Laleyi evi

Laleyi evi — Pəhləvilər dövründə Təbrizdə tikilmiş tarixi abidə. Bina iki mərtəbədən ibarətdir, ümumi sahəsi 900 kvadratmetrdir. Mülkün qərb və cənub-qərb tərəflərindən iki girişi var. Hovuzu və bağçası olan həyət şərq və qərb tərəfdən bəzəkli tağlarla əhatələnib. Birinci mərtəbəyə giriş iki dəhliz vasitəsilə təmin olunur. Burada bir mərkəzi otaq və iki yan otaq var. Binanın şimalında daxili məkana işıq verən kiçik bir arxa həyət var. Binanın fasadı kərpic çərçivələrlə bəzədilib və iki sütunlu, gips naxışlı eyvanları var. Mərhum Yəhyə Zəkanın İranın və xüsusilə Azərbaycan bölgəsinin, o cümlədən Təbrizin tarix və mədəniyyətinə etdiyi xidmətlərin xatirəsinə bu ev “Yəhyə Zəka Tarixi Tədqiqatlar Ofisi” kimi fəaliyyət göstərir. Burada onun şəxsi arxivinə aid sənədlər, kitablar və tarixi materiallar sərgilənir. Binanın hazırkı sahibi İranın Mədəni İrs Təşkilatıdır.

Laleyi evi
Ölkə	İran[1]
Şəhər	Təbriz
Yerləşir	Təbriz
Vikianbarda əlaqəli mediafayllar