Luis Aleksander Zlotin (ing. Louis Alexander Slotin;[4] 1 dekabr 1910[1][2], Vinnipeq, Manitoba, Kanada – 30 may 1946[1][2], Los Alamos, Nyu-Meksiko, ABŞ) — Manhetten layihəsində iştirak etmiş kanadalı fizik və kimyaçı. Manitoba əyalətinin Vinnipeq şəhərində, Nort-End rayonunda doğulub boya-başa çatan Slotin, Manitoba Universitetində həm elm bakalavrı, həm də elm magistri dərəcələrini almış, 1936-cı ildə isə London Kral Kollecində fiziki kimya üzrə doktorluq dərəcəsinə yiyələnmişdir. Daha sonra o, siklotronun layihələndirilməsinə kömək etmək məqsədilə elmi işçi kimi Çikaqo Universitetinə qoşulmuşdur.
| Luis Zlotin | |
|---|---|
| ing. Louis Alexander Slotin | |
 | |
| Doğum tarixi | 1 dekabr 1910[1][2] |
| Doğum yeri | |
| Vəfat tarixi | 30 may 1946[1][2] (35 yaşında) |
| Vəfat yeri | |
| Elmi dərəcələri | |
| Təhsili | |
 Vikianbarda əlaqəli mediafayllar | |
1942-ci ildə Slotin Manhetten layihəsində iştirak etməyə dəvət olunmuş və burada uran və plutonium nüvələrinin kritik kütlə dəyərlərini müəyyən etmək üçün təcrübələr aparmışdır. İkinci Dünya müharibəsindən sonra o, Nyu-Meksiko ştatındakı Los Alamos Milli Laboratoriyasında tədqiqatlarını davam etdirmişdir. 21 may 1946-cı ildə Slotin təsadüfən sərt radiasiya seli ilə nəticələnən ifrat kritik zəncirvari nüvə reaksiyasına səbəb olmuşdur. Təcili olaraq xəstəxanaya çatdırılsa da, doqquz gün sonra, mayın 30-da vəfat etmişdir. Beləliklə, Slotin, əvvəlki il eyni plutonium "iblis nüvəsi" ilə bağlı qəzada həyatını itirən Harri Daqlianın ardından tarixdə kritiklik qəzasının ikinci qurbanı olmuşdur.
Slotin həmkarlarının ölümünün qarşısını almaq üçün göstərdiyi operativ reaksiyaya görə ABŞ hökuməti tərəfindən qəhrəman elan edilmişdir. Lakin Slotin qəzaya səbəb olan təcrübə zamanı təhlükəsizlik protokollarına məhəl qoymamışdı. Bu səbəbdən bəzi fiziklər Slotinin qəzadan əvvəlki davranışının ehtiyatsız olduğunu və ölümünün qarşısının alına biləcəyini qeyd etmişlər. Bu hadisə və onun nəticələri bir neçə bədii və sənədli əsərdə dramatikləşdirilib.
- Louis P. Slotin – The Manhattan Project Heritage Preservation Association
- Louis Slotin, profile – GCS Research Society
- The Secret Life of Louis Slotin Arxivləşdirilib 27 noyabr 2021 at the Wayback Machine – Canadian Nuclear Society
- Luis Zlotin (ing.) Find a Grave saytında
- Guide to the Louis Slotin Memorial Fund Records 1946–1962 at the University of Chicago Special Collections Research Center