Kömək
Bu səhifəni kitabınıza əlavə edin
Kitabı göstər (0 səhifə)
Səhifə təklif edinƏbu Məhəmməd Məqil ibn Sinan ibn Məzahir əl-Əşcai (ərəb. معقل بن سنان; v. 683, Mədinə) — Harrə döyüşündən sonra edam olunan səhabə.
| Məqil ibn Sinan | |
|---|---|
| ərəb. معقل بن سنان | |
| Şəxsi məlumatlar | |
| Vəfat tarixi | 683 |
| Vəfat yeri | |
| Vəfat səbəbi | başın kəsilməsi[d] |
| Vətəndaşlığı | |
| Hərbi fəaliyyəti | |
| Döyüşlər | |
Qətəfan qəbiləsinin Əşcə qoluna mənsubdur. O, qəbiləsində İslamı qəbul edən ilk şəxslərdən biridir. Məqil, Məhəmməd peyğəmbər tərəfindən Bəni Hilal ibn Amiri İslama dəvət üçün göndərilmişdir. Məkkənin fəthində iştirak etdi[1] və qəbiləsinin bayraqdarı oldu. Bir müddət Məkkədə qaldıqdan sonra Mədinəyə qayıtdı. Mənbələrdə onun bir müddət Kufədə yaşaması[2] və Ömər dövründə Mədinəyə qayıtması da qeyd edilib. Əməvilər dövründə Yezidin yanına göndərilən heyətin tərkində o da var idi. Mədinəlilər Yezidin xəlifəliyi rədd edib, Abdullah ibn Hənzələ beyət etdilər. Məqil isə mühacirlərin başçısı təyin olundu. Mədinələrin Yezidə tabe olmamarı Harrə döyüşü ilə nəticələndi. Döyüş Əməvi sərkərdəsi Müslümün qələbəsi ilə nəticələndi (27 Zilhiccə 63[3] / 27 avqust 683). Sabahı günü Müslüm mədinəlilərdən Qubada zorla beyət aldı. Beyət etməyən Məqil və yaxınları edam edildi. Onun Nofəl ibn Musa tərəfindən öldürülməsi haqqında rəvayətlər də nəql edilmişdir.[4]
Cəsurluğu ilə tanınan Məqil ibn Sinan Məhəmməd peyğəmbərdən hədis rəvayət etmişdir. Məqildən də Əlqamə ibn Qeys, Məsruk ibn Əcdə, Əsvəd ibn Yezid, Səlim ibn Abdullah, Həsən əl-Bəsri kimi şəxslər hədis rəvayət etmişlər. Məqilin rəvayətləri Əbu Davud, Tirmizi, İbn Macə və Nəsainin "əs-Sünən"lərində yer almışdır.[5]
- ↑ İbn Hibban. əs-Siqat (ərəb).
- ↑ Əbu Nueym. Mərifətül-səhabə (ərəb).
- ↑ Bəğavi. Mucəmül-səhabə (ərəb).
- ↑ İbn Əbdilbərr. əl-İstiab fi mərifətil-səhabə (ərəb).
- ↑ Yücel, Ahmed. "Ma'kıl b. Sinân". TDV İslâm Ansiklopedisi. 09.09.2025 tarixində orijinalından arxivləşdirilib. (#invalid_param_val)