Lingua Libre şifahi (audio) və ya işarəli (video) istənilən dildə sözlərin, ifadələrin və ya cümlələrin qeydinə imkan verir. Sözlər yerində, əvvəlcədən və ya mövcud Vikimedia kateqoriyasından təkrar istifadə etməklə yaradılmış siyahı şəklində spikerə təqdim olunur. Spiker sadəcə olaraq ekranda göstərilən sözü oxuyur və proqram oxunan sözdən sonra səssizliyi aşkar etdikdə növbəti sözə keçir. Yaradıcısı Nikolas Vionun köməyi ilə açıq mənbəli Shtooka yazıcı proqramından götürülmüş bu prinsip saatda bir neçə yüz söz yazmağa imkan verir. Daha sonra qeydlər avtomatik olaraq Wikimedia Commons media kitabxanasına yüklənir.

2021-ci ilin yazında Lingua Libre Strasburqda baş vermiş yanğına görə oflayn olmuşdu, lakin heç bir səs yazısı itirilmədi.

Yazıları Lingua Libre və ya Commons-da tapmaq olar. Onlar əsasən digər Vikimedia layihələrində, məsələn, Vikilüğətdəki sözləri və ya Vikipediya məqalələrində xüsusi isimləri göstərmək üçün istifadə olunur.

Yazıların dil tədrisi kontekstində təkrar istifadəsi nəzərdə tutulur. Dil öyrənənlər tələffüzləri sərbəst yükləyə və məşhur lüğət proqramı olan GoldenDict-də istifadə edə bilərlər. Beləliklə, audioyazılardan internetə ehtiyac olmadan GoldenDict-də "Tələffüz lüğətləri" kimi istifadə oluna bilər.

Qeydlər həmçinin Təbii Dil Emalı layihələrində, məsələn, Mozilla-nın nitq tanıma mühərriklərini idarə etmək üçün təkrar istifadə olunur.

• — Rəsmi saytı