Bu səhifədə iş davam etməkdədir. |
Lacoste — 1933-cü ildə tennisçi Rene Lakost və sahibkar Andre Jilye tərəfindən qurulmuş fransız dəb şirkəti. Şirkət geyim, ayaqqabı, idman geyimi, eynək, dəri məmulatları, ətir, dəsmal və saat satışı ilə məşğuldur və yaşıl timsah loqosu ilə tanınır.[1] Şirkətin qurucusu Rene Lakost komandasının kapitanı ilə bir matçda qazanacağına dair timsah dərisindən hazırlanmış bir çamadan qarşılığında mərc girmiş və ilk dəfə buna görə Amerika mətbuatı tərəfindən ona "Timsah" ləqəbi verilmişdir. Daha sonra isə tennis kortundakı əzmkarlığına görə fransız pərəstişkarları onu "timsah" adlandırmağa başlayıblar. [2] Lacoste şirkəti 2012-ci ilin noyabrında İsveçrə mərkəzli Maus Frères holdinqi tərəfindən satın alınıb.[3]
| Lacoste | |
|---|---|
| Lacoste | |
 | |
 | |
| Ümumi məlumatlar | |
| Sənaye | pərakəndə |
| Məhsulları | geyim, qol saatı[d], ətir, eynək[d] |
| Təsis tarixi | 1933 |
| Baş qərargahın yeri | |
| lacoste.com | |
 Vikianbarda əlaqəli mediafayllar | |
1933-cü ildə Rene Lakost o dövrdə Fransada trikotaj istehsal edən ən böyük firmanın sahibi və prezidenti olan Andre Jilye ilə birlikdə La Chemise Lacoste şirkətini qurdu. Onlar Lakostun dizayn etdiyi və özünün tennis kortlarında geyindiyi, sinə hissəsində timsah loqosu işlənmiş inqilabi tennis köynəyi istehsal etməyə başladılar. Şirkət bunun hər hansı bir geyim əşyası üzərində brend adının göründüyü ilk nümunə oldğunu iddia edir.[4]
1950-ci illərdən başlayaraq Amerikan şirkəti Izod ABŞ-da satış üçün lisenziya əsasında "Izod Lacoste" brendi altında geyim istehsal etməyə başladı. Bu tərəfdaşlıq 1993-cü ildə Lacoste-un köynəkləri öz brendi ilə satmaq üçün eksklüziv ABŞ hüquqlarını bərpa etdikdə sona çatdı. 1977-ci ildə ABŞ bazarında birbaşa Lacoste ilə rəqabət aparmaq üçün oxşar geyim çeşidi satan, Lacoste-un timsah loqosu yerinə pələng loqosundan istifadə edən Le Tigre Clothing brendi yaradılıb.
- ↑ "Lacoste Logo: Design and History". Famouslogos.net. 30 June 2019 tarixində orijinalından arxivləşdirilib. İstifadə tarixi: 1 December 2017.
- ↑ "René Lacoste". International Tennis Hall of Fame. 19 June 2018 tarixində arxivləşdirilib. İstifadə tarixi: 18 June 2018.
- ↑ Nebehay, Stephanie. "Switzerland's Maus Freres snaps up Lacoste". Reuters. 15 November 2012. 3 October 2017 tarixində arxivləşdirilib. İstifadə tarixi: 19 November 2017.
- ↑ "Lacoste, the story of an iconic brand - LACOSTE". www.lacoste.com. 7 November 2017 tarixində arxivləşdirilib. İstifadə tarixi: 1 December 2017.