Mübariz Mədətov

Mübariz Mədətov
Mübariz Mədətov
	Mübariz İsrafil oğlu Mədətov
Doğum tarixi	8 noyabr 1952
Vəfat tarixi	23 noyabr 2018 (66 yaşında)
Vətəndaşlığı	Azərbaycan
Milliyyəti	azərbaycanlı
İxtisası	Mühəndis
Təhsili	Odessa Ali Dəniz Mühəndisləri Məktəbi
Mükafatları	, "Azərbaycanın əməkdar mühəndisi"

Mübariz Mədətov (d. 8 noyabr 1952, Bakı – ö. 23 noyabr 2018, Bakı) — Azərbaycan Xəzər Dəniz Gəmiçiliyinin kollektivinin üzvü, uzaq səfərlər kapitanı, Azərbaycanın əməkdar mühəndisi.^[1]

Həyatı

Mübariz Mədətov 1952-ci il noyabrın 8-də Bakı şəhərində doğulub. 25 mömrəli məktəbin səkkizinci sinfini bitirdikdən sonra o, 1968-ci ildə Bakı Dəniz Yolları Məktəbinə daxil olub. 1972-ci ildə həmin məktəbdə texnik gəmi sürücüsü, 1973-1989-cu illərdə Odessa Ali Dəniz Mühəndisləri Məktəbində mühəndis gəmi sürücüsü ixtisaslarına yiyələnib.^[1]

Əmək fəaliyyəti

Əmək fəaliyyətinə 1972-ci ildə Xəzər Dəniz Gəmiçiliyinin nəqliyyat donanmasının gəmilərində matros kimi başlayıb, sonralar 1973-1986-cı illərdə müxtəlif gəmilərdə kapitanın üçüncü, ikinci, böyük köməkçisi və kapitan işləyib. Mahir gəmi sürücüsü olan Mübariz Mədətov uzaq səfərlər kapitanı kimi dünyanın onlarla ölkəsinin limanlarına səfərlər edib.

1995-ci ildə Xəzər Dəniz Gəmiçiliyinin Kadrlar xidmətinin rəisi vəzifəsinə irəli çəkilib. İki bu vəzifədə çalışıb, 1997-ci ildə Gəmiçiliyin Sosial məsələlər və təsərrrüfat xidmətinin rəisi təyin edilib. 2000-ci ilin avqustunda Xəzər Dəniz Neft Donanmasının rəisi vəzifəsinə irəli çəkilən Mübariz Mədətov “AXDG” QSC yaranana kimi bu donanmaya rəhbərlik edib. Mübariz Mədətov 2014-cü ilin martından bir müddət QSC sədrinin müavini işləmişdir.^[1]^[2]^[3]

Mükafatları

2006-cı ildə “Tərəqqi” medalı ilə təltif olunub.

2012-ci ildə isə “Azərbaycanın əməkdar mühəndisi” fəxri adına layiq görülüb.^[4]

İstinadlar

[a-1] ¹ ² ³ Mübariz Mədətov^{[ölü keçid]}

[2] "Mübariz İsrafil oğlu Mədətov "Azərbaycan Xəzər Dəniz Gəmiçiliyi" Qapalı Səhmdar Cəmiyyəti sədrinin müavini vəzifəsindən azad edilsin". President.az.

[3] "Oğlu maşınla xalq artistinin ailəsini əzən sabiq məmurun külli miqdarda pulu oğurlandı – TƏFƏRRÜAT (VİDEO, FOTO)". Musavat.com.

[4] ""Azərbaycan Xəzər Dəniz Gəmiçiliyi" QSC-nin sabiq rəisi müavini, əməkdar mühəndis Mübariz İsrafil oğlu Mədətov vəfat edib". Azvision.az.

[1]

[2]

[3]

[4]