Lester Helbert Cermer (ing. Lester Halbert Germer; 10 oktyabr 1896[1][2][…], Çikaqo, İllinoys – 3 oktyabr 1971[1][2][…]) — Amerikalı fizik.[3] O, Klinton Davisson ilə birlikdə elektron mikroskopun inkişafında mühüm rol oynayan Devisson-Cermer təcrübəsilə maddənin dalğa-zərrəcik dualizmini sübut etmişdir. Bu tədqiqatlar Lui de Broylun nəzəri fəaliyyətini dəstəkləyirdi. Cermer həmçinin termionika, metalların eroziyası və kontakt fizikası sahələrini öyrənmişdir. 1931-ci ildə o, Elliott Kresson medalı ilə təltif edilmişdir.
| Lester Cermer | |
|---|---|
 | |
| Doğum tarixi | 10 oktyabr 1896[1][2][…] |
| Doğum yeri | |
| Vəfat tarixi | 3 oktyabr 1971[1][2][…] (74 yaşında) |
| Elm sahəsi | fizika |
| Təhsili | |
| Elmi rəhbəri | Klinton Davisson |
 Vikianbarda əlaqəli mediafayllar | |
Birinci Dünya müharibəsinin keçmiş qırıcı təyyarə pilotu olan Cermer, sonradan Nyu-Cersidəki "Bell Labs"-da çalışmışdır.
1945-ci ildə (49 yaşında) Cermer ikinci karyera kimi qayaya dırmanma (alpinizm) fəaliyyətinə başlamışdır. O, ABŞ-nin şimal-şərqində, xüsusilə Nyu-Yorkun Şavanqank Ric (Shawangunk Ridge) bölgəsində geniş dırmanışlar həyata keçirmişdir. Həmin dövrdə bölgədə Appalaç Dağ Klubu (AMC) dominant olsa və qayaya dırmanmanı ciddi şəkildə tənzimləsə də, Lester heç vaxt bu klubla əlaqəli olmamış və klubun Təhlükəsizlik Komitəsinin rəhbəri, tanınmış alpinist Hans Kraus ilə münaqişə yaşamışdır. Bir dəfə ona "insanları çox sevir və həddindən artıq həvəslidir" rəyi ilə dırmanma sertifikatı verilməsindən imtina edilmişdir. Lester xeyirxahlığı və mehribanlığı ilə tanınırdı; onu bir zamanlar "təkadamlıq dırmanma məktəbi" adlandırırdılar.
1971-ci ildə, 75 illik yubileyinə bir həftə qalmış, Lester Cermer Şavanqank Ricdə qayaya dırmanma zamanı ("Double Chin",[4] 5.6 marşrutu) kəskin ürək tutmasından vəfat etmişdir. Həmin ana qədər Lester qayaya dırmanmada 26 illik mükəmməl təhlükəsizlik rekorduna sahib idi; o, hətta bir dəfə də olsun dırmanma zamanı yıxılmamışdı.
- 1 2 3 4 Lester Halbert Germer // Encyclopædia Britannica (ing.).
- 1 2 3 4 Lester Halbert Germer // Brockhauz Ensiklopediyası (alm.).
- ↑ Mac Rae, Alfred U. "Lester H. Germer". Physics Today. 25 (1). yanvar 1972: 93–94. Bibcode:1972PhT....25a..93R. doi:10.1063/1.3070697.
- ↑ John Stannard. "Lester Germer". The Eastern Trade. oktyabr 1971: 4.