kimi nəşr edilmişdir[1] Martin İdenin Cek London kimi dənizçi olması, sosiolist ideyalara marağı, oxşar xarakterləri və digər bir çox elementlər yazıçının bu romanı yazarkən öz həyatından ilhamlandığını deməyə əsas verir.[2]
| Martin İden | |
|---|---|
| ing. Martin Eden | |
_front_cover.png) | |
| Müəllif | Cek London |
| Janr | Dram |
| Orijinalın dili | İngilis dili |
| Ölkə |
 ABŞ |
| Orijinalın nəşr ili | Makmillan (1909) |
| Tərcüməçi | İslam İbrahimov |
| Nəşriyyat | "Qanun" nəşriyyatı |
| Nəşr | 2012 |
| Səhifə | 464 |
| Növ | kitab |
| ISBN-13 | ISBN 978-9952-26-289-6 |
| Elektron versiya Elektron versiya | |
 Vikianbarda əlaqəli mediafayllar | |
Roman 20-ci əsrin əvvəllərində ABŞ-ın Kaliforniya ştatının Oklend şəhərində cərəyan edir. Təxminən 21 yaşlı, təvazökar dənizçi Martin İden təsadüfən varlı bir ailədən olan Rut Morse ilə tanış olur. İlk baxışdan Ruta aşiq olan və yüksək cəmiyyətin təsiri altına düşən Martin,ona layiq olmaq üçün öz üzərində ciddi şəkildə çalışır. Martini "vəhşi" kimi görən Rut onun səylərinə köməklik edir. Martin jurnalların onlarda nəşr edən müəlliflərə yaxşı qonorar ödədiyini öyrənir və o, yazıçı kimi karyera qurmağa qərar verir. O, həmçinin ədəbi jurnallarda əsərləri dərc olunanlardan daha yaxşı yaza biləcəyinə əmindir. Martin özünü təkmilləşdirmə proqramı hazırlayır, dili və tələffüzü üzərində işləyir və çox oxuyur. Həyat təcrübələrindən istifadə edərək şeir və nəsr yazır və nəşrlərə paylayır. Möhkəm sağlamlığı və güclü iradəsi onu məqsədinə doğru aparır.
Kasıb təbəqənin nümayəndəsi olan 21 yaşlı Martin İden işçi, matros olur. O bir gün Artura sataşan avaralarla dalaşıb, onları yaxşıca əzişdirir. Bunun müqabilində, Artur ona təşəkkür etmək üçün evlərinə nahara çağırır. Artur Martinin yaşında olan yüksək təbəqənin, burjua ailəsinin üzvüdür.
Martin onlara qonaq gələrkən yüksək təbəqənin adamlarına, onların savadlarına heyran qalır. Elə burada da Arturun bacısı Rufu görür və onu sevir.
Ruf yarıtəhsilli Martinə ingilis dilində gözəl danışmağı öyrədir, onda ədəbiyyata maraq oyadır. Martin öyrənir ki, jurnallar yazıçılara onların əməyi müqabilində yaxşı qonorar verir. Ona görə də qəti qərara gəlir ki, yazıçı olsun və öz sevgilisinə layiq olan təbəqənin adamları sırasına qatılsın.[3]
- Martin İden
- Artur Morz
- Ruf Morz — Arturun bacısı
- Norman Morz — Arturun qardaşı
- Gertruda — Martinin bacısı
- Bernard Heqqinbotam — Gertrudanın əri, Martin İdenin kürəkəni
- Alfred — Gertruda ilə Bernard Heqqinbotamın oğlu
- Tom — Bernard Heqqinbatomun keçmiş işçisi
- Çilingər Cim — Bernard Heqqinbotamın evində kirayenişin
- Meriyen — Martinin bacısı
- Mister Çarlz Betler
- Marci — 15 yaşlı qız
- Cek London
- Martin İden sindromu
- XX əsrin 100 kitabı (Le Monde)
- ↑ Baskett,, Sam S. "Martin Eden: Jack London's Poem of the Mind" (ingilis). Modern Fiction Studies. (Spring 1976). pp. 22-36. ISBN 26280173.
- ↑ "https://www.supersummary.com - Martin Eden (summary). İstifadə tarixi: 13.03.2024". 21 sentyabr 2023 tarixində arxivləşdirilib. İstifadə tarixi: 13 mart 2024.
- ↑ Cek London, "Martin İden", Qanun nəşriyyatı, Bakı-2022, 416 səh