Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMalin Mariya Akerman (ing. Malin Akerman; 12 may 1978, Stokholm) — İsveçdə anadan olmuş Kanada-Amerika aktrisası və modeli.
| Malin Akerman | |
|---|---|
| isv. Malin Maria Åkerman | |
 | |
| Doğum adı | Malin Maria Åkerman |
| Doğum tarixi | 12 may 1978 (47 yaş) |
| Doğum yeri | |
| Uşağı | 1 |
| Fəaliyyəti | aktrisa, müğənni, musiqiçi, model[d], kino aktrisası |
| Fəaliyyət illəri | 1997-ci ildən |
| Təhsili | |
| IMDb | ID0015196 |
 Vikianbarda əlaqəli mediafayllar | |
Malin Akerman 12 may 1978-ci ildə Stokholm şəhərində anadan olmuşdur. Onun atası Maqnus Akerman sığorta brokeri, anası Pia Sundström isə model və aerobika təlimatçısı idi. Malin 2 yaşında ikən ailəsi Kanadanın Toronto şəhərinə köçmüşdür. 6 yaşında isə valideynləri ayrılmış və atası İsveçə qayıtmışdır.[1][2]
Malin uşaqlıq illərində modelliyə və aktyorluğa maraq göstərmişdir. 5 yaşında televiziya reklamlarında çıxış etməyə başlamış, 16 yaşında isə model kimi fəaliyyətə başlamışdır. O, York Universitetində psixologiya üzrə təhsil alsa da, sonradan aktyorluq karyerasını davam etdirmək qərarına gəlmişdir.[3]
Gənc yaşlarında model kimi fəaliyyət göstərən Malin eyni zamanda alternativ rok janrında fəaliyyət göstərən "The Petalstones" adlı qrupda solist kimi çıxış etmişdir. Lakin qrup uzun müddət davam etməmiş və Malin musiqi karyerasını yarımçıq qoyaraq aktyorluğa yönəlmişdir.[4]
Malin Akerman aktyorluq karyerasına 1997-ci ildə Kanadanın televiziya seriallarında kiçik rollar oynamaqla başlamışdır. Onun ilk əhəmiyyətli rolu 2005-ci ildə "The Comeback" serialında oldu. Burada o, Cuna Millken obrazını canlandırmışdır. 2007-ci ildə o, "The Heartbreak Kid" komediya filmində Ben Stiller ilə birgə rol aldı və bu film ona daha geniş tanınma qazandırdı. Ardınca 2008-ci ildə "27 Dresses" filmində Katrin Heiql ilə birlikdə baş rolu ifa etdi.[5]
Malinin ən böyük uğurlarından biri 2009-cu ildə "Mühafizəçilər" filmində Silk Spectre II (Laurie Jupiter) rolunu canlandırması oldu. Zak Snayderin rejissorluğu ilə çəkilən bu superqəhrəman filmi onun aktyorluq karyerasında dönüş nöqtəsi oldu və ona beynəlxalq şöhrət qazandırdı. Bundan əlavə o, Rempeyc bədii filminə çəkilmiş, ABŞ-nin tatuirovka, həyat tərzi mövzularını özündə birləşdirən Inked junalında modellik edib.[6]
Malin Akerman 2007-ci ildə "The Petalstones" qrupunun davulçusu Roberto Zinkone ilə ailə qurmuş və 2013-cü ildə onların Sebastiyan adlı oğlu dünyaya gəlmişdir. Lakin cütlük 2014-cü ildə boşanmışdır. 2018-ci ildə Malin ingilis aktyor Cek Donnelli ilə evlənmişdir.
2024-cü ildə Malin Akerman İsveçdə keçirilən 2024 Avroviziya Mahnı Müsabiqəsinin aparıcısı seçildi və Petra Mede ilə birlikdə tədbiri təqdim etdi. Bu, onun İsveç mədəniyyəti ilə əlaqəsini vurğulayan mühüm hadisə oldu.
- ↑ "Malin Akerman: Biography". TV Guide. 3 dekabr 2013 tarixində orijinalından arxivləşdirilib. İstifadə tarixi: 25 noyabr 2013.
- ↑ "Malin Akerman". en:Rotten Tomatoes. 11 iyun 2019 tarixində arxivləşdirilib. İstifadə tarixi: 12 iyun 2019.
- ↑ Andersson, Robert. "ELLE-intervju: Malin Åkerman" [Elle interview: Malin Åkerman]. Elle (isveç). 7 mart 2009. 3 oktyabr 2013 tarixində orijinalından arxivləşdirilib. İstifadə tarixi: 16 avqust 2011.
- ↑ Lindholm, Peter. "Malin Åkerman hetaste svenskan i Hollywood" [Malin Åkerman, hottest Swede in Hollywood]. Metro (isveç). 24 oktyabr 2007. 3 fevral 2014 tarixində orijinalından arxivləşdirilib. İstifadə tarixi: 16 avqust 2011.
- ↑ Hogarth, Vicki. "Malin Akerman Interview". en:AskMen.com. 3 mart 2016 tarixində orijinalından arxivləşdirilib. İstifadə tarixi: 16 avqust 2011.
- ↑ "Malin Akerman Biography". en:Yahoo! Movies. 29 oktyabr 2011 tarixində arxivləşdirilib.
- Malin Akerman — IMDb səhifəsi