Bu məqaləni vikiləşdirmək lazımdır. |
Mamaraqan və ya Namarrqon (avstral. narm-arr-gon) – Avstraliya aborigenlərinin mifologiyasında ildırım ruhu. O qara buludun üzərində hərəkət edir, insan və ağaclara ildırım atır. Bu ruh Arnem-Lend bölgəsində yağış mövsümünün əvvəlində, yəni oktyabrdan noyabradək dövrdə yaranan tufanlara görə məsuliyyət daşıyır. Gölməçələrdə yaşayır.
Mamaraqanın qədim təsvirlərini Arnem-Lendin bir çox sıldırım qayalarının üzərində, o cümlədən Kakadu milli parkının Anbanqbanq-Billabonq gölünün yaxınlığında yerləşən qalereyada tapmaq olar.
Ruhun başı, cinsiyyət orqanları və biğları bir-birinə birləşir. Başında və dirsəklərində cüt daş çəkiclər sallanır, daha iki çəkic dizlərinə bərkidilib. Bu çəkicləri bir-birinə vurduqda şimşək yaranır.
Mamaraqanın bədəni Leyxqardt çəritkəsinə (Petasida ephippigera) bənzəyir. Bu çəritkələrin özləri Mamaraqanın arvadı Barrincdən (Barrinj) doğulan uşaqları sayılır. Sanki "atalarını qarşılamağa çıxan" Leyxqardt çəritkələrinin mövsümi peyda olması təqvimə malik olmayan aborigenlərə güclü Şimali Avstraliya ildırımları dönəminin gəldiyi haqda siqnal verirdi. Bu səbəbdən də aborigenlər ildırımın dağıdıcı zərbələrindən qorunmaq üçün vaxt itirmədən etibarlı sığınacaq axtarışına çıxırdılar.
- Peter Prevos "Levels of meaning in Aboriginal art"