Marina Nekrasova (19 aprel 1995[1], Voronej) — Rusiyanı və Azərbaycanı təmsil edən idman gimnastı.[2]
| Marina Nekrasova | |
|---|---|
 Marina Nekrasova 2017-ci ildə | |
| Şəxsi məlumatlar | |
| Tam adı | Marina Nekrasova |
| Vətəndaşlığı |
 Rusiya →  Azərbaycan |
| Doğum tarixi | 19 aprel 1995[1] (30 yaş) |
| Doğum yeri | |
| Boyu | 160 sm. |
| İdman növü | İdman gimnastikası |
| Məşqçisi | Olqa Barlalava |
 Vikianbarda əlaqəli mediafayllar | |
Marina Nekrasova 1998-ci ildən idmanla məşğuldur. Şəxsi məşqçisi Olqa Barlalavadır.
Rusiyada ciddi rəqabətə görə Marina Nekrasova yığmanın əsas heyətində yer almağı bacarmırdı və buna görə də Dünya və Avropa Çempionatlarında, nüfuzlu beynəlxalq turnirlərdə çıxış edə bilmirdi. 2014-cü ildə Azərbaycan Gimnastika Federasiyası (AGF) Marina Nekrasovanı Azərbaycan yığmasının heyətinə cəlb etdi.[2] Həmin ildə Marina Nekrasova Azərbaycan Çempionatının qalibi oldu.
Marina Nekrasova 2015 və 2019-cu illərdə Azərbaycanı Avropa Oyunlarında təmsil etdi. 2016-cı ildə AGF Trophy beynəlxalq turnirinin bürünc medalına sahib olan Marina Nekrasova 2017-ci ildə İslam Həmrəyliyi Oyunlarının qalibi oldu.
2019-cu ilin iyulunda İtaliyanın Neapol şəhərində Universiada Oyunlarının qalibi olan Marina Nekrasova daha sonra Almaniyanın Ştutqart şəhərində baş tutan Dünya Çempionatının nəticələrinə əsasən olimpiya lisenziyasına sahib oldu.
Marina Nekrasova 2021-ci ildə Azərbaycanı Yaponiyada baş tutan XXXII Yay Olimpiya Oyunlarında təmsil etdi.[2] Marina Nekrasova ümumi nəticədə təsnifat mərhələsini 48.232 balla 70-ci pillədə başa vurdu və final mərhələsinə vəsiqə qazana bilmədi.[3][4] Ayrı-ayrı alətlərdə də Marina Nekrasova final mərhələsinə vəsiqə qazana bilmədi.[3]
- ↑ 1 2 Marina Nekrasova // https://www.olympedia.org/athletes/140904.
- ↑ 1 2 3 Olympedia.org. "Marina NEKRASOVA". www.olympedia.org (ingilis). 2022-08-30. 2022-08-30 tarixində arxivləşdirilib. İstifadə tarixi: 30.08.2022.
- ↑ 1 2 Olympedia.org. "2020 Summer Olympics Games / Artistic gymnastics / Individual All-Around / Women". www.olympedia.org (ingilis). 2022-08-30. 2022-04-26 tarixində arxivləşdirilib. İstifadə tarixi: 30.08.2022.
- ↑ Azerisport.com idman portalı. "Токио-2020: Марина Некрасова стала семидесятой на Олимпиаде". www.azerisport.com ( (rus.)). 11.02.2022. 2022-08-30 tarixində arxivləşdirilib. İstifadə tarixi: 11.02.2022.