Marqaret E. Baron (d. 1915 – ö. 16 avqust, 1996) — Britaniyalı riyaziyyatçı, riyaziyyat tarixçisi, hesablama riyaziyyatının tarixi haqqında yazdığı kitabı ilə tanınan alim.[1]
| Marqaret Baron | |
|---|---|
| Margaret E.Baron | |
| Doğum tarixi | |
| Vəfat tarixi | 16 avqust, 1996 |
| Fəaliyyəti | riyziyyat tarixçisi, riyaziyyatçı |
Baron əslən Geytsxeddən (Şimali-şərqi İngiltərə) idi və Darem Universitetindən, o zamanlar Kral Kolleci, Nyukasl adlanan və sonradan Nyukasl Universitetinə çevrilən təhsil müəssisəsini bitirib bakalavr dərəcəsinə yiyələnmişdir. O, bir il Frankfurtda ingilis dili müəllimi kimi çalışmış və 1938-ci ildə Bede Qızlar məktəbində riyaziyyat müəllimi olmuşdur. Bu məktəb daha sonra Sanderlend Kollecinin bir hissəsinə çevrildi.
O, məktəbin müvafiq oğlanlar bölməsində müəllim işləyən Corc Baron ilə evləndiyi üçün 1940-cı ildə müəllimlikdən azad edildi. Daha sonra Nyukasl-Tayndakı Kral Qrammatika Məktəbi və Şeffilddəki Ali Storrs Məktəbində işləsə də, sonradan Geytsxeddə ailə quraraq işləməyə ara verdi.[1]
Əri 1946-cı ildə hərbi xidmətdən qayıtdıqdan sonra ailəsi ilə birgə Londona köçdü. Nəhayət, Baron yenidən müəllimliyə qayıtdı – əvvəlcə Qoldsmits kollecində, daha sonra isə 1957-ci ildə Stokvell təhsil kollecində riyaziyyat kafedrasının müdiri oldu. Burada işləyərkən 1960-cı ildə hesablama riyaziyyatının tarixi mövzusunda magistr dissertasiyası yazdı və 1965-ci ildə fəlsəfə doktoru dərəcəsini aldı.
O, 1977-ci ildə təqaüdə çıxdı və 16 avqust 1996-cı ildə vəfat etdi.[1]
Baronun "Sonsuz kiçik hesablama riyaziyyatının mənşəyi "adlı kitabı ilk dəfə 1969-cu ildə Perqamon nəşriyyatı tərəfindən nəşr olunmuş, 1987-ci ildə isə Dover Books tərəfindən yenidən çap edilmişdir (kitaba çoxlu sayda rəylər verilmişdir [2][3][4][5][6][7][8]) Amerika Riyaziyyat Assosiasiyası bu kitabın bakalavr səviyyəsində riyaziyyat kitabxanalarına daxil edilməsini tövsiyə edib.[9]
O, həmçinin riyaziyyat tarixi sahəsində bir neçə digər əsər də yazıb, o cümlədən "Elmi Bioqrafiya Lüğəti" üçün töhfələr verib.[1]
1950-ci illərin əvvəlində o, Riyaziyyat Müəllimləri Assosiasiyasının qurucularından biri olub və riyaziyyat təhsili sahəsində də bir neçə əsərin müəllifidir.[1] Bunlardan biri "İbtidai riyaziyyatda saylar" (1973) adlı kitabdır.[1]
- ↑ 1 2 3 4 5 6 Seltman, Muriel (September 1996), "Margaret Baron 1915–1996", British Society for the History of Mathematics. Newsletter, 11 (2): 32–34, doi:10.1080/09629419608000021
- ↑ Boyer, Carl B. (June 1970), The British Journal for the History of Science, 5 (1): 89–91, doi:10.1017/S0007087400010670, JSTOR 4025358
- ↑ Drake, Stillman (March 1972), Canadian Mathematical Bulletin, 15 (1): 166–168, doi:10.1017/s000843950003143x
- ↑ Grabiner, Judith V. (June 1990), Isis, 81 (2): 346–347, doi:10.1086/355398, JSTOR 233747
- ↑ Hofmann, J. E. (1969), Sudhoffs Archiv (in German), 53 (3): 335, JSTOR 20775776
- ↑ Struik, D. J., Mathematical Reviews, MR 0256815
- ↑ Wallis, P. J. (February 1972), The Mathematical Gazette, 56 (395): 57, doi:10.2307/3613719, JSTOR 3613719
- ↑ Whiteside, D. T., zbMATH, Zbl 0182.30801
- ↑ "The Origins of the Infinitesimal Calculus (unreviewed listing)", MAA Reviews, Mathematical Association of America