Litva Həmkarlar İttifaqları Konfederasiyası

Konfederasiya 2002-ci il may ayının 1-də Litva Həmkarlar İttifaqları Birliyi və Litva Ticarət Mərkəzi Şurasının birləşməsi nəticəsində yaranmışdır.

Hazırda təşkilatın tabeçiliyində 26 həmkarlar ittifaqı təşkilatı fəaliyyət göstərir. Konfederasiya 124 min üzvü özündə cəmləşdirir.

Hazırda təşkilata Artur Çerniauskas sədrlik edir.

LHİK ölkədə ictimai hərəkatın lideridir.

Təşkilat siyasətini demokratik əsaslar üzərində qurub. Demək olar ki, bütün ictimai təşkilatlarla əməkdaşlıq əlaqələri qurub. İctimaiyyəti sahib olduğu hüquqlardan istifadə etməyə öyrətmək fəaliyyətində prioritet təşkil edir.

Əsas məqsədi isə əmək və sosial münaqişələri həll etmək, işçilərin statusunu yüksəkdə saxlamaq və əhalinin rifahının yaxşılaşdırılması məsələlərində hökumətə təsir göstərməkdir.

LHİK çalışır ki, üzvlərinin maraqlarını milli səviyyədə qorusun, əmək, sosial və iqtisadi problemləri üçtərəfli danışıqlar yolu ilə həll etsin, Litva əməkçilərini qlobal masştabda təmsil etsin, sosial partnyorluq münasibətlərinin qurulmasına köməklik etsin.

LHİK üzvlərinin maarifləndirilməsinə və təhsilinə geniş yer ayırır. Belə ki, işçilərin peşəkar kadr kimi yetişməsi məqsədilə forum, konfrans, seminarlar keçirir, layihə və proqramlar hazırlayıb reallaşdırır.

İdarəetmə strategiyası, kollektiv müqavilələrin bağlanması, sosialyönümlü qanunların ətraflı izahı konfederasiyanın təhsil sisteminin əsas mövzularıdır. Maarifləndirmə və təhsillə bağlı konfederasiyada xüsusi fond yaradılıb. Fonda Danute Şlionskiene rəhbərlik edir.

Konfederasiya Beynəlxalq Həmkarlar İttifaqları və Avropa Həmkarlar İttifaqları konfederasiyalarının üzvüdür. Bununla yanaşı, Beynəlxalq Əmək Təşkilatı ilə sıx əməkdaşlıq edir. Digər ölkələrin həmkarlar ittifaqları ilə münasibətləri beynəlxalq əmək standartları üzərində qurur.

• Afaq HÜSEYNOVA. Litva Həmkarlar İttifaqları Konfederasiyası (LHİK)^{[ölü keçid]}. "Ülfət" qəzeti, 25 may 2013-cü il.  (az.)

• lpsk.lt — rəsmi saytı