Məkkənin mühasirəsi (683)
Məkkənin mühasirəsi (ərəb. حصار مكة) — 683-cü ilin sentyabr-noyabr aylarında baş vermiş və İkinci Fitnənin ilk toqquşmalarından biri olmuşdur. Məkkə şəhəri, Əməvi xəlifəsi I Yezidin hakimiyyətini irsi yolla əldə etməsinə qarşı çıxan ən mühüm rəqiblərdən biri olan Abdullah ibn Zübeyr üçün sığınacaq yerinə çevrilmişdi. İslamın digər müqəddəs şəhəri olan Mədinə də Yezidə qarşı üsyan etdikdən sonra, Əməvilər Ərəbistanı nəzarət altına almaq üçün ordu göndərdilər. Əməvi ordusu Mədinə əhalisini məğlub edərək şəhəri ələ keçirdi, lakin Məkkə bir ay davam edən mühasirəyə müqavimət göstərdi və bu müddət ərzində Kəbə yandırıldı və yanğın nəticəsində müəyyən qədər zədələndi.
| Məkkənin mühasirəsi | |
|---|---|
.jpg) | |
| Yeri | |
|
|
|
Yezidin qəfil ölüm xəbəri gəldikdən sonra mühasirə sona çatdı. Əməvi sərkərdəsi Hüseyn ibn Nümeyr Abdullah ibn Zübeyr özü ilə birlikdə Şama getməyə və xəlifə kimi tanınmağa razı salmağa çalışsa da, uğur qazana bilmədi və qoşunları ilə birlikdə geri çəkildi. İbn Zübeyr vətəndaş müharibəsi dövründə Məkkədə qaldı və qısa müddət ərzində müsəlman dünyasının böyük bir hissəsində xəlifə kimi tanındı. Lakin 692-ci ildə Əməvilər Məkkəni yenidən mühasirəyə alaraq ələ keçirdilər və bununla da vətəndaş müharibəsinə son qoydular.