Linda Hirşman (ing. Linda Hirshman; 26 aprel 1944, Klivlend, Ohayo – 31 oktyabr 2023, Berlinqton, Vermont) — amerikalı hüquqşünas, politoloq, akademik və feminist yazıçı. Karyerasına həmkarlar ittifaqlarının tərəfini tutan əmək hüquqşünası kimi başlamış və ABŞ Ali Məhkəməsində çıxış etmişdir.[1]
| Linda Hirşman | |
|---|---|
| Doğum tarixi | 26 aprel 1944 |
| Doğum yeri | |
| Vəfat tarixi | 31 oktyabr 2023 (79 yaşında) |
| Vəfat yeri | Berlinqton, Vermont ştatı, ABŞ |
| Təhsili | |
| Fəaliyyəti | vəkil |
| İstiqamət | Amerika tarixi, hüquq, feminizm |
Daha sonra Çikaqo-Kent Hüquq Kollecində və Brandeys Universitetində hüquq və fəlsəfə dərsi demişdir. Onun yazdığı kitablar hüquq, qadınlar və sosial hərəkatlarla bağlı olmuşdur. Ən çox tanınan əsərlərindən biri "Sisters in Law" adlı The New York Times bestselleridir. Bu kitab ABŞ Ali Məhkəməsinin hakimləri Sandra Dey O'Konnor və Rut Beyder Qinzburq haqqında yazılmışdır.[2] Hirşman 2005-ci ildə "Homeward Bound" adlı məqaləsi ilə də tanınmışdır. O, bu məqalədə qadınların iş dünyasında olmamasını kəskin tənqid edərək yüksək vəzifələrdə çalışan qadınları karyeralarını davam etdirməyə və evdar qadın olmaqdan çəkinməyə çağırmışdır.[3]
Linda Dayan Redlik 26 aprel 1944-cü ildə Klivelend şəhərində anadan olmuşdur.[4]Kornell Universitetində siyasi elmlər üzrə bakalavr dərəcəsi almışdır. Çikaqo Hüquq Məktəbində hüquq üzrə magistr (J.D.) dərəcəsini 1969-cu ildə, İllinoys Çikaqo Universitetində isə fəlsəfə üzrə doktorluq (Ph.D.) dərəcəsini 1995-ci ildə əldə etmişdir. Onun doktorluq dissertasiyası Tomas Hobbs haqqında idi.[5]
1966-cı ildə kollecdə tanış olduğu Harold Hirşman ilə evlənmiş, ondan bir qızı olmuşdur. Onlar 1984-cü ildə boşanmışdır. Daha sonra Devid Forkoş ilə ailə qurmuş və onun iki övladına ögey ana olmuşdur. Devid Forkoş 2012-ci ildə vəfat etmişdir.[6]
Hirşman 31 oktyabr 2023-cü ildə, 79 yaşında, Vermont ştatının Berlinqton şəhərində xərçəngdən vəfat etmişdir.
Hirşman 15 il ərzində hüquq sahəsində çalışmış və əsasən həmkarlar ittifaqlarını təmsil etmişdir. O, ABŞ Ali Məhkəməsində üç işdə iştirak etmişdir, bunlardan ən mühümü 1985-ci ildə "Garcia v. San Antonio Metropolitan Transit Authority" işi idi. Bu işdə federal hökumətin Ədalətli Əmək Standartları Aktını dövlət və yerli hökumət işçilərinə tətbiq etmək səlahiyyəti təsdiqlənmişdir. Daha sonra Hirşman akademik karyeraya keçərək hüquq, fəlsəfə və qadın araşdırmaları sahəsində dərs demişdir.[4][7] O, əvvəlcə Çikaqo-Kent Hüquq Kollecində, 1996-cı ildən isə Brandeys Universitetində çalışmış və 2002-ci ildə fəlsəfə və qadın araşdırmaları üzrə görkəmli professor kimi təqaüdə çıxmışdır.
Hirşman The New York Times, The Washington Post, Slate, Salon və The Daily Beast kimi nəşrlərdə məqalələr yazmışdır.
2005-ci ildə Hirşman "The American Prospect" jurnalında "Homeward Bound" adlı məqaləsini nəşr etdirmişdir.[8] Bu məqalədə o, ali təhsilli qadınların evdar qadın olmaq üçün peşəkar karyeralarını tərk etmələrindən narahatlığını ifadə etmişdir. O, biznes və hüquq kimi yüksək statuslu sahələrdə çalışan qadınların karyeralarını davam etdirməli və nüfuzlu mövqelərdə qadın təmsilçiliyini artırmalı olduğunu müdafiə etmişdir.[9]
Hirşman evdar qadın olmağı sosial cəhətdən zərərli seçim kimi qiymətləndirmiş, çünki bu, qadınların əmək bazarında iştirakını azaldır və onların bilik və bacarıqlarının "təkrarlanan, sosial cəhətdən görünməz, fiziki işlərə" sərf olunmasına səbəb olur. The New York Times onun məqaləsinin "sosial mühafizəkarlar da daxil olmaqla, demək olar ki, hər kəsi qəzəbləndirdiyini" yazmışdır.[10] Onun fikirləri Bernard Goldberg tərəfindən "Amerikanı məhv edən 100 insan" siyahısına daxil edilmişdir (77-ci yer).
Feminist bloqqerlər, məsələn, Lesli Morqan Ştayner, iqtisadçılar, məsələn, Hizer Buşi, onun arqumentlərinin kifayət qədər statistik sübutlara əsaslanmadığını irəli sürmüşlər.[11] Hirşman isə bu ittihamların onun qənaətlərini dəyişmədiyini bildirmişdir.
2006-cı ildə Hirşman öz fikirlərini daha da inkişaf etdirmək üçün "Get to Work: A Manifesto for Women of the World" (İşə başlayın: Dünya Qadınları üçün Manifest) adlı kitabını nəşr etdirmişdir.
2012-ci ilin iyununda Hirşman "Victory: The Triumphant Women Revolution" adlı kitabını nəşr etdirmişdir.[4][12]
2019-cu ildə "Sisters in Law" əsəri əsasında hazırlanan teatr tamaşası Uollis Annenberq İncəsənət Mərkəzində (Beverli-Hillz, Kaliforniya) premyerasını etmişdir. Həmin il Hirşman "Reckoning: The Epic Battle" adlı kitabını nəşr etdirmişdir.[13]
Onun son tamamladığı kitab "The Color of Abolition" (2022) olmuşdur. Kitab Frederik Duqlas və ağ abolisionistlər arasındakı mübahisəli münasibətlərə həsr edilmişdir.[14] Hirşman ölümündən əvvəl Marqaret Sallivan ilə birlikdə sağçı medianın demokratiyaya təsiri haqqında kitab yazmaq üzərində işləyirdi.
- ↑ "Hardcover Nonfiction Books – Best Sellers – Books". The New York Times (ingilis). September 20, 2015. ISSN 0362-4331. İstifadə tarixi: November 12, 2023.
- ↑ "Are Women Opting Out? Debunking the Myth" – CEPR, December 2005
- ↑ "Chicago Magazine Talks with Linda Hirshman '69, Author of 'Victory: The Triumphant Gay Revolution'". University of Chicago Law School (ingilis). June 11, 2012. İstifadə tarixi: November 1, 2023.
- ↑ 1 2 3 Green, Penelope. "Linda R. Hirshman, Who Challenged Stay-at-Home Mothers, Dies at 79". The New York Times. November 9, 2023. İstifadə tarixi: November 9, 2023.
- ↑ Hansen, Suzy. "She's the woman all the other women love or hate". Los Angeles Times (ingilis). June 27, 2006. İstifadə tarixi: November 11, 2023.
- ↑ 16 Ways of Looking at a Female Voter – The New York Times, March 2, 2008
- ↑ Felsenthal, Carol. "Linda Hirshman, Author of 'Victory: The Triumphant Gay Revolution,' on Obama, Hillary, and the Lawsuit Against Cook County". Chicago Magazine (ingilis). June 5, 2012. İstifadə tarixi: November 1, 2023.
- ↑ Gay Marriage, Black Voters – Slate, September 5, 2012
- ↑ "Linda Hirshman, '69: From Law Practice and Teaching to the New York Times Bestsellers List". University of Chicago Law School (ingilis). October 11, 2016. İstifadə tarixi: November 1, 2023.
- ↑ Hilary Rosen was right: Ann Romney doesn't speak for women in the workforce. – The Washington Post, April 13, 2012
- ↑ Faust, Drew Gilpin. "Review | Lively depiction of abolition dissects its competing philosophies and strategies". Washington Post (ingilis). March 25, 2022. ISSN 0190-8286. İstifadə tarixi: November 2, 2023.
- ↑ Pollitt, Katha. "Linda Hirshman Was a Different Kind of Feminist". The Nation. November 13, 2023. İstifadə tarixi: November 13, 2023.
- ↑ "Is Your Husband a Worse Problem Than Larry Summers?", Inside Higher Ed, 12/9/05
- ↑ "Book Review: "Sisters in Law: How Sandra Day O'Connor and Ruth Bader Ginsburg Went to the Supreme Court and Changed the World," by Linda Hirshman". The Denver Post (ingilis). September 3, 2015. İstifadə tarixi: November 2, 2023.
- Video interview/discussion with Hirshman and Michelle Goldberg on Bloggingheads.tv
- GetToWorkManifesto.com, Hirschman's official website
- C-SPAN-da göstərilənlər