Marlboro-haus (ing. Marlborough House) — Böyük London Vestminster borosunda yerləşən və Sent-Ceyms sarayına bitişik bir monarxial iqamətgah. Villa 1711-ci ildə Kraliça Anna Stüartın rəfiqəsi və sirdaşı olan Marlboro hersoginyası Sarah Çörçil adına memar Kristofer Ren tərəfindən inşa edilmişdir. Bir əsrdən daha uzun müddət ərzində Marlboro hersoqlarının London iqamətgahı olan villa XIX əsr və XX əsrin ilk yarısınadək monarxial iqamətgah olaraq istifadə olundu.
| Marlboro-haus | |
|---|---|
| Marlborough House | |
 | |
| Ölkə | |
| Yerləşir | Vestminster borosu |
| Memar | Kristofer Ren |
| Tikilmə tarixi | 1711 |
| Rəsmi sayt | thecommonwealth.org/marl… |
| 51°30′18″ şm. e. 0°08′09″ q. u. | |
 |
|
 Vikianbarda əlaqəli mediafayllar | |
1817-ci ildə IV Marlboro hersoqunun ölümündən sonra villanın mülkiyyəti monarx ailəsinə keçdi və bina Uels şahzadəsi Şahzadə Şarlotta və əri Saksoniyalı Leopold üçün təsis edildi. Ancaq cütlüyün villaya köçməsindən qısa müddət sonra şahzadə uğursuz doğuşun ardından vəfat etdi və əri Saksoniyalı Leopold bu səbəblə villada tək yaşadı. 1820-ci illərdə villanın dağıdılması və ərazisində yeni bir sarayın inşası müzakirə edilsə də, bu plan heç vaxt baş tutmadı.
22 aprel 1831-ci ildə ona Belçika taxt-tacı məhz burada təklif olundu. I Leopold Belçika taxtına çıxıb Britaniyanı tərk etdikdən sonra villanın mülkiyyəti yenidən monarx ailəsinə keçdi və fərqli monarx ailəsi üzvü tərəfindən istifadə edildi. Villanın ilk sahibi 1849-cu ildəki ölümünədək Kraliça Adelayd oldu. Onun ölümündən sonra Kraliça Viktoriya tərəfindən Uels şahzadəsi Şahzadə Albertə hədiyyə edildi və 19 yaşına gəldikdə burada təkbaşına yaşamağına icazə verildi.
VII Eduard adıyla taxta çıxmazdan öncə, Uels şahzadəsi Albert burada məskunlaşdı və bu müddət ərzində villaya əlavə binalar əlavə etdirərək bir villa-kompleksinə çevirdi. Xanımı Şahzadə Aleksandra tərəfindən interyer dizaynı dəyişdirildi və cütlüyün ikinci oğlu (gələcəkdə taxta çıxacaq V Corc) məhz burada doğuldu. Kraliça Viktoriyanın 1901-ci ildə vəfatından sonra VII Eduard taxta çıxdı və ənənəvi şəkildə ailəsiylə birlikdə Bukingem sarayında məskunlaşdı. Villa isə yeni Uels şahzadəsi Şahzadə Corc və xanımı Şahzadə Mariya Tekin ixtiyarına verildi. Əri VII Eduardın vəfatı və oğlu V Corcun taxta çıaraq Bukingem sarayına köçməsinin ardından, dul Kraliça Aleksandra sevimli sarayına qayıtdı və 1925-ci ildəki ölümünədək buranı London iqamətgahı kimi istifadə etdi.
Gəlini Kraliça Mariya Tek də eynən onun kimi, dul qaldığı 1936-cı ildən etibarən burada yaşamağa davam etdi. Onun 1953-cü ildə vəfatının ardından villa yenidən fərqli monarx ailəsi üzvləri tərəfindən istifadə edildi. Bina 1965-ci ildən etibarən Kraliça Elizabetin əmriylə Millətlər birliyi Administrasiyasına kirayələnir.
- Cornforth, John (2004). Early Georgian Interiors. New Haven, Conn.; London: Yale University Press for the Paul Mellon Centre for Studies in British Art, pp. 134, 275. ISBN 978-0-30-010330-4. OCLC 938151474
- Murdoch, Tessa (ed.) (2006). Noble Households: Eighteenth-Century Inventories of Great English Houses. A Tribute to John Cornforth. Cambridge: John Adamson, pp. 284–7, ISBN 978-0-9524322-5-8 OCLC 78044620
- Stourton, James. Great Houses of London. London: Frances Lincoln. 2012. ISBN 978-0-7112-3366-9.
- Pevsner, Nickolaus; Cherry, Bridget (1973). The Buildings of England: London. Vol. I. Penguin. p. 470-ff. ISBN 9780140710120
- Frayling, Christopher (1987). The Royal College of Art, One Hundred and Fifty Years of Art and Design. London: Barrie & Jenkins. pp. 35-42. ISBN 978-0712617994