Lamborghini Urus

Lamborghini Urus konsepti 2012-ci il aprelin 23-də Pekin Avtosalonunda (Bejing Auto Show) ilk dəfə təqdim edilmişdir.^[2]Daha sonra həmin ilin avqustunda model Pebble Beach Concours d'Elegance tədbirində də nümayiş etdirilmişdir.Konsept model Gallardo ilə eyni olan 5,2 litrlik V10 mühərriklə təchiz edilmişdi.Bu mühərrik nəzəri olaraq 600 PS (592 at gücü; 441 kVt) güc hasil edə bilir və tam ötürücü sistem ilə birlikdə işləyirdi.SUV-un iti bucaqlı,kəskin xətli xarici dizaynı Lamborghininin V12 flaqman modeli olan Aventadordan güclü şəkildə ilhamlanmışdı.Bu dizayn yanaşması Urus konseptinə həm markanın idman ruhunu,həm də SUV seqmentindəki modern lüks estetikasını əks etdirmişdir.

Lamborghini,2008-ci il Paris Avtomobil Sərgisində təqdim edilən "Lamborghini Estoque" modelindən əvvəl "Urus" adını ticarət nişanı kimi qeydiyyatdan keçirmişdi.Avtomobil xəbərləri üzrə ixtisaslaşmış Jalopnik və Autoblog kimi bloqlar həmin dövrdə bu adın sonradan "Estoque" modelinə veriləcəyini ehtimal etmişdilər.^[3][4]

2017-ci il dekabrın 4-də Lamborghini Urus şirkətin Sant'Agata Bolognese şəhərindəki baş ofisində rəsmi olaraq təqdim edilmişdir.Bu model LM002-dən sonra markanın istehsal etdiyi ilk SUV olmuşdur.^[5][6]SUV-un seriya istehsalı üçün nəzərdə tutulan versiyası konsept modelinə nisbətən xarici dizayn baxımından əhəmiyyətli dəyişikliklərə məruz qalmış və fərqli güc ötürmə sistemi ilə təchiz edilmişdir.^[7]Yeni Urus modelinin istehsalına Lamborghini-nin yenilənmiş Sant'Agata zavodunda başlanılmış və ilk çatdırılmalar 2018-ci ilin əvvəllərində planlaşdırılmışdır.Şirkət illik təxminən 3,500 ədəd satış həcmini hədəfləmişdi.^[8]Lakin modelə olan yüksək tələbat səbəbindən Lamborghini Sant'Agata Bolognesedəki istehsal müəssisəsini genişləndirməyə məcbur olmuşdur.

2020-ci ilin iyul ayında Lamborghini şirkəti Urus modelinin 10,000-ci ədədinin istehsal olunduğunu elan etmişdir.2022-ci ildə şirkət mühüm bir mərhələyə çatmış - bu modeldən 20,000 ədəd istehsal etmişdir.Bununla da Lamborghini Urus,markanın tarixində ən qısa müddətdə ən çox satılan modeli statusunu qazanmışdır.^[9]

Lamborghini Urus, istehsalçı tərəfindən göstərildiyi kimi,2.200 kq-dan (4.850 funt) az kütləyə malik olmaqla bir çox rəqiblərindən - BMW X6 M,Bentley Bentayga və Rolls-Royce Cullinan modellərindən - əhəmiyyətli dərəcədə daha yüngüldür (lakin Porsche Cayenne ilə müqayisədə deyil).^[10]Bu yüngüllük əsasən karbon liflə gücləndirilmiş polimerin geniş istifadəsi sayəsində əldə edilmişdir.Maraqlıdır ki,Urus eyni platformanı Audi Q7,Bentley Bentayga, Porsche Cayenne və Volkswagen Touareg modelləri ilə paylaşmasına baxmayaraq,çəkisinə görə onlardan fərqlənir.^[11]

Urus modeli ön mühərrikli və tam ötürməli quruluşa malikdir^[12] və 305 km/saat (190 mil/saat) maksimal sürətlə hərəkət edə bilir ki,bu da dünyanın ən sürətli seriyalı istehsal olunan krossoverlərindən (SUV) birinə çevirir.Avtomobil 0-100 km/saat (62 mil/saat) sürətlənməni 3,6 saniyəyə,0-200 km/saat (124 mil/saat) sürətlənməni 12,8 saniyəyə həyata keçirir.

Lamborghini Urus,təqdim olunduğu dövrdə, dünyanın ən iri karbon-keramika disklərinə malik əyləc sistemi ilə təchiz edilmişdi.Ön təkərlərdə 400 mm (17,32 düym),arxa təkərlərdə isə 370 mm (14,57 düym) ölçülü disklər quraşdırılmışdır;ön hissədə on porşenli,arxada isə bir porşenli kaliperlərdən istifadə olunur.^[13]Avtomobilin tam ötürmə sistemi normal şəraitdə mövcud fırlanma momentinin 40 faizini ön,60 faizini isə arxa təkərlərə ötürür.Sistem fırlanma momentinin paylanmasını tənzimləyən "torque vectoring" texnologiyası vasitəsilə,zərurət yarandıqda,bu nisbəti 70 faizə qədər önə və ya 87 faizə qədər arxaya yönləndirə bilir.

Standart Lamborghini Urus modeli bir sıra yüksək səviyyəli texniki xüsusiyyətlərlə təchiz olunmuşdur.Avtomobilin əsas komplektasiyasına turbokompressorlu 4,0 litrlik V8 mühərrik,səkkiz pilləli ZF 8HP avtomatik sürət qutusu,tam ötürücü sistem,21düymlük disklər,karbon-keramik əyləclər,arxa oxda fırlanma momentinin paylanması sistemi və dörd təkərli sükan sistemi daxildir.Salonda süni süet tavan örtüyü və dəri oturacaq səthləri istifadə edilmişdir.Ön oturacaqlar 12 istiqamətli elektrik tənzimlənmə,yadda saxlama funksiyası,isitmə sistemi və 12,3 düymlük rəqəmsal göstərici paneli ilə təchiz olunmuşdur.Arxa hissədə oturacaqlar ya üç nəfərlik oturacaq,ya da iki nəfərlik idman oturacaqları şəklində konfiqurasiya oluna bilər.Bundan əlavə,modeldə dörd zonalı avtomatik iqlimə nəzarət sistemi standart təchizat kimi təqdim edilir.^[14]

Lamborghini Urus,markanın digər müasir modellərində olduğu kimi,müxtəlif yol şəraitlərinə uyğunlaşdırılmış bir sıra sürüş rejimləri ilə təchiz olunmuşdur.Bu rejimlər asqı sistemini avtomatik tənzimləyərək avtomobilin performansını fərqli sürüş şəraitlərində optimallaşdırır.^[15]

• Strada (şəhər/reli yollar) - gündəlik idarəetmə üçün balanslaşdırılmış komfort rejimi.

• Sport - daha çevik sükan və dinamik cavablılıq.

• Corsa (yarış trası) - maksimum performans üçün idman tənzimləmələri.

• Terra (torpaq) - kələ-kötür səthlərdə idarəetmə sabitliyini artırır.

• Sabbia (qum) - qumlu səthlərdə dartma qabiliyyətini gücləndirir.

• Neve (qar) - sürüşkən səthlərdə maksimum sabitlik təmin edir.

Son üç rejim - Terra,Sabbia və Neve - yalnız yolsuzluq (off-road) paketi ilə təchiz olunmuş modellərdə mövcuddur. Lamborghini Urus modelinin oturacaq tutumu 4-5 nəfər arasında dəyişir və konfiqurasiyadan asılı olaraq fərqli interyer düzənləri təklif olunur.

Urus modeli Lamborghinin ənənəvi,atmosfer tipli (yəni,turbo istifadə etməyən) V10 və V12 mühərriklərindən fərqli olaraq,4,0 litrlik turbokompressorlu V8 mühərriklə təchiz edilmişdir.Bu mühərrik Audinin 4,0 litrlik V8 aqreqatının dəyişdirilmiş versiyasıdır.Mühərrikin maksiimum gücü 478 kVt (641 at gücü,650 PS)/6.000 dövr/dəq,maksimum fırlanma anı isə 850 N•m (627 lb•ft)/2.250-4.500 dövr/dəq təşkil edir.Bu mühərrik Urus üçün ciddi şəkildə yenidən işlənmişdir:o,Porsche Cayenne Turbo mühərrikindən 100 PS (74 kVt,99 at gücü) və 80 N•m (59 lb•ft) daha güclüdür.Dəyişikliklər arasında yeni silindr başlıqları da yer alır.Mühərrik Volkswagenin Macarıstandakı zavodunda yığılır və daha sonra Lamborghinin İtaliyadakı montaj zavoduna göndərilir.^[16]

Urus modeli 0-dan 100 km/saat sürətə cəmi 3,6 saniyəyə çatır və maksimum sürəti 306 km/saat (190 mil/saat) təşkil edir.ABŞ Ətraf Mühit Agentliyi (EPA) məlumatına görə,avtomobilin orta yanacaq sərfiyyatı (şəhər və magistral birlikdə) 14 mil/galon (16,8 l/100 km) təşkil edir.Şəhər rejimində bu göstərici 12 mil/galon (19,6 l/100 km),magistralda isə 17 mil/galon (13,8 l/100km) səviyyəsindədir.^[17]

Standart Lamborghini Urus modelinin xüsusi versiyasıdır.Bu versiya alıcılara avtomobili maksimum dərəcədə fərdiləşdirmək imkanı təqdim edir.Fərdiləşdirmə seçimlərinə iki tonlu "Alcantara" oturacaqların rənglərinin,həmçinin kuzov boyasının seçilməsi daxildir.lamborghini şirkətinin məlumatına görə,üç ədəd mirvari effekti olan boya seçimi mövcuddur:Verde Mantis,Arancio Borealis və Giallo Inti.Bu rənglər markanın ənənəvi bərk tonlarının müasir interpretasiyasını əks etdirir.Avtomobilin aşağı bamperləri,yan ətəkləri və damı parlaq qara (Black Gloss) rənglə boyanaraq iki tonlu vizual effekt yaradılır.23 düymlük Shiny Black Taigete yüngül lehimli disklər isə seçilən rəng vurğularına uyğunlaşdırılmışdır.Xüsusi dizayn və fərdiləşdirmə versiyalarının modelinin texniki göstəriciləri - o cümlədən mühərrikin gücü və fırlanma anı - standart Urus ilə eynidir.^[18]

Standart Lamborghini Urus modelinin yalnız yarışlar üçün nəzərdə tutulmuş,yol hərəkəti üçün icazəsiz versiyasıdır.Avtomobil Lamborghininin Squadra Corse bölməsi tərəfindən hazırlanmışdır.Konsept model ilk dəfə 2018-ci ildə Lamborghini Word Finals tədbirində təqdim edilmişdir.Model FIA tələblərinə uyğun şəkildə dizayn edilmişdir və istehsal versiyasında tam təhlükəsizlik karkası,yanğınsöndürmə sistemi və FT3 yanacaq çəni ilə təchiz olunmuşdur.4,0 litrlik iki turbokompressorlu V8 mühərrikin istilik mübadiləsini optimallaşdırmaq məqsədilə hava girişləri böyüdülmüşdür.Texniki göstəricilər yol üçün nəzərdə tutulan Urus mdeli kimi - 641 at gücü (650 PS) və 850 N•m (627 lb•ft) fırlanma anı saxlanılmışdır.Avtomobil altıbucaqlı formalı yarış egzoz sistemi,həmçinin Pirelli təkərləri ilə təchiz edilmiş 21 düymlük yüngül lehimli disklər ilə fərqlənir.Bu konstruktiv dəyişikliklər nəticəsində modelin çəkisi yol versiyası ilə müqayisədə 25% azalmışdır.Müştərilərə ilk çatdırılmaların 2020-ci ildə başlanması planlaşdırılmışdır.

Lamborghini tərəfindən 2022-ci ilin avqust ayında təqdim edilmiş,Urus modelinin daha düclü və dinamik versiyasıdır.Bu model digər xüsusi versiyalardan fərqli olaraq,həm dizayn,həm də texniki göstəricilər baxımından mühüm dəyişikliklərlə seçilir.Avtomobilin mühərriki təkmilləşdirilərək 657 at gücü (666 PS;490 kVt) hasil edir,fırlanma anı isə dəyişməz qalmışdır.Model həmçinin aerodinamik yüklənmənin artırılması ilə daha sabit idarəetmə təmin edir.Konstruktiv təkmilləşdirmələr nəticəsində avtomobil digər versiyalardan 47 kq (104 lb) daha yüngüldür.^[19]Lamborghini şirkətinin məlumatına görə,"Urus Performante" modeli 0-dan 100 km/saata (62 mil/saata) sürətlənməni 3,3 saniyəyə həyata keçirir və makksimum sürəti 306 km/saata (190 mil/saata) çatır.^[20]Modeldə bir sıra texniki dəyişikliklər edilmişdir.Asqı sistemi yenidən tənzimlənmiş,diferensial arxa ox istiqamətində daha çox dartı payı ilə qurulmuşdur.Tənzimlənən hava yayları çıxarılaraq onların yerinə sabit hündürlüklü "coil spring" tipli asqılar quraşdırılmışdır.Həmçinin,yolsuzluq idarəetmə rejimləri ləğv edilmiş,əlavə olaraq Pirelli P Zero Trofeo R təkərləri opsional seçim kimi təklif olunur.

2024-cü ilin aprel ayında təqdim edilmişdir və modelin xarici dizaynında ümumi yenilənmə aparılmışdır.lakin bu versiyanın əsasn yeniliyi "Plug"-in hibrid sistemi olmuşdur.Bu sistem,artıq baza modelində istifadə olunan 611 at gücünə malik iki turbokompressorlu V8 mühərriklə birləşdirilərək,ümumi gücü 789 at gücünə və 950 N•m fırlanma anına qədər artırır.Avtomobilin çəkisi Urus S modeli ilə müqayisədə 300 kq artsa da,^[21]0-dan 100 km/saata qədər sürətlənmə göstəricisi bir qədər yaxşılaşdırılmışdır.Əsas fərq isə ekoloji təsirdə özünü göstərir:Lamborghininin məlumatına görə,Urus SE əvvəlki SUV versiyaları ilə müqayisədə 80% daha az ekoloji təsirə malikdir.^[22]

2020-ci ilin noyabr ayında ABŞ-ın Milli Yol Hərəkəti Təhlükəsizliyi Administrasiyası (NHTSA) tərəfindən 2019 və 2020-ci il istehsal ili olan,4, litrlik iki turbokompressorlu V8 mühərriklə təchiz edilmiş Lamborghini Urus modelləri yanğın riski səbəbindən geri çağırılmışdır.Bildirilmişdir ki,mühərrik bölməsində yüksək temperatur yanacaq xəttinin birləşdirici elementlərinin layihə üzrə müəyyən edilmiş istilik dözümlülüyü həddini aşmasına səbəb ola bilər.Bu cür yüksək temperatur birləşdirici materialın yumşalmasına və nəticədə yanacaq sızmasına gətirib çıxara bilər.^[23]

2024-cü ilin may ayında Lamborghini şirkəti 2023 və 2024-cü il istehsalı olan Urus Performante və Urus S modellərinin 2.133 ədədini geri çağırmaq qərarı vermişdir.eri çağırma,avtomobillərin kapot qapağının bərkidici pərçimləri ilə əlaqədar yaranan potensial nasazlıqla bağlı idi.Şirkətin açıqlamasına görə,sürət 151 km/saatdan (94 mil/saat) yuxarı olduqda,kapot və ön bamper arasındakı kiçik boşluqlardan hava axınının artması nəticəsində bağlayıcı mexanizm sıradan çıxa bilər.Bu halda,kapot geriyə açılaraq sürücünün görmə sahəsini məhdudlaşdıra və ön şüşəyə zərər verə bilər.Bəzi hallarda isə kapot tamamilə qoparaq avtomobildən ayrılma riskidaşıyır.Beləliklə,Lamborghini bu texniki qüsurun aradan qaldırılması və təhlükəsizlik risklərinin qarşısının alınması məqsədilə müvafiq modelləri rəsmi şəkildə geri çağırmışdır.^[24]