Love Through a Prism (プリズム輪舞曲, Purizumu Rondo?) – manqaka Yoko Kamio tərəfindən yaradılmış və "Wit Studio" tərəfindən istehsal olunmuş ONA seriyası. Bütün seriyaları 15 yanvar 2026-cı ildə "Netflix" tərəfindən buraxılmışdır. Yoko Kamio animenin yaradıcısı olmaqla yanaşı, ssenaristi və personaj dizayneridir. Animenin rejissorları Kazuto Nakazava, Tetsuya Takahaşi və Saki Fucii, bəstəkarı Naoki Çibadır.
| Love Through a Prism | |
 Animenin posteri. | |
| プリズム輪舞曲 (Purizumu Rondo) | |
|---|---|
| Janr | yetkinliyə çatma, tarixi, romantika |
| Manqa | |
| Yazıçı | Yoko Kamio |
| Rəssam | Maki Minami |
| Nəşriyyat | Shueisha |
| Jurnal |
|
| Nəşr tarixi | 8 yanvar 2026 – hazırda |
| ONA | |
| Rejissor |
|
| Prodüsser | Şou Ootani |
| Ssenarist |
|
| Bəstəkar | Naoki "naotyu" Çiba |
| Studiya | Wit Studio |
| Lisenziya | Netflix |
| Buraxılış tarixi | 15 yanvar 2026 |
| Vaxt | 22–40 dəq. |
| Seriyalar | 20 (seriya siyahısı) |
20 seriyadan ibarət olan anime serialında hadisələri böyük qismi 1900-cü illərin əvvəlində, Londonda baş verir. Əslən Yokohamadan olan gənc rəssamlıq tələbəsi Lili İçicoin Yaponiya dövlətinin dəstəyi ilə Londonda rəssamlıq təhsili almağa gəlir. Əsas hədəfi birinci olmaq olan Lili burada ondan da istedadlı olan digər tələbə Kit Çörç ilə tanış olur. Britaniya zadəganlığının bir nümayəndəsi olan Kit ilə Lili arasında romantik münasibətlər yaranır.
Animenin manqa adaptasiyası 8 yanvar 2026-cı ildə "Shueisha" nəşriyyatının "Shōnen Jump+" və "Manga Mee" manqa saytlarında serializasiya olunmağa başlamışdır.