Lesoto Milli Universiteti Lesotonun əsas və ən qədim universiteti hesab olunur.[1] Lesoto Milli Universiteti ölkənin paytaxtı Maserudan 34 km (21 mil) cənub-şərqdə yerləşən Roma qəsəbəsində yerləşir.[2] Roma vadisi genişdir və möhtəşəm mənzərə yaradan sərt dağ silsiləsi ilə əhatə olunmuşdur. Universitetin idarəedici orqanı şuradır, akademik siyasət isə Ssenatın səlahiyyətindədir.
| Lesoto Milli Universiteti | |
|---|---|
 | |
| Əsası qoyulub | 1945 |
| Tələbə sayı | 7.000 |
| Ölkə | |
| Sayt | nul.ls |
| 29°27′02″ c. e. 27°43′23″ ş. u. | |
 |
|
 Vikianbarda əlaqəli mediafayllar | |
Lesoto Milli Universitetinin əsası 8 aprel 1945-ci ilə gedib çıxır.[3] Həmin tarixdə Cənubi Afrikanın Roma Katolik İerarxiyası tərəfindən Roma qəsəbəsində Katolik Universitet Kolleci təsis edilmişdir. Bu kollecin yaradılması 1938-ci ildə Cənubi Afrikada Katolik Yepiskoplar Sinodu tərəfindən qəbul edilən, Afrika mənşəli katolik tələbələrə orta təhsildən sonrakı akademik təhsil və dini rəhbərlik göstərilməsini nəzərdə tutan qərarın həyata keçirilməsi idi. Katolik Universitet Kolleci Maserudan 34 km (21 mil) uzaqlıqda yerləşən təcrid olunmuş bir vadidə, Roma Missiyasında yerləşən müvəqqəti ibtidai məktəb binasında fəaliyyətə başlamışdır.
1964-cü il yanvarın 1-də XII Piy Universitet Kolleci kraliça II Yelizaveta tərəfindən verilmiş xüsusi nizamnamə əsasında müstəqil və dünyəvi (dini məzhəbə bağlı olmayan) Basutoland, Beçuanaland Protektoratı və Svazilend Universiteti ilə əvəz olundu. Həmin nizamnaməyə əsasən Oblat Ataları Şurada təmsil olunmaq, dərs demək, eləcə də Oblat icması üçün yaşayış yeri olan XII Piy Kollec Evinin fiziki mövcudluğu vasitəsilə BBPSU ilə sıx əlaqəni qoruyub saxladılar.
1966-cı ildə müstəqillikdən sonra seçilmiş adlara uyğun olaraq Basutoland, Beçuanaland Protektoratı və Svazilend Universiteti Botsvana, Lesoto və Svazilend Universiteti adlandırılmışdır.
1975-ci il oktyabrın 20-də Milli Assambleya tərəfindən qəbul edilmiş 1975-ci il tarixli 13 saylı Qanun əsasında, keçmiş BLSU-nin Lesoto (Roma) kampusu ərazisində Lesoto Milli Universitetinin yaradılması barədə qərar qəbul edilmişdir.
- Universitet Afrikada 121-ci, dünyada isə 6 045-ci yerdə qərarlaşmışdır.[4]
- 2018-ci ildə universitetdə 9263 tələbə təhsil almışdır; bu rəqəm 2017-ci ildə 9460, 2016-cı ildə 9560, 2015-ci ildə isə 9239 olmuşdur.[1]
- 2020-ci ildə universiteti 2017 məzun bitirmişdir; 2019-cu ildə 2120, 2018-ci ildə isə 2266 məzun qeydə alınmışdır.[5]
- 2019-cu ildə universitetə 1 387 yeni tələbə qəbul edilmiş, 2018-ci ildə isə 2 700 tələbə qeydiyyatdan keçmişdir.[6]
- Universitet 70 akkreditə olunmuş təhsil proqramı təklif edir.
- 2011-ci ilin iyun ayında Lesotho Times qəzeti universitetin yeddi fakültəsindən üçünün tələbələrinin yarısının imtahanlardan kəsildiyini bildirmişdir. "Görünməmiş uğursuzluq səviyyəsi" hüquq, səhiyyə elmləri və elm və texnologiya fakültələrində müşahidə olunmuşdur.
LMU-nun tərkibindıki fakültə və kafedralar:[7]
- Kənd təsərrüfatı
- Təhsil
- Səhiyyə elmləri
- Humanitar elmlər
- Hüquq
- Elm və texnologiya
- Sosial elmlər
Lesoto Milli Universiteti aşağıdakı təşkilatlara üzvdür:[8]
- Birlik Ölkələri Universitetləri Assosiasiyası
- Afrika Universitetləri Assosiasiyası
- Beynəlxalq Universitetlər Assosiasiyası
- Cənubi Afrika Regional Universitetlər Assosiasiyası
- Şərqi və Cənubi Afrika Universitetləri Assosiasiyası
- ↑ 1 2 Mashinini, Vusi (September 2019). "Restructuring at the National University of Lesotho: Prospects and Challenges" (PDF). International Journal of Education and Research. 7: 67–80.
- ↑ "NUL History". NUL. 2017-10-11. Retrieved 2021-01-14.
- ↑ "Gov.ls". Archived from the original on 2018-02-10. Retrieved 2018-01-07.
- ↑ "300 Best universities in Africa: Rankings & Acceptance rate". EduRank.org — Discover university rankings by location. 2019-11-21. Retrieved 2021-01-15.
- ↑ "Vice-Chancellor's Graduation Speech 2020 Delivery Associate Professor K. E Mosito PhD". NUL. 2020-09-29. Retrieved 2021-01-14.
- ↑ "NUL faces closure due to funding challenges". Lesotho Times. 2019-09-18. Retrieved 2021-01-14.
- ↑ "National University of Lesotho – National University of Lesotho". Retrieved 2024-05-29.
- ↑ "NUL History". NUL. 2017-10-11. Retrieved 2020-10-26.