Müqəddəs Katerina kilsəsi (alm. St. Katharinen) — Almaniyanın Osnabrük şəhərinin qədim hissəsində yerləşən Qotika üslubunda inşa edilmiş Yevangelist kilsəsi. Uzaqdan görünən və əsrlər boyu şəhərin görünüşünü formalaşdıran qülləsi 103 metr (338 fut) hündürlüyündədir.[2]
| Müqəddəs Katerina kilsəsi | |
|---|---|
 | |
 | |
| 52°16′23″ şm. e. 8°02′34″ ş. u.HGYO | |
| Ölkə | |
| Yerləşir | Osnabrük[1] |
| Üslubu | qotika |
| Rəsmi sayt | katharinen-gemeinde.de |
 Vikianbarda əlaqəli mediafayllar | |
XIII əsrin ilk yarısında Osnabrük şəhər qalasının divarları qarşısında, zadəganların şəhər məhkəməsinin ərazisində kiçik bir kilsə tikilib. Müqəddəs Katerina adı ilə tanınan bu kilsənin himayədar müqəddəsi, yəqin ki, Müqəddəs torpaqlardan qayıdan zəvvarların Osnabrükə gətirdiyi Müqəddəs Katerinaya olan hörmətlə əlaqədardır. Hazırkı bina təxminən 1300-cü ildən etibarən bir neçə il fasilə ilə inşa edilib. Kilsəni inşası 1500-cü illərdə əsasən tamamlanıb. 1543-cü ildə Müqəddəs Katerina kilsəsində Reformasiya tətbiq edilib. 1643-1648-ci illər arasında sülh danışıqları zamanı kilsə İsveç nümayəndəliyinə ibadət və görüşlər üçün yer kimi təqdim edilib. 1868-ci ildə kilsə qülləsinin barokko üslublu zirvəsi təmir işləri zamanı yanğın nəticəsində zədələnib. Yeni kilsə qülləsinin tikintisi 1880-ci ilə qədər davam edib.[3]
Paul Ott emalatxanası 1961-ci ildə Müqəddəs Katerina Kilsəsinin orqanını inşa edib. Paul Ott tərəfindən hazırlanan köhnə orqanın təmiri artıq iqtisadi cəhətdən mümkün olmadığı üçün Müqəddəs Katerina Kilsəsinin kilsə şurası "Sülh Orqanı" adlı yeni bir orqanın tikintisinə qərar verib. "Sülh Orqan"ının inşası üçün maliyyə toplamaq məqsədilə şura yaradılıb. Bu şura planlaşdırma və maliyyələşdirməni Müqəddəs Katerina Kilsəsi ilə birlikdə həyata keçirib. Köhnə orqan 2022-ci ildə söküldü və Litva şəhərlərindən birinə satıldı.[4]
Orqan tikinti layihəsinin himayədarı keçmiş Federal Prezident Kristian Vulf və Regional Yepiskop Ralf Meister olub. Yeni orqan İsveçrənin Dietikon şəhərindən olan Metzler Orgelbau şirkəti tərəfindən inşa edilib və əvvəlcə 2018-ci ildə tamamlanması planlaşdırılırdı. Maliyyə çətinlikləri tikintinin başlamasını gecikdirdi. Sülh Orqanının birinci tikinti mərhələsi 2023-cü ilin aprelində tamamlandı. Orqanın birinci tikinti mərhələsi 9 aprel 2023-cü ildə (Pasxa Bazar günü) keçmiş Federal Prezident Vulfun iştirakı ilə Müqəddəs Katerina Kilsəsində təntənəli bir ibadət zamanı təqdim edildi.[5]
- ↑ 1 2 3 ArchINFORM (alm.). 1994.
- ↑ "Disposition der Friedensorgel". www.friedensorgel.de (alman). 2023-05-06 tarixində arxivləşdirilib. İstifadə tarixi: 2023-05-05.
- ↑ Ludwig Hoffmeyer, Ludwig Bäte, Heinrich Koch: Chronik der Stadt Osnabrück. 4. Auflage. Meinders & Elstermann, Osnabrück 1982, ISBN 3-88926-004-7, S. 827
- ↑ Homepage der Friedensorgel - "Abbau der Ott-Orgel" Arxiv surəti 5 fevral 2023 tarixindən Wayback Machine saytında, retrieved 28 June 2022.
- ↑ Homepage St. Katharinen - "Stehende Ovationen für die Friedensorgel", retrieved 30 April 2023.
- https://www.katharinen.net/ (alm.)
- Osnabrück, St. Katharinen (alm.)