Ling

Ling — tərpənməz dayaq ətrafında fırlana bilən bərk cismdir. Dayaq nöqtəsindən kənarda olan tərəflərə lingin qolları deyilir.

Böyük qola kiçik qüvvə ilə təsir etməklə lingin kiçik qolunda böyük qüvvə yaradılır. Lingin qolunu kifayət qədər uzun etməklə nəzəri olaraq istənilən qüvvəni yaratmaq mümkündür.

Belə sistemin riyazi təsviri ling qanunu ilə izah edilir. Bu qanun ilk dəfə olaraq antik dövrdə Arximed tərəfindən təsvir edilmişdir.

İşləmə prinsipi

Lingin sxemi. Tarazlıqda

F_{1}D_{1}=F_{2}D_{2}

Lingin işləmə prinsipi enerjinin saxlanması qanununa əsaslanır. Qolu $\Delta h_{1}$ məsafəsinə gətirmək üçün yük tərəfindən təsir edən qüvvə aşağıdakı işi görməlidir:

\ A_{1}=F_{1}\Delta h_{1}

.

Digər tərəfdən baxdıqda, qoyulan qüvvə bu işi görməlidir:

\ A_{2}=F_{2}\Delta h_{2}

,

burada: $\Delta h_{2}$ — lingin qolunun ucu hissəsindəki yerdəyişməsidir. Burada $F_{2}$ qüvvəsi təsir edir. Qapalı sistem üçün enerjinin saxlanması qanunun doğru olması üçün hər iki tərəfdə görülən işlər bərabər olmalıdır, yəni:

\ A_{1}=A_{2}

,

\ F_{1}\Delta h_{1}=F_{2}\Delta h_{2}

.

Ədəbiyyat

A. Mehrabov. Fizika kursu. Bakı, Maarif, 1982.
X. Şirinov. Fizika, Azərtədrisnəşr, 1964.