Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinMahat-tattva (sanskr. महत्तत्त्व; mahattattvaIAST) və ya mahat — hinduizmin Sankhya fəlsəfi sistemində əsas anlayışlardan biri. Bu termin Prakritinin ilk təzahürü və ya “ilk təkamül forması” kimi xarakterizə olunur. Prakritinin tarazlığı pozulduqda onun daxilində baş verən hərəkət və genişlənmə materiyanın və maddi enerjinin yaranmasına səbəb olur. Məhz bu mərhələdə mahat-tattva meydana çıxır.[1] Sankhya metafizikasına əsasən, təkamül prosesi mahatın yaranması ilə başlayır və bundan sonra ahamkara (eqo, “mənlik”), manas (ağıl), beş idrak qabiliyyəti, beş fəaliyyət qabiliyyəti, beş incə (subtil) təbiət elementi və beş kobud (qross) təbiət elementi meydana gəlir. Bu 22 prinsip və mahat-tattva birlikdə Sankhya fəlsəfəsinin fundamental metafizik strukturunu təşkil edir.[2]