Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMargerit-İzabell Navill (nikahdan öncə de Purtales (fr. Marguerite-Isabelle Naville née de Pourtalès); 14 avqust 1852[1], Versua[d], Cenevrə kantonu[1][3] – 14 dekabr 1930[1][2], Cenevrə[1]) — İsveçrə rəssamı, fotoqrafı və yazıçısı. 1873-cü ildə misirşünas Eduard Navill ilə evləndikdən sonra, o, Misirdəki 14 arxeoloji səfərdə ərini müşayiət etdi, onun tapıntılarını fotoşəkillər və rəsmlər formasında sənədləşdirdi. Onun geniş gündəlik kitabçaları və məktub yazışmaları 20-ci əsrin əvvəllərində Misirdəki həyat barədə ətraflı məlumat verir.[4][5][6]
| Margerit Navill | |
|---|---|
| fr. Marguerite Naville | |
 | |
| Doğum tarixi | 14 avqust 1852[1] |
| Doğum yeri |
|
| Vəfat tarixi | 14 dekabr 1930[1][2] (78 yaşında) |
| Vəfat yeri | |
| Dəfn yeri |
|
| Fəaliyyəti | misiroloq, fotoqraf, yazıçı, boyakar[d] |
 Vikianbarda əlaqəli mediafayllar | |
14 avqust 1852-ci ildə Cenevrə kantonunun Versua şəhərində anadan olan[7] İzabell-Margerit de Purtales Prussiya qrafı və artilleriya zabiti Aleksandr Jozef de Purtalesin (1810-1883) və onun həyat yoldaşı Avqusta Mari Elizabetin (nikahdan öncəki soyadı Saladin; 1815–1885) qızı idi.[8][9] O, 1870-ci ildə Fransa-Prussiya müharibəsi zamanı ailəsinin almanlara olan pərəstişliyindən təsirlənsə də, Birinci dünya müharibəsi zamanı fransızların tərəfində oldu.[6]
1873-cü ildə evləndiyi misirşünas Eduard Navill (1844-1926) ilə birlikdə beş övladı var idi. 1884-1914-cü illər ərzində o, ərini Misirə etdiyi 14 səfərdə müşayiət etdi.[4] Misirdə olarkən qazıntı sahələrini idarə edən, işçilərə qayğı göstərən və əldə edilən irəliləyişi diqqətlə izləyən məhz o idi. O, çəkdiyi fotoşəkillərə əlavə olaraq, tapıntıların detallı rəsmlərini də çəkmişdir. Eduard Navill həmin əl işlərini nəşr olunan əsərlərini təsvir etmək üçün istifadə etmişdir.[5] Onun bir çox gündəlik yazı kitabçalarında qazıntı işləri barədə aparılan işlərdən savayı, Houard Karter də daxil olmaqla digər misirşünasların hekayələri də yer alır. O, yazılarında yevangelist dirçəliş hərəkatına dəstəyini əks etdirən dərin protestant inanclarını barədə də bəhs etmişdir.[6]
Margerit Navill 14 dekabr 1930-cu ildə 78 yaşında Cenevrə yaxınlığındakı Malanyi adlı yerdə vəfat etdi.[7] O, Jantod qəbiristanlığında ərinin yanında dəfn olundu.
- ↑ 1 2 3 4 5 6 7 8 Catalog of the German National Library (alm.).
- ↑ 1 2 Bibliothèque nationale de France Marguerite Naville // BnF identifikatoru (fr.): açıq məlumat platforması. 2011.
- ↑ 1 2 https://data.bnf.fr/fr/ark:/12148/cb105321410.
- ↑ 1 2 "Archives de Marguerite Naville" (French). Société d'Égyptologie, Genève. İstifadə tarixi: 16 fevral 2021.
- ↑ 1 2 "Histoire des collections: l'apport d'Édouard et de Marguerite Naville" (French). Musée d’art et d’histoire Genève. 13 fevral 2014. İstifadə tarixi: 16 fevral 2021.
- ↑ 1 2 3 Danielle Maurice-Naville; Laurence Naville; Corinne Eggly-Naville. "La plume, le pinceau, la prière: L'Egyptologue Marguerite Naville (1852-1930)" (fransız). Chêne-Bourg: La Baconnière. fevral 2014. OCLC 878360525.
- ↑ 1 2 "Marguerite Naville (1852-1930)" (French). BnF. İstifadə tarixi: 16 fevral 2021.
- ↑ "Pourtalès, de, Isabelle Marguerite (1852 - 1930)" (French). Base de données des élites suisses. İstifadə tarixi: 16 fevral 2021.
- ↑ "Marguerite Isabelle de Pourtalès" (French). Geneanet. İstifadə tarixi: 16 fevral 2021.