Loriculus camiguinensis — Tutuquşukimilər yarımfəsiləsinə aid quş növü.
| Loriculus camiguinensis | ||||||||||
|---|---|---|---|---|---|---|---|---|---|---|
 | ||||||||||
| Elmi təsnifat | ||||||||||
|
XƏTA: parent və rang parametrlərini doldurmaq lazımdır. ???: Loriculus camiguinensis |
||||||||||
| Beynəlxalq elmi adı | ||||||||||
| ||||||||||
Loriculus camiguinensis Filippinin Kamiqin adasına endemik olan tutuquşudur. Onun yaşayış mühiti getdikcə azalır. Kamiqindəki bu tutuquşu populyasiyasının taksonomiyası qeyri-müəyyəndir. Beynəlxalq Təbiəti Mühafizə Birliyinin (IUCN) Qırmızı Siyahısı tərəfindən hələ qiymətləndirilməsə də, bu növün əsasən qəfəsdə saxlanılan quş ticarəti səbəbilə, təhlükə altında olduğu və populyasiyasının azaldığı güman edilir.[3]
Loriculus camiguinensis əsasən yaşıl rəngdədir, boğazı, üzü və budları mavi, quyruğu və baş təpəsi isə qırmızıdır. Erkək və dişi quşlar eyni görünüşə malikdir ki, bu da Filippinə aid olan asma tutuquşuları üçün qeyri-adi haldır. Digər adalarda yaşayan bütün populyasiyalarda yalnız erkəklərin ön tərəfində qırmızı sahə var.[4]
2006-cı ildə Mindanaonun şimal sahilində yerləşən Kamiqin adasında yaşayan Loriculus camiguinensis Filippinin Loriculus philippensisinin fərqli bir növ kimi təsvir edilmişdir. Bu növ mavi üzü, qırmızı baş təpəsi, daha uzun quyruğu və cinsi dimorfizmin olmaması ilə fərqlənir. Lakin onların taksonomiyasını aydınlaşdırmaq üçün daha çox araşdırma və DNT təhlili tələb olunur.[5]
Qidası nektar, toxumlar, "Musa" cinsinə aid olan vəhşi bananlar, yumşaq meyvələr, giləmeyvələr və çiçəklərdən ibarətdir. Əsasən tək görünsə də, cüt və ya kiçik qruplar halında da rast gəlinir.
Çoxalma mövsümü sentyabr ilə noyabr ayları arasındadır. Ölmüş ağac qıjılarının boşluqlarında yuva qurur.[3]
Bu növə yalnız dəniz səviyyəsindən 150 ilə 1.700 metr yüksəklikdəki düzənlik meşələrində və ikinci dərəcəli meşələrdə rast gələnir. Beynəlxalq Təbiəti Mühafizə Birliyi (IUCN) hələ bu növü müstəqil bir növ kimi tanımadığı üçün Kamiqin asma tutuquşusunu qiymətləndirməyib. Ümumilikdə qəbul edilir ki, bu növ təhlükə altındadır, çünki adada artıq nadirdir. Qanunsuz vəhşi təbiət ticarəti ilə ciddi təhdid altındadır.[6]
- ↑ Integrated Taxonomic Information System (ing.). 2007.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ 1 2 BirdLife International 2008. Şablon:IUCNlink. 2008 IUCN Red List of Threatened Species. Arxivləşdirilib iyun 27, 2014, at the Wayback Machine
- ↑ "Camiguin Hanging-Parrot - eBird". ebird.org (ingilis). İstifadə tarixi: 2024-09-11.
- ↑ Arndt, Thomas. "A new hanging parrot from Camiguin Island, Philippines" (PDF). BirdingASIA. 5. 2006: 55–58. 7 October 2007 tarixində orijinalından (PDF) arxivləşdirilib.
- ↑ Collar, Nigel; Kirwan, Guy M. "Camiguin Hanging-Parrot (Loriculus camiguinensis), version 1.0". Birds of the World (ingilis). 2020. doi:10.2173/bow.camhap1.01. ISSN 2771-3105.
- Oriental Bird Images: Camiguin Hanging Parrot Arxivləşdirilib 2012-03-05 at the Wayback Machine Selected photos