Lophura bulweri — Qırqovullar fəsiləsinə aid quş növü.
| Lophura bulweri | ||||||||
|---|---|---|---|---|---|---|---|---|
,_Sabah,_Malaysia_1.jpg) | ||||||||
| Elmi təsnifat | ||||||||
|
XƏTA: parent və rang parametrlərini doldurmaq lazımdır. ???: Lophura bulweri |
||||||||
| Beynəlxalq elmi adı | ||||||||
|
||||||||
| ||||||||
Lophura bulweri Cənub-Şərqi Asiyada geniş yayılmış və Borneo meşələrinə endemikdir. Lophura bulweri "Galliformes" dəstəsinə və "Phasianidae" fəsiləsinə aiddir. Cins adı olan "Lophura" yunanca "lophos" sözündən götürülmüşdür və "təpə", "kəkilli" və ya "püskül" mənasını verir. Növ adı olan "bulweri" isə 1871–1875-ci illərdə Labuan qubernatoru olan Ser Henri Ernest Qaskoyn Bulverin şərəfinə verilmişdir. O, tip nümunəsini "Britaniya Muzeyi"nə təqdim etmişdir.[3]
Lophura bulweri cinsi dimorfizmə malikdir. Erkəklərin ümumi uzunluğu təxminən 80 santimetr (31 düym) olur və qara lələklərə, tünd qırmızı sinəyə, qırmızı ayaqlara, uzun və əyilmiş ağ lələklərdən ibarət təmiz ağ quyruğa, parlaq mavi üz dərisinə və başının yanlarını örtən iki lələyə malikdir. Dişilərin ümumi uzunluğu təxminən 55 santimetr (22 düym) olur və ümumilikdə boz-qəhvəyi rəngdə, qırmızı ayaqlı və mavi üz dərisinə malikdir.
Lophura bulweri Borneo adasına endemikdir. Növ qorunan ərazilərdə (məsələn, Şərqi Kalimantanda yerləşən Kayan Mentarang Milli Parkı) yerli miqyasda çoxsaylı olsa da, digər ərazilərdə nadir hallarda rast gəlinir. Bu quş təpəlik və aşağı dağlıq tropik meşələrdə yaşayır və əsasən yüksək dağlıq yağış meşələrini üstün tutur. 300 metr (980 fut) altındakı aşağı ərazilərə nadir hallarda enir. Qidalanması əsasən meyvələr, qurdlar və həşəratlardan ibarətdir.[4]
Lophura bulweri "IUCN"in "Təhlükə Altında Olan Növlərin Qırmızı Siyahısı"nda "Zəif" kimi qeydə alınmışdır. Bunun əsas səbəbləri kommersial meşəçilik və meşə yanğınları nəticəsində yaşayış mühitinin itməsi və parçalanmasıdır. Yerli ovçuluq da bu quşların populyasiyasının azalmasına səbəb olur.[5]
Bu növ çox nadir hallarda zooparklarda saxlanılır, çünki cütləşmə problemləri ilə üzləşir. Bu növü saxlayan yeganə qərb zooparkları San Dieqo Zooparkı (üç erkək fərd saxlayıb) və San Antonio Zooparkıdır (2000-ci ildə ana-oğul cütlüyü saxlayıb). 2017-ci il məlumatına görə, heç bir zoopark bu quşu sərgiləmir.[6]
- ↑ Integrated Taxonomic Information System (ing.). 1996.
- ↑ IOC World Bird List Version 6.3. 2016. doi:10.14344/IOC.ML.6.3
- ↑ Sharpe, R. Bowdler. "XLIX.—Description of a remarkable new pheasant from Borneo". Journal of Natural History. Series 4. 14 (83). 1874: 373–374. doi:10.1080/00222937408680989. ISSN 0374-5481.
- ↑ Roach, John. "Vanishing Borneo Pheasants Look Great but Won't Mate". news.nationalgeographic.com. 6 April 2005. April 14, 2005 tarixində orijinalından arxivləşdirilib. İstifadə tarixi: 2017-11-03.
- ↑ BirdLife International. "Lophura bulweri". IUCN Red List of Threatened Species. 2016. 2016: e.T22679278A92808853. doi:10.2305/IUCN.UK.2016-3.RLTS.T22679278A92808853.en. İstifadə tarixi: 13 November 2021.
- ↑ "Pheasant love works in the wild, not New York". The Natal Mercury. 16 August 2000. İstifadə tarixi: 2017-11-13.
